建議渣馬應設有比賽前退出的機制

trektrek

我好唔好意思要同大家講我(因傷)要退出下個月全馬.
我知渣馬名額非常可貴. 網上報名需時亦很快滿額. 知道有些朋友報唔到.

事因前年中發現自己患上腳底筋膜炎,
休息了一年(偶然都有跑少少), 之後感覺已經似乎復原了9成.
所以去年九月復跑. 開始時比較保守.
距離不太長同慢跑為主. 跑完拉筋...
感覺良好.

為了有推動力, 報了今年全馬.
兩三個月前每週里數開始以10%增加, 亦開始長課.
再加入Tempo. 及interval.
去到約80km per week之後開始感覺痛了.
唔理照跑(患過筋膜炎的, 對痛已經成了習慣), 覺得問題不大.
之後越覺嚴重, 昨日再睇骨醫, 照x-ray.
同年半前的x ray比較. 右腳踝下的少少骨剌增生了.
左腳本來無, 都生了骨剌!
(生骨剌是因筋膜受拉傷及發炎的一種身體保衛機制, 不是腳痛的原因)
聽完醫生解釋,不太完全明白, 但建議都係要休養.

決定退出唔跑但有少少唔好意思. 浪費了保貴的名額.
令我想到如果渣馬有比賽前(一段時間)參加者因傷可以退出, 可把空出名額給其他有意報各名但報唔到的跑手.
(唔係為了退費), 可能會更好, 會令最後出賽人數更多.
當然全馬訓練需時, 就算把名額發給後補者, 都要給有足夠準備的跑手.
我亦明白每次比賽為何有人唔去跑.

我要暫別跑步了, 如果可以好返. 一定再跑返.

little-fish

等著師兄休養後回來，很可惜。
近兩次練習左小腿肌肉都有些反應，都驚驚地，千萬不要在此時發作

shogikin

trektrek ching,

休息多些,自然早些康復
留得健康在,哪怕無比賽!

每個比賽都要預計實際落場跑的人數
很大是用以往每年 報名/落場 的比例計算
因為年年都大概有一定比例的報名者無去
如果增加 退出 後補 機制就肯定預計落場人數有困難

Kin in Running

felixcat

師兄，類似情況我前幾年都遇過，當時第一次玩渣打全馬，早幾個月響澳門玩半馬當練習，忽然劉翔位痛，跟著連行路都有問題。之後好在治療適宜好快趕及兩個月內復元，之後完成到全馬，雖然成績唔太理想，但總算有得跑。

到今年本來打算報渣打半馬當練習，希望今年響外地跑全馬，點知舊年10月24日公開報名前出意外，手骨裂咗要全身麻醉做手術，莫講話渣打報唔到，響醫院見自己體能不斷下降，好擔心一跌不起，一停不跑。11月1日手術成功迅速康復，12月22日成功完成Polar20K，只係比舊年慢咗幾分鐘。感恩之餘，即時報咗今年4月海外全馬，現在積極備戰。

人生有起有跌，幾時意外受傷冇人知，幾時蒙主召回天家都講唔埋，總之有一口氣就做好自己，向自己目標理想努力。我除咗祝師兄早日康復外，亦希望師兄趁受傷時好好休息，他日重出江湖必有所為。我阿Q咁諗天將降大任必先勞其筋骨，受傷退下火線都可能係一個安排、一個另類嘅心理訓練，忍得往好返日後必更珍惜健康同注意練習。

我同意同欣賞師兄嘅無私想法，我見每年都有不少人報咗名冇去跑，當中可能都係師兄嘅情況受傷患而被迫放棄，真係好浪費。我有一個可能不太道德嘅想法避免浪費咗你個名額，但又不便公開，我會PM你睇睇是否可以接受。

trektrek

多謝各位Ching鼓勵.

今次事件後. 為免引發傷患.
以後會比賽前三思. 而且可見將來不再參加全馬.

我開始明白只要可以跑, 不一定要比賽.

lewischan

原帖由 trektrek 於 2013-1-12 19:18 發表

                               
登錄/註冊後可看大圖

多謝各位Ching鼓勵.

今次事件後. 為免引發傷患.
以後會比賽前三思. 而且可見將來不再參加全馬.

我開始明白只要可以跑, 不一定要比賽.

師兄，同意你所講的
我今年都沒有參加任何比賽

，但有繼續同跑友跑步和吹水。

chrislam

祝願各位受傷的師兄早日康復