香港長跑網  - 長跑長友

 找回密碼
 註冊
搜索
樓主: dmy

2013.08.03 Lantau 2 Peaks 21km Pre Trip 報名

[複製鏈接]

升級   100%

  • TA的每日心情
    開心
    2013-10-5 20:24
  • 簽到天數: 1 天

    [LV.1]初來乍到

    發表於 2013-8-3 07:46:07 | 顯示全部樓層
    kin8333 發表於 2013-8-3 00:02
    各位近來天雨太多,山路可能不太好,希望大家注意安全,小心小心,祝各位行得開心 ...

    多謝波哥 ~

    升級   0%

  • TA的每日心情
    慵懶
    2015-6-27 15:13
  • 簽到天數: 393 天

    [LV.9]以壇為家II

    發表於 2013-8-3 20:51:23 | 顯示全部樓層
    為23位信守承諾的跑友鼓掌, 這世界真是跑癡不少 !! 高興認識你們並感謝 DMY & Joe, 很棒的一次活動 !

    點評

    Like: 2.0
    和哥係邊度弄傷,希無大礙!  發表於 2013-8-4 08:12
    dmy
    Like: 2
     和哥隻手冇事吖嘛?  發表於 2013-8-3 21:37

    升級   100%

  • TA的每日心情
    慵懶
    2014-2-27 16:31
  • 簽到天數: 9 天

    [LV.3]偶爾看看II

    發表於 2013-8-3 22:41:30 | 顯示全部樓層
    謝謝Joe 和 Ina 攪這次pre trip, 今日好多人好熱鬧

    點評

    dmy
    安排不足, 多多包涵  發表於 2013-8-5 12:52

    升級   100%

  • TA的每日心情
    開心
    2013-11-20 16:22
  • 簽到天數: 6 天

    [LV.2]偶爾看看I

    發表於 2013-8-4 08:15:33 | 顯示全部樓層
    再次多謝Joe 及DMY之安排,亦識咗一班志同道合之跑友!見識到這條正路線,
    下次有function再見!

    點評

    dmy
    安排不足, 多多包涵  發表於 2013-8-5 12:52

    升級   100%

    該用戶從未簽到

    發表於 2013-8-5 06:39:17 | 顯示全部樓層
    好多謝大家星期六抽空與小弟一起pre Lantau 2 Peaks,雖然在出發前的日子有提大家作各方注意和考慮,pre trip途中亦一直儘量留意大家的情況和作人手安排,但難免仍會偶有失漏,得知有幾位師兄中途擦損手腳,幸無大礙,慬在此祝師兄們都快快好番。
    希望下次小弟再有機會與大家齊齊enjoy操山~~

    升級   100%

    該用戶從未簽到

    發表於 2013-8-5 06:40:22 | 顯示全部樓層
    好開心星期六識到好多跑友ching ctse呢~~
    最緊要大家都enjoy個event~~

    點評

    Like: 5.0
    Like: 5
      發表於 2013-8-6 22:33
    Like: 5
      發表於 2013-8-5 13:23
    Like: 5
      發表於 2013-8-5 13:11
    Like: 5
      發表於 2013-8-5 11:07

    升級   100%

    該用戶從未簽到

    發表於 2013-8-5 11:58:05 | 顯示全部樓層
    Ina記住post番篇後記呀, 好多跑友等著睇~~

    升級   100%

    該用戶從未簽到

    發表於 2013-8-5 12:06:51 | 顯示全部樓層
    我呢兩日不太得閒, 寫住篇短短地既後記啦~~

    2013_08_03 Pre Lantau 2 Peaks

    唔知點解, 呢幾排個天成日都係weekend落大雨, weekday就好天, 不過有時連weekday果幾日都落雨~~ 今個weekend就差d連風都打埋, 不過好彩到週末都算剛過咗個風, 無損大家黎操山既雅興~~

    一行廿四人, 浩浩蕩蕩從東涌東薈城起跑, 跑到入黃龍坑道前, 大隊其中一位朋友希望調整步伐, 便離隊作自由行 (不過很高興他後來也完成了全程~~). 廿三人繼續前進, 上大東時遇到的山腰洪流, 登鳳凰時遇到能吹人落山的強風, 衝落大東與鳳凰天梯時的暢快, 昂平大佛果碗豆腐花和買水補給, 行走360救援徑時的超滑木棧道, 下回東涌向終點跑的最後衝刺, 都應該令跑友們有難忘而盡興的一天~~ (雖然每位參與跑友可能都有稍為不同的回憶~~ ^O^)

    謝謝你們的支持, 下次活動再見~~

    點評

    Like: 5.0
    Like: 5
      發表於 2013-8-5 14:15

    升級   100%

    該用戶從未簽到

    發表於 2013-8-5 12:27:45 | 顯示全部樓層
    Event Photo 1.jpg
    Map.jpg
    Event Photo 2.jpg

    升級   16.75%

    該用戶從未簽到

     樓主| 發表於 2013-8-5 12:44:03 | 顯示全部樓層
    本帖最後由 dmy 於 2013-8-5 12:51 編輯

    (Joe 又話有專人寫報告, 自己又寥寥幾句… 不過每次行完我都會吹一陣水嘅.  不過我講明呢個報告唔全面囉)


    Scariest Environment Imaginable


    引子
    1998 年有套戲叫 Armageddon (呢, 又係啲美國人救全世界啲戲呢). 故事講要一啲礸油專家上太空做任務. 其中 Owen Wilson 演嘅Oscar 就同個政府官員有為於太空情形有以下對話:
    Oscar: Ok, Mr. Truman, let's say that we actually do land on this. What's it gonna be like up there?
    Truman: 200 degrees in the sunlight, minus 200 in the shade, canyons of razor-sharp rock, unpredictable gravitational conditions, unexpected eruptions, things like that.
    Oscar: Okay, so the scariest environment imaginable. Thanks. That's all you gotta say, scariest environment imaginable.

    喺大東山同鳳凰山, 我不停記起以上劇情.  Scariest environment imaginable.


    報告
    因為手多報咗比賽, 我就請我個人肉 GPS 師兄Joe百忙中同我試路.  跟住又約埋一大班跑友一齊玩.  出發前兩日飛燕嚟咗, 其實星期五不停留意天氣報告, 好在風球星期五除下.  決定大雨都照去, 只少少worry 行雷閃電, 就決定行雷閃電太勁就行第二到.  星期六一早上網, 唔見有太多跑友話唔去, 各師兄師姐真係掂! 出發前又超大雨, 好在出發前雨停咗.   一行人浩浩蕩蕩出發.  


    因人數多, 各跑友節奏不一樣, 到黃龍坑前要調整組形, 我就留後做鴨尾.  先上大東... 上呀, 上呀, 上好多石极.  因大雨, 好多水位, 有好多位變咗行澗,  大家小心快行, 對鞋都避唔到濕咗, 都唔理咁多.  唔太熱, 所以上得唔太辛苦. 上到唔知邊到開始四周只有霧, 好大風, 又開始有雨, 啲路變水溝 (就係呢個時間我諗起以上講嗰套戲).  視線只有幾十呎.  嗰時同大部分跑友已有一大段距離.  但係約咗一齊玩就要一個都不能少, 話咗同跑友一齊行就點都等埋佢哋...  冇耐, 發現自己落緊山, 我先問跑友, 吓… 去緊邊?  落山喇? 大東呢?  啲跑友話過左喇…. 吓??? 唔聲唔聲咁就過咗........ 落樓梯唔係我强項, 濕咗嘅石极仲恐怖!  我落山時都跣咗一嘢, 好在只跌喺啲草泥上面, 冇整親.  落山中途終於見到啲遠景, 大家都開心咗.  快到伯公坳之前見阿和師兄見我哋咁耐未見人上嚟揾我哋.  到伯公坳時因兩個跑友趕時間閃咗.  咁我哋就趕快上鳳凰山.


    因為冇太陽曬住, 上山好輕鬆, 又有風, 唔似落石梯要就住就住, 跳吓跳吓上石极上山好好玩... 之後… 就係惡夢嘅開始, 唔知上到邊到, 又入霧中, 又超大風, 能見度好低, 好似啲恐怖片咁.  啲風又超强勁.  好在我唔係皮包骨, 啲風未吹走我.  之後見到Mavis 一人作戰.  我等到其他人嚟到同佢哋講我趕上前陪Mavis 行, 怕她落單.  陪佢一段冇耐, 就落雨.  之後和哥佢哋都嚟到.  超大風又落雨, 我又諗起譚詠麟 n 年前支歌 <暴風女神>* ... Scariest environment imaginable.  Scariest environment imaginable.  不過好在多年吃喝, 有咁上下體重, 就唔怕風吹走, 大風中上山好難忘.  


    大家繼續上頂, 途中見有一師兄一人.   原來佢抽筋.  我哋其他人冇物資可幫忙, 大隊亦已經好遠喇.  只好陪住佢慢慢行.  行冇耐, 有幾個外籍山友行過, 但佢哋都冇嘢喺身.  之後又有日本山友三人行過, 立即向他們求助.  嘩, 佢哋啲物資好齊.  連運動帶都有.  日本山友好細心咁幫師兄貼運動帶, 又俾佢一包舒緩抽筋沖劑茶, 另一日本山友俾兩粒salt 糖佢食.  我哋問佢哋攞電話要作proper thanks 佢哋灑手擰頭.  好感激呀.  


    之後師兄可以慢慢行, 大家一齊慢慢上頂…. 不過咩都睇唔到.  咁大風, 冇景, 其實都唔知自己喺邊.  休息夠就落山, 抽筋師兄打算去到昂平坐車走人.... 落山過程非常痛苦.  落咗好耐, 好多好濕嘅石极, 又成日覺得自己對鞋跣… 落山技術又唔夠, Mavis 喺我後面話數到我跣咗八次, 其中兩次跌到在地, 但冇整親 (我最驚整親).  落山過程左轉右轉... 好攰呀對腳, 辛苦過上山.  終於離遠見到大佛時開心到跳起, 落山太攰喇, 大家決定喺昂平走, 因為聽聞棧道更跣, 呢組人最後只有和哥自己落棧道.  八點半正式出發, 我哋下午兩點左右到心經簡林.


    除非上同落石极都可以跑, 呢個比賽其實可以跑嘅位唔多, 平路有, 唔多. 我只記起上山落山.   如果比賽當日落雨我唔去喇, 啲石极濕咗好驚呀.  


    Scariest environment imaginable.  再諗吓星期六咁嘅天氣係咪應該試路, 其實除咗怕行雷閃電, 其實都冇咩, 操山唔係淨係天氣好先操.  天氣惡劣, 大家決定操都要面對少少風險架喇.  多得各跑友互相體諒扶持.  可以開心完成 (at least 我完成兩個山), 開心最重要, 能一齊安全返去就好好.  之後星期日太陽暴曬, 嗰日行可能行得仲辛苦.


    多謝Joe 應承陪我試路, 雖然我中途只見你一次... 叫你取消quota係我, 但係原來人多真係好難控制架.   多謝你無私付出幫忙.  


    多謝各位參加, 雖然起跑冇耐我同大家跑散咗, 冇咩機會吹水.  知道有啲跑友跣親, 希望冇大事.  下次有機會一齊玩.  呢次約跑係參與人數最多一次, 行政安排上有進步地方, 當上一課.  多謝各方善意提點.   


    我唔知棧道情形係點, 其他人講吓啦.


    我懶, 冇影相. 你哋post 上嚟啦.


    後記
    跑完對鞋泥鴨咁, 如果媽媽在港可以lur 佢幫手 (係,我衰, 哈哈).  我見我哥成日話長兄為父, 當晚同兄嫂吃飯時就同我嫂講, 媽媽不在港, 你有冇打算幫媽媽負吓責任?  佢話我俾佢家用就諗吓, 之後叫我自己買過對.  唉. 世上真的只有媽媽好. 呵呵.  (我講笑咋, 我媽喺香港我都係自己洗鞋架!)
    ___________________________________________________________________________
    *<暴風女神> 部分歌詞 (for啲年紀輕嘅跑友)
    作詞:林振強

    狂風 猛風 怒似狂龍
    巨浪亂撞亂動 雷電用疾勁暴力劃破這世界
    震裂天空
    狂奔雨中 視野矇矓
    狂叫著 Lorelai Sweet Lorelai

    升級   100%

  • TA的每日心情
    無聊
    2013-10-30 13:01
  • 簽到天數: 1 天

    [LV.1]初來乍到

    發表於 2013-8-5 13:56:00 | 顯示全部樓層
    多謝 Joe & dmy 既安排,
    及多謝其中兩位 ching,
    一位當我係棧道冇油時給我救命Gel,
    另一位係更衣室執返隻910, 再一次謝謝你們!

    點評

    Like: 5.0
    Like: 5
    給救命Gel是我, 不用客氣, 有機會再一齊操山  發表於 2013-8-6 22:41
    dmy
    安排不足, 多多包涵. 幫你執返隻910 係 Jacky (kcldragon).  發表於 2013-8-5 16:30

    升級   100%

    該用戶從未簽到

    發表於 2013-8-5 15:48:32 | 顯示全部樓層
    dmy 發表於 2013-8-5 12:44
    (Joe 又話有專人寫報告, 自己又寥寥幾句… 不過每次行完我都會吹一陣水嘅.  不過我講明呢個報告唔全面囉)

    ...

    呵呵Ina你個後記直情係個set meal黎既, 有齊西湯前菜正餐甜品餐飲, 真係一個後記專才~~ ^^

    點評

    dmy
    我, 只不過係一個爛gag 人....... 老闆開口叫到要寫後記, 咪乖乖咁寫囉.  發表於 2013-8-5 16:31

    升級   100%

  • TA的每日心情
    無聊
    2024-1-2 08:26
  • 簽到天數: 493 天

    [LV.9]以壇為家II

    發表於 2013-8-5 18:13:44 | 顯示全部樓層
    恭喜今次活動成功,當我有這個能力我都會去行這種類活動,恭喜各位

    點評

    dmy
    乜咁謙呀?  發表於 2013-8-6 10:47

    升級   25.67%

  • TA的每日心情
    慵懶
    2013-10-5 19:46
  • 簽到天數: 1 天

    [LV.1]初來乍到

    發表於 2013-8-5 20:24:52 | 顯示全部樓層
    我也多謝兩位ching, 在尾段提供gel 及 糖給我補充, 始能安全落山, 也多謝 JOE AND DMY 辦這個活動, 大家加油

    點評

    Like: 5.0 Unlike: 0.0
    Like: 5 Unlike: 0
      發表於 2013-8-5 21:18

    升級   100%

  • TA的每日心情
    開心
    2013-11-20 16:22
  • 簽到天數: 6 天

    [LV.2]偶爾看看I

    發表於 2013-8-5 22:37:47 | 顯示全部樓層
    大嶼雙峰跑後小記
    藉著這個機會,可以造訪這兩個山峰,走過這條特別之棧道!不是這趟有心人dmy師姐及joe師兄之安排,也不會來此練跑!
    一陣狂風大雨過後,各跑友已經集齊於鐵路站,自我介紹一番後,影過大合照,出發!天公暗贊這群有心人,暫時停雨水來加許我們!
    初段上黃龍坑,而遠遠看見多條瀑布環山分佈,暗嘆驚喜慶幸能夠參與這次征山行動。
    繼續拾級而上,霧氣籠罩,流水潺潺,不見天色,甚有Rambo雨林大戰feel,經過多個小石澗,鞋子都已灌滿水了。其實心裡暗作起警惕,擔心剛才一場大雨,會否造成忽然之山洪,幸虧只是乾擔心吧了。
    望著手錶之爬升高度,600,700,800多,霧雨汗水混集,開始往下走了,攪掂一峰!下到涼亭,師兄一齊抖抖,補充補充!之後和哥熱心殿後,其他ching繼續攪掂此隻鳳凰!
    狂風亂刮,我需要彎著腰,四腳爬爬,抓緊梯階,保持重心,免得被吹下山崖!
    到了山頂,看934m之木牌,大家都不忍來多幾幅大合照!勁呀!
    沿著天梯,往昂坪進發,初段較崎嶇,中段開始已可以半跑半跳,於昂坪食過豆腐花,多位師兄已首先回程,聽過Joe師兄之引路,獨自經360棧道下山了。
    風吹雨打高崖峭壁都還可應付,這條棧道卻是全程最險峻!看似可以加速而下,原來暗藏殺機,皆因木道似乾卻滑,就算不跑而行,也多次險象環生,及後知道田中兄亦於此處掛彩,幸而只是皮外小傷,有驚無險!
    戰戰兢兢走完棧道,終可大步走下石階回到地面,跑到終點!
    這次旅程,跑後感下刪二千字,就簡單兩字,超正!
    不過大家再行此線及於來緊之比賽,都小心小心,尤其棧道!滑倒事小,跌落山事大!
    最後,祝各跑友長跑長有(友)!下次再玩過!

    點評

    Like: 5.0
    Like: 5
      發表於 2013-8-6 22:44
    Like: 5
      發表於 2013-8-6 16:35
    Like: 5
      發表於 2013-8-6 11:04
    dmy
    Like: 5
    好彩我冇落棧道....  發表於 2013-8-6 10:51
    Like: 5
    雄哥 & 和哥,同意呀 ~ 到現在也非常回味 ^ ^ 那條棧道真的不能當作平路來行,絕對危險(下雨後),跌咗落山就邊度都唔洗再去了 ~~  發表於 2013-8-6 08:45

    升級   0%

  • TA的每日心情
    開心
    2014-2-17 14:51
  • 簽到天數: 34 天

    [LV.5]常住居民I

    發表於 2013-8-6 08:46:54 | 顯示全部樓層
    大家真係強,咁惡劣天氣都能征服雙峰,小妹之前都行過,不過係分開2.3次行,一次行鳳凰,一次行大東二東三分一,一次行大東二東,點解行三分一,就係因為太大風,上咗三分一驚被風吹走,落山仲要師兄全程捉住我先無俾風吹走咋,上次行八仙嶺又係跣到死死吓,好驚要call 飛行服務隊,我真係佩服你地!

    點評

    Cat姐果日真係好大風,又或者我輕磅得滯;有幾個位直頭要停低扶住舊石,等風力細D先至繼續前行啊!  詳情 回覆 發表於 2013-8-7 17:19

    升級   35.79%

    該用戶從未簽到

    發表於 2013-8-7 00:13:32 來自手機 | 顯示全部樓層
    多謝Dmy, Joe & Deric 報告分享。雖然有事未能報名參加pre run, 但已對路線有些概念。

    升級   56.85%

    該用戶從未簽到

    發表於 2013-8-7 17:19:04 來自手機 | 顯示全部樓層
    jogging_cat 發表於 2013-8-6 08:46
    大家真係強,咁惡劣天氣都能征服雙峰,小妹之前都行過,不過係分開2.3次行,一次行鳳凰,一次行大東二東三 ...

    Cat姐果日真係好大風,又或者我輕磅得滯;有幾個位直頭要停低扶住舊石,等風力細D先至繼續前行啊!
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2024-3-29 16:51 , Processed in 0.138901 second(s), 37 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表