香港長跑網  - 長跑長友

 找回密碼
 註冊
搜索
查看: 4407|回復: 41

神戶馬拉松(2013-11-17)

[複製鏈接]

升級   100%

該用戶從未簽到

發表於 2013-4-9 17:49:26 | 顯示全部樓層 |閱讀模式
本帖最後由 jerry777 於 2013-4-11 00:07 編輯

http://www.kobe-marathon.net/index.html

報名開始4月22日

升級   10.6%

該用戶從未簽到

發表於 2013-11-22 21:28:38 | 顯示全部樓層
之前應承左話會SHARE 番神戶馬拉松的事. 由於今年跑過東京同神戶, 因此想稍稍做個對比.

前言
2013年11月17日神戶馬拉松,是我的第二馬(初馬是2013年東京馬)。
11月15日坐中午機PEACH到大阪,再轉巴士去神戶,到步已經累死。匆匆吃晚飯到旅館CHECK IN 休息。
11月16日,終於到咗神戶馬拉松領號碼布嘅日子啦。EXPO 早上10點鐘開始,坐無人駕駛列車 PORTLINER 到市民廣場站,9點34分到唔好以為自己好早,原來已經個蛇餅咁多人等緊。而條龍仲不斷加厚。見大家都係拎住細細喼過來,應該係日本本土人士今早先到,直接嚟expo。工作人員十分落力,指導大家排隊,提大家填表。嘩,我偷睇到左邊一個B 人(B區起跑人),右邊一個 C 人,而我只係一個渺小的 F 人(自卑… … )不過10點開門其實好快領到, 因為外國人是一個專用COUNTER, 人數不多. 主要都係香港,台灣的跑友 。

2013東馬 VS 神馬
舉行日期:東馬2013年2月24日/神馬2013年11月17日
論氣候,神馬於11月氣候沒有那麼乾和冷,不過2月參加馬拉松的話,之前在香港秋冬約有四個月至半年怡人的天氣去好好練習。所以各有各好啦!

規模:東馬約36000人/神馬約18000人
論參賽人數、打氣人數、EXPO東馬都更大更豐富。神戶個 expo 較細,如果東京馬拉松EXPO係嘩嘩聲,神戶只係 dum 一聲,兩下轉出嚟,連想買 power gel 都無(由於坐HAPPY PEACH無寄艙行李,帶不到GEL所以一定要在日本先買,後來好在出番三之宮的ASCIS買到了)。一如東馬,神戶EXPO最澎湃的店仍然係ASCIS 。不過睇真,啲 t shirt 其實同東馬八成似,買嘅動力唔係咁大,加上啲料又的確係炸炸地。不過神馬 expo 細都有一個好處,就係快啲行完,快啲騰空時間下午去行街!

賽前等起步及去廁所安排
東馬由於人多,等去廁所及等起步都極多人(7點行出酒店,行到行李區7:30,之後等左大半粒先去到廁所,再迫入到起跑區都過8:30)。神馬時由於吸取東馬教訓,6:45已經出門,不過由於分流了(A至D區一邊寄行李及等起跑,E至H另一邊),加上人數比東馬少,因此極順利地完成,入到起跑區只係7:50分,足足要再等(捱凍)一個半小時先可以跑。

跑手扮野化妝
東馬的跑者眾多,扮野人士亦更多更癲(較特別的例如扮蛋糕、SKYTREE、耶穌之類)。神戶跑手比較克制,頂多扮動物、小丑、LOLITA之類。

賽道及途中補給
東馬當天等起步很冷,不過跑起來都可以(夠凍,不會出汗)。而且賽道平坦,好跑,就算所謂難度高一點、位於約34公里的佃大橋,其實比起西隧都算碎料。在我而言神馬辛苦少少,一來等咗差唔多個半鐘先起步,二來溫差幾大,等起步時陰凍凍,跑起來出大太陽,汗流浹背,因此我個個水站都入去飲水補充。而且神馬條路無東馬咁闊咁直,時不時有急彎,樽頸,上落斜。先唔好提到三十幾k上大斜條神戶橋,十k 後至折返點來回都有上落暗斜,真係幾磨人。加上東馬路上好快有令人醒神的名勝風景,仲有接二連三令你嘩聲嘅打氣表演(最令我深印象是約十公里後有人播YMCA這隻歌,全部跑手一齊舉起雙臂做手勢。另外淺草的大型歌舞亦令人十分難忘)。神戶呢點就失色少少,我只記得鐵人廿八同埋折返點的舞子公園大橋。

補給方面,東京的民間補給較多,我吃過蛋糕卷及古古力餅,見到而沒吃過的有飯團、紅豆湯等等。神戶就少好多,唯有食大會提供嘅蕉蕉,豆沙餅、古古力包同獅子狗卷(有啲怪,凍嘅)。

神馬路上個人感受
東京馬拉松是自己初馬,練習也較多,最長一次跑過四小時(約28公里)。所以東京跑起來比較舒服,到30公里之後仍然覺得有力可以去。雖然最後NET TIME是5小時15分,不過扣回在中途廁所浪費的14分鐘,約為5小時而已。神戶馬拉松之前練習極度不足,原因一為九月中整到條腰,暫停練習三星期,十月初開番波只得1.5個月,要由10k 賽的體力谷上全馬,周數已經少。加上每星期練兩次,一次短嘢一個鐘,8至9k ,一次所謂長嘢,最長係比賽前九日,都係3小時約25 k,即係我最多只係一星期練咗33、34k 就學人上馬。所以今次我到27-28 k 已經開次謝皮,心諗會唔會唔到呢?仲有三分之一喎。覺得自己係跑得慢咗(比自己平時長嘢仲要慢,後來睇番RECORD自己30至40K足足用了1小時18分,哈哈)。30k 後直頭要用 “捱” 字去形容,一見水站就如獲至寶,因為有藉口俾自己停,入水站行住飲水。捱到後來34 k 左右,上到高速公路,咦我有些少迴光返照,可以跑快少少(即係平時速度),望下左手腕上隻 polar 仲諗:咦,呢個速度到尾,係咪可以 sub 5 呀。點知,馬拉松真係無運氣可言,你練習如何,你的結果也必如何。到咗神戶大橋再入人工島區域,我真係無咩力水,好多下都停,不過又覺得好衰,於是慢慢un un 下都叫維持跑嘅樣式。最後倒數5 k 真係 kk 皆辛苦,每到一個 あと 幾多 k 嘅牌,個心都會諗,好啦好啦,又少一 k 囉。到最後嗰 195 m 真係有啲感動,因為一路上諗,就算跑得完都比預期慢好多,但都唔係太差 (最後net time係五小時十分左右),真係有些少喜出望外。

賽後檢討,唔好歸咎天氣熱、路斜多彎又或者応援不足,自己問題就係練得太少,無論係一周里數或周數都少得可憐,下次唔可以咁打天才波。不過都考慮到,香港夏天咁熱,如果九月中甚至尾先轉涼,到十一月底其實都只有兩個月,如果一個唔好彩有咩傷患,就神仙都難救。所以如果係年頭例如一至四月喺北半球嘅賽事,時間係好好多。

賽後安排
賽後 support 都應該比一比。其實衝線後嘅安排,神馬同東馬都好似:派毛巾、領獎牌(不過神馬計時器嘅係一舊嘢黏喺號碼布背面,拎牌前要扯落嚟,交俾工作人員毛,佢先會將牌掛你頸上,但賽完已經無咩力,二來又擔心扯爛號碼布,我搞咗幾嘢終於有工作人員幫我……唉可否人性化啲呢個設計)、派水派蕉……仲有拎行李都順利。不過拎完行去更是衣室條路真係幾長,仲要行幾級樓梯,出咗行李區再轉去唔知邊度,上電梯。哦到咗,都ok 佢封曬成個大房俾啲女人,咁係非常好,不過女廁好多格都係和式,即係跑完一個全馬要去一個 mau 嘅廁所,嘩!痛苦!! 我有諗過忍住唔去,哈哈……

仲有一點就係散水安排。東馬嘅散水點其實交通唔錯,人多但大家可以選擇嘅交通工具都多幾款。神馬雖有安排 shuttle ,可惜到下午四點半就停咗,因此全世界都只有坐無人駕駛列車 portliner ,迫到暈幾次呀。

數完神馬好似好多不足,不如都講下啲好嘢,第一比賽日寄完行李去廁所完全唔駛等,仲有一列女性專用廁所,感覺乾淨啲。第二,十一月嘅神戶氣溫無二月嘅東京咁極端,無咁辛苦,三來神馬完賽後,可以排隊拎麵豉湯飲,味道都唔錯㗎。總結嚟講,如果東馬係世界級,值 A ,神戶係地區級都有 B (見到地區參與,封路,交通特別安排,阿婆阿公、中學生等等幫手。而且神馬又真係達到紀念大地震加振興地區經濟嘅目的,覺得政府、主辦單位同民眾真係尊重同認真對待呢件事)。 而最最最重要,就係我覺得神戶馬拉松的獎牌靚過東馬呀!

升級   10.6%

該用戶從未簽到

發表於 2013-11-18 22:01:04 | 顯示全部樓層
神戶馬拉松無事完走(仲有幾粒鐘坐 peach 回港)。今年跑咗東京同神戶,感覺東京真係世界級,神戶係地區級(唔知大阪同京都點)。仲有領悟到 : 你的訓練如何,你的成果/ 下場也必如何。 回港後再報告!

升級   0%

該用戶從未簽到

發表於 2013-4-10 23:05:45 | 顯示全部樓層
  1. 舉辦時間2012年(平成24年)11月25日(週日)
複製代碼
師兄的資料是舊年的?

點評

比賽日:11月17日, 報名由4月22日開始 http://www.kobe-marathon.net/pdf/kobe_marathon2013.pdf  詳情 回復 發表於 2013-4-11 12:58
yes.....我沒注意...  詳情 回復 發表於 2013-4-11 00:07

升級   100%

該用戶從未簽到

 樓主| 發表於 2013-4-11 00:07:23 | 顯示全部樓層

升級   0%

該用戶從未簽到

發表於 2013-4-11 00:32:22 | 顯示全部樓層
jerry777 發表於 2013-4-11 00:07
yes.....我沒注意...

唔緊要,搵番今年的編輯返佢便可。

升級   86%

該用戶從未簽到

發表於 2013-4-11 12:58:46 | 顯示全部樓層
allanccl 發表於 2013-4-10 23:05
師兄的資料是舊年的?

比賽日:11月17日, 報名由4月22日開始

http://www.kobe-marathon.net/pdf/kobe_marathon2013.pdf

升級   90%

該用戶從未簽到

發表於 2013-4-11 23:04:25 來自手機 | 顯示全部樓層
除非去唔到大阪先諗呢個。賽期太密。

升級   0%

  • TA的每日心情
    奮鬥
    昨天 23:40
  • 簽到天數: 957 天

    [LV.10]以壇為家III

    發表於 2013-4-12 12:58:08 | 顯示全部樓層
    除非去唔到大阪先諗呢個。x2

    升級   0%

  • TA的每日心情
    奮鬥
    昨天 23:40
  • 簽到天數: 957 天

    [LV.10]以壇為家III

    發表於 2013-4-22 12:51:51 | 顯示全部樓層
    can apply now

    升級   90%

    該用戶從未簽到

    發表於 2013-4-22 14:56:39 | 顯示全部樓層
    thanks for this. Interested but this is shortly a month after Osaka, amd just afraid that not sufficient time for training....

    升級   0%

  • TA的每日心情
    奮鬥
    昨天 23:40
  • 簽到天數: 957 天

    [LV.10]以壇為家III

    發表於 2013-6-25 20:01:08 | 顯示全部樓層
    ランナー当落結果は、6月27日(木)発表を予定しています。

    升級   10.6%

    該用戶從未簽到

    發表於 2013-6-27 12:20:23 | 顯示全部樓層
    我都抽中左, 不過十五十六緊係咪堅去...

    升級   15.8%

    該用戶從未簽到

    發表於 2013-6-28 00:04:31 | 顯示全部樓層
    我都抽中左, 不過十五十六緊係咪堅去... X 2

    升級   10.6%

    該用戶從未簽到

    發表於 2013-7-10 11:23:27 | 顯示全部樓層
    請問有無抽中左的師兄師姐已經俾左錢 CONFIRM?

    升級   53.4%

    該用戶從未簽到

    發表於 2013-7-10 22:44:28 | 顯示全部樓層
    抽左,訂左機票,比埋錢了~

    升級   10.6%

    該用戶從未簽到

    發表於 2013-7-11 07:50:35 來自手機 | 顯示全部樓層
    請問係邊間 airline 呢?

    升級   53.4%

    該用戶從未簽到

    發表於 2013-7-11 09:20:16 | 顯示全部樓層
    peach, 之前有 promote,最平來回連稅二千頭,我手慢貴幾佰… 不過peach 行李係每件計,呢樣要留意。

    升級   10.6%

    該用戶從未簽到

    發表於 2013-7-16 17:19:15 | 顯示全部樓層
    我都剛剛PAY左, 不過未買機票...

    想等一等CX FANFARE... 晚去早返我都唔介意, 最緊要平... HOOHOO

    升級   10.6%

    該用戶從未簽到

    發表於 2013-8-10 16:05:11 來自手機 | 顯示全部樓層
    有冇跑友未買機票,想二人同行呢?話說印度航空二人優惠,每人1900左右(未加稅),但單人就要2950(未加稅)。11月14日飛,19返。(逢星期二四六先有得飛)。有興趣可 pm 再說。謝!)

    升級   0%

    該用戶從未簽到

    發表於 2013-11-1 19:59:29 | 顯示全部樓層
    收到 Info Pack 了!
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2016-12-9 19:35 , Processed in 0.193509 second(s), 30 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表