Running kit - Running report

長跑傑

to allmyfriend : 好返啦, 有心~

長跑傑

無咩時間跑長課... 4k頂癮
4.2k - 00'21.'49

長跑傑

成個毅行, 上得最辛苦莫過於針山, 原本打算不參加, 但見美孚跑友好多人都去, 我又膽粗粗去玩, 別人說這是顛佬賽,也都沒錯, 所以當初打算4,5登就走佬, 規則好簡單,上落山當一次,
一開始在山上, 見到毅行隊友經過, 我們互相打打氣,就完成頭4登,
上上落落極為沉悶, 今天好多人行山,聽最多:加油,又係你呀,同你第幾轉.
到5,6登,開始無力提腿, 加上出太陽, 意識模糊,原來不停上樓梯所積聚的累, 是這樣可怕的, 開始想放棄, 跟自己說頂多2登便走好了, 結果到第8登,人都崩潰了, 眼見好多人都放棄, 我正打算放棄,突然覺得不值, 一上場, 放棄就輸成世, 這個年紀,至少留一件值得紀念的事給自己吧, 記得一年前講過, 死, 也要死在跑道上 ~ 而且,經常被人說跑得好盡,到底我為興趣,可以去到幾盡 ?
我又振作起來了, 即使慢也要上到頂, 跟自已說得,就一定得... 加上好多工作人員鼓勵說話, 我無理腳痛, 曬到頭暈, 用手抬對腳上梯級, 不停灌水給自己不要中暑,結果真的完成了, 真難以置信, 上近20000級樓梯, 最辛苦時真以為會死,完成的人不多, 我排名10, 今後, 可以做威水仔.同人講針山 ?我一日行過十次.
今次真多謝大會送印有完成10登字樣衫,又杯,又多野食,飲,又免費參加, 真係又食又拎


ps,今日見到施SIR, 但佢耐力驚人, 第9,10登仲可以上得好快, 勁~

長跑傑

45KM midnight 黑夜長征
今晚去玩45K比賽, 第一次跑咁長既山路頭比賽,加同WILSON組隊.路線係麥理浩徑4-8段,預目標12小時,比賽前SET好一個CP大概既時間,休息幾耐,SUPORT TEAM,第一次咁有計劃, 比賽前段,隊友WILSON大勇,上山, 落斜,平路全跑,追到我隻狗咁, 但都因為咁,比預期快左好多CP1-預4小時,只用了2小時多. 接著上畢架山, 上上落落梯級,因為開頭太快,開始出現回吐,直至見到CP2,又寶礦力,又三文治,又蕉,又可樂任攞,大會真好! 11點到金山, 好彩CAT同小力早左到場SUPORT, 帶來手卷.寶礦力,為我們注入能量! 不消一小時, 急行到水塘, 接下來便上針山, 可能經過十登, 覺得好快就上到山頂, 但WILSON開始跌W, 啪左包GEL,上埋草山,WILSON又精神返,後生仔真好~ 在铅磺拗,最後一個CP, 凌晨2點, 比預期快2小時,大家都期待有機10小時內完成,急步上到白波,3點22分,JOG埋落去就可以做到9小30╫, 大家一口氣衝落去,結果9小時26分完成, 全程都好急,由12小時變到9小時, 我同WILSON都好滿意成績, 今次WILSON真係好叻仔, 進步驚人! 希望下次IRON MAN 隊再創佳績~

長跑傑

壓力大解放- 20K

w/ Mei fo crazy running

長跑傑

Wilson 78K - 23"36"00
上星期玩過45K山賽,今日再走向極限,向78K出發,下個月毅行100K作最後準備.
今次聯同美孚小隊組成FREE FOUR隊, 由於不是個人賽,自己都無時間上既壓力, 只要4個人開開心心完成便好了.預24小時, JOE話22都可以~
九點半大家精精神神由黃泥涌水塘出發, 我仲得意地拎份NEWSPAPER邊行邊睇.經水塘,紫蘿蘭山,渣甸山,石礦場,小馬山, 落鰂魚涌,最後搭MTR完港島PART, 這些都比較輕鬆,過到油塘,有INA朋友以飯團補給,會合高手雄影一同陪行,然後便上炮台山,五桂山,經井欄樹大休後再上東洋山, 落去飛鵝山終於見到MAVIS,CAT為我們打打氣, 加陪行,而雄影就在此後退,由5人變6人,一併走沉悶水塘路, 我體力有點不繼,又肚餓, 好彩INA'S BROTHER 在CP準備了晚飯, 我食了一盒半飯, 滿足再走上铅礦拗,天開始黑, 我又開始眼訓.不停飲COFFEE, 食GEL, 在深夜12點左右, 落到大埔, MAVIS,CAT 在此後退, 我們又變回原本4人. 雖然食左提神野, 但都係好眼訓.
在7-11整理好心情, 深夜2點左右,一口氣上最難既九龍坑山, INA大勇,領軍一口氣過了7-8隊, 我跟得氣來氣喘,開始跌W, 經過最後CP. 我們上最後的八仙嶺, 除了眼訓, 開始肚痛,心情開始變差,決心都動搖了,好辛苦上到黃巔,已經頂唔住在山頭小睡數分鐘,才開始上八仙嶺, 這時,又有問題,上落得太多.我開始膝痛,我以史上最差狀態登上仙姑峰後,已經爆曬x肚痛x極眼訓x膝痛, 以停下行下既速度走向南涌終點, 雖然做不到22小時, 但都以最初既24小時內完成目標, 有個交代, 但今次行得咁爛,成為隊友負累 真係一個好好既教訓... ...

長跑傑

工作太忙, 停了六天收工終於能抽空, 怕腳不適應, 只慢跑了7k熱身

長跑傑

荃西去小欖來回23K - 02"15"06
有靚MILL, B 哥, EDDY,荃西華 師兄領軍, 未到一半已爆計... 要捱跑返黎, 慘~

長跑傑

Asics 10 K 公路賽 - 49”37
第一次比賽全跑公路，上上落落很多，開頭5k太快，最後只能敗走回來，中途仲落大雨，險些PK

長跑傑

今朝的10k比賽過後, 相約KARL, JOE, 由荃西出發來長課
事前不知道什麼地方好跑,結果我打算給自己一課甘的, 當係毅行前最後操練,JOE也要為168作準備,所以決定到元朗畫一圈.
先由荃西上扶輪公園, 平地爬升480米, 我們用了45分鐘, 感覺還可以, 小食店買水後, 一直落斜到石崗, 見到2個軍人笑笑口SAY HI,我都不禁比左個禮佢, 之後食了餐飯, 還有大把路要跑, 才13K都不可以太飽.
接下來一直無停7-8K去到元朗一間體育館加水, 我開始慢, 開始有點距離, 入到元朗大馬路, 大家都無跑,因為人比旺角還要多, KARL就在此分手, 剩下我跟JOE拍住跑, 那時太約23K 我已不能加速, 只能KEEP7-8分K跑, JOE都好好一邊傾計, 又鼓勵下咁.
幾經辛苦, 去到黃金海岸約38K, 但我腳板已經痛到爆, 又要行下, 趁佢無痛又JOG返, 最後到青公果條路, 知道離終點仲有10K, 加上好大風好涼快, 又有返力去JOG, 過了青龍頭, 深井, 最後5K, JOE話唔得可以搭車走, 我又問下對腳, 佢好肯定話得, 仲可以行毅行, JOE見我開始思覺失調, 唯有比我繼續, 到了荃西最後1.5K, JOE仲叫我5分K衝埋佢, 我心諗聽日做比你睇....
最後埋單51K + 早上10K, 今日共61K, 飽曬, 辛苦了對腳

長跑傑

毅行者, 真不容易做 ....
29"39"00 完成, 2日1夜 比預期快了4小時,除了多謝3位隊友, 仲有一班support team, 一個難忘的旅程

長跑傑

跑步了1年, 由10K跑到30K , 再完成78K雷利, 100K毅行, 這年對跑步志識認知不少,
最開心當然識到一班跑友, 原來香港是有很多人愛跑步. 既然打好基本工, 接下來便要認真去練習,
如何由SUB50 開始, 慢慢提升速度,是來年要做的事, 今日就去了做一次 Interval training  -
400*10 /2“00 連休 ..食10個400都好飽, 要加油了 ....

長跑傑

Templo 10K 5"10/K
4'45/4'45/5'13/5'11/5'14'/5'19/5'06/5'05/5"06/5"05
感覺用8成力去跑, 8-9k有少少壓力, 大部份舒服地跑

長跑傑

Interval training  -
400*11 /2“00 連休 ..比上次多1個圈, 但辛苦好多....

長跑傑

Back to the hill -11K
毅行之後，又再次埋頭苦幹，壓力再次壓抑，難得星期六，想來課LSD,就由石崗上返扶輪公園落荃西，半跑半行大斜路，一個人行山原來真係可以慢慢睇風景，到扶輪公園，毅行的回憶又一點一滴回來了，最後JOG落荃西，好爽，我還是覺得我是屬於山上的動物。

長跑傑

今日約了友人半跑半行水塘引水道, 因朋友比完賽, 所以志在行山吹下水, 幾輕鬆的一個星期日 ~

長跑傑

Templo - 10K / 04"59K -49"54
4'53/5'05/5'01/5'08/4'59/5'16/5'05/4'58/4'52/4'35

長跑傑

interval 400*12/2"00

CEC

好勁啊！阿傑 師兄， 搵日行山，約埋雄哥！

長跑傑

CEC 發表於 2013-11-27 15:53
好勁啊！阿傑 師兄， 搵日行山，約埋雄哥！

多謝小弟剛剛開始 TRAIN SPEED, 多多指教