賽後投票- 2012.12.2 心晴行動飛躍海洋公園慈善跑

LL3578

賽後投票- 2012.12.2 心晴行動飛躍海洋公園慈善跑
細則: 只供有報名參加跑手投票

以10分為最高

投完票後, 請登出個人評分及就比賽給予簡評及/或意見
請登出個人跑評及個人評分及各個細項(可因應個人喜好增減)
格色如下 eg:
總分8 (賽道設計8, 賽事安排 8, 日期時間9, 紀念品7,收費6,氣氛9)

投票為期7日,比賽後數日內開始
投票投票結果會作為年終總選是否作為選項其中一個參考
投票後討論,按情況關閉.各項細則,可按情況更改
投票結果及評論,只反映跑友意見,與本網立場無關

wlau

賽道設計 9
賽事安排 2
日期時間 8
紀念品    6
收費       6
氣氛       6

七點鐘開跑, 五點三就要北角上車(入去都係唔駛十五分鐘), 好, 我當你俾我地有時間做熱身. 點之入到去係令我火既開始....
上年佢個更衣室無掛版, 好多人唔知有, 要係街OR 廁格換衫, 攪到好多人要排好耐隊先去到廁所, 今年我一早來到, 見到有女更衣室, 咁我問男既係邊, 佢地居然答我, 男既無喎, 要我地男仔去廁格換, 我話下.. 今日落晒雨, 返到來, 成身濕晒想換咁點, 即係要幾百人排隊入廁格換.. 佢答係.. 我真係有D 火.. 落左咁多日雨, 有乜理由會完全無準備咁..
好啦, 我好彩去比賽之前, 已經著定晒, 去到都係除長褲同外套, 咁我換完啦.. 諗住放底D 野去行李區做熱身啦.. 見到有個人拿住塊版寫住行李區點去, 咁行過去啦,  點之個行李區未SET 好..果時已經係五點九, 我入到去都成三個字.. 乜都未SET 要咁早入去做乜啦.. 好啦.. 我拿住D 行李做下拉筋之類... 去到差不多六點再去.. 好多師兄排左係行李區門口等寄行李, 但好似仲未SET 好, D 師兄師姐仲只係等.. 但我見到入面D 工作人員唔係SET 緊野, 係影緊相, 吹緊水, 我就唔理, 衝入去問佢地SET 好未.. 佢地居然話可以寄行李.. 我真係火起話, 外面個個係度以為你地SET 緊野, 你地SET 好又唔出聲.. 個個係度傻傻地等...佢地先好似知要叫人寄行李...
好啦, 寄完去做下熱身咁啦.. 之後去佢地提供既額外廁格排下水啦.. 今次我都唔駛講, 排隊D 人都自己係度話幾百人既比賽, 咁少額外廁格又無乜人指叫人過來(果時海洋公園門口個公廁女仔係有廿幾人排緊隊.)..
跟住開始落雨... 果時唔想太凍, 就繼續跑下.. 點解聽到有D 工作人員話"點解落雨都唔CANCEL 個比賽既.. 我想佢地CANCEL 個比賽啊.." 我即刻望下望佢地, 係班廿歲未到既後生仔女.... 有係現場既師兄都知, 今朝其實唔係大雨, 居然因為D 咁既雨仔, 想幾百個來比賽既人無得比賽, 佢地見到我望佢地, 仲要對住對講機問會唔會CANCEL 既.....好彩大會最後都有公佈話唔會CANCEL.. 幾驚俾D 咁既打壞後生得呈....
之後開跑.. 都無乜特別問題, 果度D 工作人員都幾好.. 又係咁叫你飲水.. 又係咁影相..指示人員都指示方向都得幾清楚..
之後跑到返來.見到個女更衣室俾人打開左一邊.. 我都廢時再同D 工作人員講.. 繼續完成埋個比賽就算...可能佢地都無人會識去用, 唔怕D女仔俾人偷睇....
好啦, 跑完... 我見有D 師兄有蕉食.. 但我又唔見邊度有.. 就去左拿行李先.. 再之後問D 工作人員, 先知係詢問 處果邊...又一個奇怪既, 點解唔係跑完有人指示OR SET D 路隌等人行去果度拿左水同蕉先呢.....
之後既我, 坐底係海邊D石膊, 唔理, 換衫, 露出我一身既肥腩, ..當然我無換褲啦.. 著番件替換既衫, 換走埋對濕左對"勿"就閃人....
下年我會再繼續, 因為我鍾意條賽道, 如果下年再係咁亂..真係無再下次..

[ 本帖最後由 wlau 於 2012-12-2 17:31 編輯 ]

P5C27

搞得幾好

HIN

我係helper之一，因爲有人要搵幫手
我都覺大會安排幾混亂...
加上又落大雨...