玩命六壯士 偏向北極跑

bunbun

http://hk.apple.nextmedia.com/financeestate/art/20130319/18199543
玩命六壯士　偏向北極跑

felixcat

借題發揮，請問有冇師兄／姐知知道香港有冇果本「零下四十度的勇氣」響書局賣？商務網上話暫時缺貨。如果冇，我諗著復活節去台灣順便買喇。

Rick724

台灣書去誠邦或誠品訂實有

felixcat

Rick724 發表於 2013-3-19 11:00
台灣書去誠邦或誠品訂實有

多謝師兄資料，我通常響網上博客來訂咗送去酒店附近嘅七仔，幾時攞都得。而且而家博客來做特價，七折咗平過香港好多呀。

coolmanlai

此乃個人決定,我就唔建議參與!

felixcat

coolmanlai 發表於 2013-3-19 12:01
此乃個人決定,我就唔建議參與!

師兄介唔介意分享下點解唔建議參與呢？

coolmanlai

已有前科,業餘長跑好手放假到外地參加鐵人賽溺斃,留下妻子和年幼女兒共4人,最慘係呢類活動保險公司會承保,你早走了你的家人以後生活要食自己啦!

ming4883

有錢人就係鐘意玩埋晒呢d 咁既玩意

Anyway 佢地咁有 $$，就算出事應該都有唔少遺產留比屋企人..

tango

係咁，鐵人賽都唔建議參加？

coolmanlai

tango 發表於 2013-3-19 14:34

                               
登錄/註冊後可看大圖

係咁，鐵人賽都唔建議參加？

不能混為一談,我舉的例是ironman course,專程請假到外地比賽而喪命值得嗎?普通讓市民參予嘅鐵人賽都分長中短距離,悉隨尊便,當然無問題啦!而呢個賽事北極跑都只能吸引到40幾人參加,事實証明一砌啦!

tango

事實？有無北極馬拉松過去傷亡數字？

coolmanlai

tango 發表於 2013-3-19 15:22

                               
登錄/註冊後可看大圖

事實？有無北極馬拉松過去傷亡數字？

我意思係參加人數少,証明絕大部份人就算佢有錢,時間,体能都唔會冒险參加,無講過過往有否傷亡數字,本人認同標題此乃玩命行為,要珍惜生命,所以唔建議參加.

tango

明晒！

剛於網上睇到些資料，呢個比賽參加費係11900歐元，未計香港飛挪威
2.賽事係繞圈跑10次，全程有工作員監察
3.舉辦至今，從未發生重大安全問題

可能仲安全過參加香港馬拉松，至於點解咁少人參加，我估價錢係最主要因素，可算是有錢人玩意，我就不會建議或不建議參加，如果有人話佢會參加，我會羡慕囉  

至於標題，相信是記者為吸引讀者既誇張法，信不信由你

felixcat

睇完各位師兄發言，大概明白大家嘅立場。其實做每件事，都要有自己嘅立場同分析，唔係人話去自己又話去，否則跑十公里都可以死。

價值觀問題係好複雜同個人，可能我玩山出身，我用攀山為例，D人用好多錢去爬一坐大山，雖然係冒真正嘅危險，對山友嚟講係夢想，對跑友或者一般人嚟講係無聊、無謂等嘅評價。對定錯？睇個人啦。

另外，關於家人嘅顧慮，師兄提醒得好啱，考慮唔單止係自己，仲有身邊好多人。上次我踩車發生幾嚴重嘅意外，完全明白到自己死就一了百了，之後家人朋友就成世唔開心。

至於保險方面，又未必唔包。之前我已經向幾間保險公司求證過，一般非有報酬嘅競步運動都包，所以呢個極地馬拉松都應該承包。反而因為賽事響浮冰上進行，一般響陸地上嘅條款唔知適唔適用，要同保險公司傾。買保險係負責任嘅行為，問清楚同買份合適嘅保險就無乜大問題，最多貴D啫。又相對攀山，好多保險只包五千米以下嘅攀登而問題更大，所以相信呢會有更多人唔認同去做。明白嘅。

最後果句，有幾多能力做幾多嘅事，各有前因莫羡人。

cam

這本「零下四十度的勇氣」在公共圖書館可借閱, 我也看過, 值得推介.

無論是否喜歡跑步, 是否喜歡冒險, 作者那份追尋夢想的勇氣, 那份努力不懈, 百折不撓的精神, 教人感動.

felixcat

Carly 發表於 2013-3-21 00:26
非貓兄，為甚麼要看「零下四十度的勇氣」? 是不是想向陳彥博學些小撇步? 我會比較喜歡林義傑。

【亞洲第 ...

非貓非狗，好名字噢。

當好多人問自己，點解做呢樣做果㨾，如果都係自己想做嘅事，最簡單嘅答復就係：Why not?
係咪要學小撇步？可能係，完成我嘅5sub5先諗。

正確D答你：凡追尋自己夢想嘅人，我都想去感受佢地D正能量，無論果個夢想係咪我嘅夢想。無疑台灣人有值得我地學習嘅地方，單睇次傳媒訪問以玩命嚟形容，就知我地仍需努力喔！

完成一個極馬其實冇乜咁巴閉，完成自己夢想先了不起。最後又借題發揮，我一定無機會攀七頂峰，不過都鐘意睇呢本書：「勇氣，在山盡頭：全球七頂峰攀登紀實」

felixcat

Carly 發表於 2013-3-21 00:42
我也想看北緯90度的天空有甚麼呢，不過至少要十幾萬港幣的旅費，對我來講很要命的，發白日夢是可以的，夢 ...

再用台灣一本書答你嘅問題，不過請恕我又借題發揮。「南美攀登記」呢本書嘅作者介紹係咁樣寫：「如果不登山，這些旅費也許早可以讓她們在淡水河邊買間小套房，享受單身貴族的悠閒；不然也買得起一輛RV休旅車，台灣走透透了。但是她們卻連一瓶香水、一支口紅都沒買，整日跑步、登山、攀登，活脫像個摩登原始人。」

夢想每個人都有，只有勇氣先能夠將白日夢變成事實。有捨才有得，那要看你願意為自己夢而放棄幾多少吧。

akaivan

梁烈唯... 每日跑7KM準備參加呢個比賽... 爆趣...