埋黎幫下眼~~

redred

各位ching/ctse
自小妹腳受傷後,巳經復原
但自昨晚跑完10k,發現雙腳內側都有少少唔自在,好像疼的感覺
而腳板更是感受到痛

到今天腳底巳全沒痛
但雙腳小腿內側的筋仍不舒服,但不痛

不知是跑姿有問題 (因我自己看不到自己跑姿)
還是鞋的保護不夠,是否需換鞋

我拍了幾張跑鞋的相上來 (可能不夠清,勿見怪),大家可否請看一下
是否需要換鞋 ?請給寶貴意見..thanks 因我巳不想再受傷,受傷期間浪費了很多不能跑的寶貴時間

叮叮噹

相在那兒？

redred

正面

                               
登錄/註冊後可看大圖

鞋底

                               
登錄/註冊後可看大圖

後踭位

                               
登錄/註冊後可看大圖

redred

全底

                               
登錄/註冊後可看大圖

前部份

                               
登錄/註冊後可看大圖

內側

                               
登錄/註冊後可看大圖

外側

                               
登錄/註冊後可看大圖

pwong5618

Redred Tse,

妳好搞笑  post 禁多鞋不同位置的相上离。
對鞋是自己穿的，舒唔舒服自已至清楚，問人...... 点幫妳！
不過知道妳心急，要找出為何腳痛才想倒咩便做哖，向大家要求幫手。

有關妳的疑問小弟愚見：
1./ 鞋保護力夠唔夠？
照睇應該無問題，鞋底無咩蝕到，應該跑得里數唔多，避震力可接受

2./ 跑姿有無問題？
10月6日荃-屯夜，我在A 組押尾，看到妳跑了一段路(第一次見)，感覺妳跑得不錯，上身挺腰、擺手都做得好，幾輕鬆，同腳步跑起來好協調，反而 NC 擺手右手有些小動作左右擺手不協調(宜家至醒起下次至提佢)，只是提腿較正常低一些，可能少練，所以跑起來每步便很快便重覆，– 提腿便放下，沒有完全做完一個提腿、跨步、後蹬的動作，所以的力量集中在腳掌，而家妳腳掌痛，一 D都唔出奇，主要原因是受傷后未完全復過來，加上少練，或者這動作是妳的習慣，加上剛剛康復便一跑便跑了 11 K。
妳好似曾經提過妳以前跑步的踏地聲音好大(唔知有未記錯)，問題便是出在此動作未完成，只做了一半，可能妳有節儉的習慣
，要改善此習慣，不妨每次去練跑時先做吓原地提腿的動作，提腿要提到平腰 90度，加急擺手，做 3 組 x 50下，開始會有 D 累，慢慢便習慣的，以後做到唔係好累便加多一組，這方面是要鍛練妳的大腿肌力及提腿習慣，試–試，睇吓有無校，有機會再研究下。

另外我見妳心大心細想跑半馬，我意見係-- 雖然自己唔夠時間練習，何必急於去跑半馬，大家一齊跑當然開心 D，但最重要係照顧好自已先，唔係得不嘗失，跑步要一步步來，這是自己對自己的運動，向自已交代，不要與別人比較，別人可能花很多時間及付出才有成績，自己有沒有呢！

謹記跑步如人生，沒有免費午餐，分分秒秒都要付出！

長跑長有(友)！

[ 本帖最後由 pwong5618 於 2008-10-10 13:53 編輯 ]

pwong5618

多謝提供個 "蝕"字點寫。

力

原帖由 pwong5618 於 2008-10-10 11:19 發表

                               
登錄/註冊後可看大圖

跑步要一步步來，這是自己對自己的運動，向自已交代，不要與別人比較

完全贊同

desmond

redred姐，一般Mizuno的鞋如果唔係著左太耐，保護及避震等應該OK(加上妳都應該頗輕磅)。
跑完唔舒服/有d痛我想比較難完全避免，特別係你有一段時間無跑。我個人感覺得或者妳可以每次練少dK數，等對腳習慣返先慢慢加量。上面各c-hing講得好好，其實真係唔駛心急一定要每次跑10K or 以上。不如等身體習慣返長跑再慢慢加上去，對身心都好o麻。
Enjoy running!

nc

"NC 擺手右手有些小動作左右擺手不協濶(宜家至醒起下次至提佢)"

謝謝pwong的提點, 以前也有人提過這點, 自己有時望番自己個影, 也覺得擺手係有d怪, 但又很難去改.

redred

嘩...真係好多謝pwong ching 既提點
原來對鞋無野..我仲以為巳經要換tim
因為都著左好一段日子,但可能我跑得少...所以無蝕

我其實真係唔係好識分咩叫舒服,著慣著熟
無咩咁囉,如果問我好似避陣夠唔夠,我真係唔知點答

不過,我的確心急,傷左腳,結果差唔多2個月無跑
跑返後,發覺耐力,速度比以前更差,令我更加心急


跑姿,唔止pwong ching 你建議過,上次鄧記ken 兄都有提過
而未傷前,7兄都有教我要提腿

不過,正如ching講,我以前習慣跑用小腿力
直到ching教,先知如何提起大腿跑
但知易行難, 跑時感到好難提得起,完全無力提
所以即使現在跑長少少,大腿都會酸軟

想請教ching,如練習提腿應如何練 ?
原地提腿(即不用慢跑 ?只配合動作)，提腿要提到平腰 90度，加急擺手
(係咪既係好似細個p.e堂,雙手放前,好似L字型咁,雙掌向下,後原地抬腿,膝頭要掂到手掌,但不同是雙手要擺動)

請CHING指教,THANKS VERY MUCH~~

redred

原帖由 desmond 於 2008-10-10 13:06 發表

                               
登錄/註冊後可看大圖

redred姐，一般Mizuno的鞋如果唔係著左太耐，保護及避震等應該OK(加上妳都應該頗輕磅)。
跑完唔舒服/有d痛我想比較難完全避免，特別係你有一段時間無跑。我個人感覺得或者妳可以每次練少dK數，等對腳習慣返先慢慢加 ...

desmond 兄,多謝意見
查實對鞋都成年囉
只係正如PWONG CHING講,我一來跑得少里數
二來經常跑運動場
所以個底好似無咩蝕

10K其實都應付到,不過再多可能真係有心無力
今星期日跑完如無問題,會報10K
但半馬方面,我想都係聽各位講,暫且放埋一邊
等再跑耐D,練多D,出年再會

pwong5618

原地提腿(即不用慢跑 ?只配合動作)，提腿要提到平腰 90度，加急擺手
(係咪既係好似細個p.e堂,雙手放前,好似L字型咁,雙掌向下,後原地抬腿,膝頭要掂到手掌,但不同是雙手要擺動)

Right   !  

redred

真係唔該曬pwong ching
咁我會照ching 既做法
每次跑前先做原地提腿,不過要加埋擺手好似有d難度
我會跑前試一試
有問題再請教師兄

臨風

師兄、師姐：

我見你們常說提腿，但是如果我只是作緩步跑，步幅肯定不會大太。如按你們所說要提腿，那麼慢動作，但動作變得很大及跨張，我怕街坊見笑。請教有什麼方法可平衡一下。

曲奇

原帖由 cc2006 於 2008-10-13 13:36 發表

                               
登錄/註冊後可看大圖

請問各位ching/tse，如何知道係用緊大腿肌肉跑嘎？我次次跑完小腿都有ｄ隱隱作痛

跑完後要cool down...
要慢跑 + 拉筋..
令肌肉得以relax...

pwong5618

原帖由 redred 於 2008-10-13 12:41 發表

                               
登錄/註冊後可看大圖

真係唔該曬pwong ching
咁我會照ching 既做法
每次跑前先做原地提腿,不過要加埋擺手好似有d難度
我會跑前試一試
有問題再請教師兄

Redred Tse,

妳可以先學習掌握好動作開頭先慢一些，最緊要姿勢正確，做好手、腳的協調再一步一步加快未遲的。另外如果有決心去加強大腿肌力，試下有電梯唔搭行樓梯，可以很快增強肌力，大厦樓梯較靜，女仔一個較危險，找人一起才好，但好像搭地鉄等便可以做成習慣只走梯級。

pwong5618

原帖由 臨風 於 2008-10-13 13:12 發表

                               
登錄/註冊後可看大圖

師兄、師姐：

我見你們常說提腿，但是如果我只是作緩步跑，步幅肯定不會大太。如按你們所說要提腿，那麼慢動作，但動作變得很大及跨張，我怕街坊見笑。請教有什麼方法可平衡一下。

臨風兄：

其實緩步跑只是將跑步的動作及速度減慢，做到好輕鬆的姿態去做跑步，
緩步跑適合一些年紀大的人仕及一些不適宜做太激烈運動的人，或一些初學習跑步的人仕，但如果己作緩步跑了一些日子，自已感到腳有力量，可以自行調節一下自已跑步的步伐，加大少少，動作又快少少，記著只係少少好啦！

跑步是一步一步進行的，緩步跑也一樣，只是感到自己有力量可應付，便可以
一步一步加快 D D，緩步跑也要提腳的，只是因沒有太大力量，所以比起快跑步提得少一些，我想信你不必心急好如何做好提腿，當你做緩步跑多–段日子，
鍛練咗一排，隻腳有力時，自已自然會識提腿的，希望能解各答倒你的問題。