|
發表於 2013-3-13 20:52:10
|
顯示全部樓層
本帖最後由 JonesCheung 於 2013-3-13 21:34 編輯
終於有時間寫返比賽過程
我係星期六零晨上機, 在機上又訓唔著, 只有在去京都的JR火車上訓左一個鐘, 因為早上八點己到達酒店所以未能入房, 陽光普照清風送爽, 我同老婆大人放低行李後就去觀光金閣寺和二條城...........下午再去攞號碼布。 去攞號碼布時大會安排左一個姐姐廣東話翻譯, 安非十分貼心。 會場的運動用品特賣場好多野都好平, 我買左一對腿套都係二千日圓 ......同老婆四維影相行足一日, 雙腳都有D攰, 加上睡眠不和有少少傷風在身, 都有D擔心第二日的比賽。
第二日六點起身, 天色有d 陰, 天氣清涼十分適合跑步, 由於知道京都天氣可以好涼, 所以著左一件背心加短袖T打底, 約七點十五分到達西京極運動場, 場地安排與指示都十分清晰。 由於比賽後一天是311兩周年, 開步前先為死難者默哀。 我的起步點在G 區, 由起步到正式起步點也用左七分鐘。 開始時十多K都幾順利, 但正如wongkel 兄所講之後落起大雨,真係勁大雨o個隻, 但因為因已熱身所以仲頂得住, 我keep 住用9.5km/h 前進, 大約跑到23k 開始上山, 不枉我的梅子林訓練令我這時可堅持上山的步伐。 去到最後7km 左右又開始下雨, 雨勢雖然冇之前咁大但氣溫明顯下降, 相信只得十度以下。 本以全身濕透, 真係凍到雙手紅晒又彊硬, 這時體力亦明顯下降, 最終以4小時40分完成不過不失。
比賽後感: 由於比賽是紀念311, 所以安排在3月舉行, 但3月唔係欣賞京都風景的最好日子, 冇紅葉又冇櫻花, 加上今次落雨令風景再打折扣。 不過, 沿途經過很多寺院同古蹟景點也值得欣賞, 還有一樣值得欣賞就係義工同市民的熱情, 落最大雨時d 義工都冇走開又冇遮, 照樣同我地打氣。 全程42.195km 都有市民不怕風雨熱烈的"奸爸爹" 非常感人。 始終是第二介, 大會在終點的安排在D 經驗不足, 三月京都天氣都較清涼, 就算唔落雨有時都幾凍下, 終點只得大會的一條薄薄的大毛巾不夠保暖, 大會應吸取經驗準備錫紙或膠布等保溫, 因為眼見有好多選手到終點後凍到震, 要坐輪椅加毛毯。 |
|