感覺體力一次不如一次

巴士上的人

唔知點解已經操到好密 1星期跑4,5次 每次跑2K左右(新手)
但跑完1次,第2次跑唔夠2/3就開始唔夠氣
係咪因為練得太密?
但我怕休息幾日會仲衰 冇哂體能

JIMTSE

仲記得當初自己開始練跑時，不知死的我用盡全力衝，2K就玩完……後來學習慢慢地跑，一星期練二至三次，每次將距離加長些小，又跑慢些小，一個月內已經跑到10K，當然每個人體能不同，練習耐力後才練習速度，我沒有跟跑會，所以我的練習不可作準，只是個人愚見，希望幫到C兄你！

vcbid

如果想練長跑既, 跑慢D就自然可以跑長D, 慢慢跑到10K先練速度啦

queenielty

其實日日跑，真的是沒有問題，但如果你是新手，身體是需要時間去適應。
如果真的是太累，就休息

yatyin2112

留意一下平靜心跳率 , 如果過快既話有可能過量運動
亦都可以注意一下步姿 , 適當既姿勢應放鬆 , 平穩 , 眼視前方
另外 , 唔洗怕休息幾日就冇曬體能
因為攝氧量同最大心跳率既退化非常之慢 , 適量既休息可以令肌肉得以放鬆
加油!!~

kylo1935

小弟同意各位師兄的意見，也有相類近的經驗。

最初跑步時，不懂得控制步寬和步速，結果未夠1 km已無氣。後來放慢腳步，縮小步寬，一星期後能跑2-3 km，兩個星期後就5-6 km。跟上面的JIMTSE師兄一樣，約一個月後 10 km也沒問題。但速度並不太快。

跑步前的熱身也很重要。先緩步跑約1 km，然後才做一些拉筋的練習，約10-15分鐘，然後才正式起跑。

跑步時，也要留意心跳速率。一般而言，長跑後停下來，心跳速率大約每10秒24-28下。如超過這個速率，可能便是運動過強，難以持久。

先練好體力和耐力，然後再練速度。每星期練不少於三次，但也不要因而強練太多太密，也要因應自己的狀態。

跑步的時間可逐漸加長，由最初20-30分鐘，到心肺和體能都適應了，才慢慢加長時間或跑更長的距離。

有時候，欲速不達。

加油呀，師兄！

maylam_running

thx for sharing!^^.....