經過接近3年的練習...

固體蛇

我都終於首次嘗到傷患的困擾,
由最初只可以完成4km, 到現在每次練習跑半馬;
3星期前開始, 左膝部位出現痛楚,
不是肌肉酸痛那種, 又不是骨骼關節那種,
比較像是筋腱勞損拉傷, 一跑到落斜位就好痛,
上斜都痛但不及落斜, 夾硬跑完半馬, 當晚及明日一定落樓梯甚至行路都一拐一拐,
但隔一兩日後日常步行又唔痛了;
最近兩三次練習直頭痛到不能夾硬完成半馬要縮短距離;
現在唯有每次跑10k左右, 將一半練習次數改為以游泳代替,
我好擔心下年初連1月o既美記半馬錦標賽同渣馬都跑唔到半馬

Etudiante

建議先睇專科醫生,
然後停跑一頭半個月,
期間以游水或踩單車作為輔助運動

食野方面,多攝取高纖維食品
例如:麥片、蔬果。

如需要關節補充品或做一些按摩運動,
可以參考以下帖子,第二及第三段短片里醫師提供的資料:
https://www.longrun.hk/thread-20508-1-1.html

LegLegHim

師兄你一星期跑到幾多日..每次練習跑半馬太多了吧

ah_teng

Etudiante 發表於 2013-8-21 12:11
建議先睇專科醫生,
然後停跑一頭半個月,
期間以游水或踩單車作為輔助運動

同意樓上所言, 暫時停跑. 先睇醫生搞番好個傷先.

我舊年9月同你的情況差不多, 右邊的膝頭痛, 後來睇脊醫, 幫我消腫仲有用機器打番鬆大小腿的肌肉 (唔係一次OK架, 我前前後後睇左十次), 中間停跑, 後期好番多少少可以試下拉筋仲有去行下泳池, 因為我唔識游水), 好在後尾無事, 跑得番.

經過今次我唔敢輕視熱身仲有COOL DOWN, 此外, 肌肉力量的訓練都十分重要, 因為四頭肌強, 先至唔會咁易整親膝頭.

Ah_Wing

一跑到落斜位就好痛,
上斜都痛但不及落斜, 夾硬跑完半馬

小弟不讚成師兄這個做法。有不正常的痛楚就不應繼續谷。練習需應當時身體狀況加以調整，別為了完成某個距離而忍痛完成。傷了或過度勞損需要更多時間回復，夾硬完成冇着數。

kylo1935

勉強無幸福，先養好傷患，再逐步回復練習，千萬別勉強。

日後練習時，可考慮戴護膝，可減輕膝蓋承受跑步時對膝關節造成的壓力。

小弟如練超過半馬，都會戴護膝。

順祝師兄早日康復！

固體蛇

ah_teng 發表於 2013-8-21 16:51
同意樓上所言, 暫時停跑. 先睇醫生搞番好個傷先.

我舊年9月同你的情況差不多, 右邊的膝頭痛, 後來睇脊醫 ...

多謝Etudiante 及ah_teng 兩位師兄的意見,
現已停跑了一個星期, 以游水代替, 傷患應該不太嚴重, 因為游2000m 左右後都不覺有異樣;
飲食我一向小心選擇, 但的確這兩三個月為食重o左4~5磅;
ah_teng 師兄你要幾耐才可回復練習? 你指的肌肉力量的訓練是否做gym?
四頭肌係指那裡? thanks

固體蛇

LegLegHim 發表於 2013-8-21 16:16
師兄你一星期跑到幾多日..每次練習跑半馬太多了吧

師兄, 我是懶鬼, 又要懶又要練,
一星期兩次, 每次半馬

固體蛇

Ah_Wing 發表於 2013-8-21 21:33
小弟不讚成師兄這個做法。有不正常的痛楚就不應繼續谷。練習需應當時身體狀況加以調整，別為了完成某個距 ...

知錯了, 不再年輕, 不敢夾硬來了

固體蛇

kylo1935 發表於 2013-8-21 22:56
勉強無幸福，先養好傷患，再逐步回復練習，千萬別勉強。

日後練習時，可考慮戴護膝，可減輕膝蓋承受跑步時 ...

多謝你先; 想請教市面上護膝品牌及型號很多, 有冇好介紹?

LegLegHim

固體蛇 發表於 2013-8-22 02:28
師兄, 我是懶鬼, 又要懶又要練,
一星期兩次, 每次半馬

over晒...
基本上你都有耐力跑半馬無必要每次都咁練...
一星期跑兩課一課可以長課(唔一定要半馬,15-18k都夠晒...操半馬距6離4-6星期一課都夠晒啦=.=)..一課可以係速度課
其他時間可以休息同力訓

kylo1935

固體蛇 發表於 2013-8-22 02:30
多謝你先; 想請教市面上護膝品牌及型號很多, 有冇好介紹?

我用的並非將成個膝蓋包著的那種，因為跑起來，膝蓋散不到熱，很侷促。

我用的只是一般品牌的“護膝帶”，coma、Jasper和LP都用過，感覺上分別不大。但最好買用魔術貼那種，因為鬆緊可自行因應需要調校。幾十元便有一條。

最重要的是“扎”的位置正確。因為“扎”的位置太上和太低，都影響保護效果。購買時可問問店員。

kylo1935

LegLegHim 發表於 2013-8-22 06:48
over晒...
基本上你都有耐力跑半馬無必要每次都咁練...
一星期跑兩課一課可以長課(唔一定要半馬,15-18k都 ...

贊同師兄所說。

跑步不必勉強自己，反正只是日常的練習，最重要是看自己的狀態、路段的情況。

雖然我們跑前可能訂下目標，要完成某一個距離，但還得看過程中自己身體的變化，是否能承受。特別是有些疾病在初起或潛伏時，唔覺唔覺，勉強就會出事。

RingoLee

我2011年年尾時都試過類似情況，可能是膝頭內部份筋腱輕微傷患，跑步時磨擦達一定次數後出現痛楚。行路完全唔痛，跑 4 至 5k 後開始痛，有時16k 後開始痛。原因可能是年紀大，平時練習少，臨近比賽才催谷引起。困擾我有一年多的時間。後來減少跑量。每週慢慢加，現在連續跑30-40k 都無問題。
建議師兄暫時停止練習，睇專科醫生。或停止練習一頭半個月，然後每週一次輕鬆跑幾k，跟著每週慢慢加。

ah_teng

我舊年9月中整親，11月中至12月初先叫好番，開始練番，11月底unicef 半馬放棄，好在今年2月東馬無問題。 不過初馬又只練習2個月左右，只能以5小時15分完成。 四頭即係大腿啦，我主要是在家做無影櫈，仲有 pilates 練習腹，hip 等。一星期約3晚，半小時一次。

固體蛇

kylo1935 發表於 2013-8-22 08:12
我用的並非將成個膝蓋包著的那種，因為跑起來，膝蓋散不到熱，很侷促。

我用的只是一般品牌的“護膝帶” ...

明白了, 我出去看看有否合適我的, 多謝師兄的意見

固體蛇

kylo1935 發表於 2013-8-22 08:17
贊同師兄所說。

跑步不必勉強自己，反正只是日常的練習，最重要是看自己的狀態、路段的情況。

2位師兄, 師弟受教了

固體蛇

RingoLee 發表於 2013-8-22 08:27
我2011年年尾時都試過類似情況，可能是膝頭內部份筋腱輕微傷患，跑步時磨擦達一定次數後出現痛楚。行路完全 ...

我的就正是師兄所講的情況啦, 多謝師兄分享經驗

固體蛇

ah_teng 發表於 2013-8-22 08:34
我舊年9月中整親，11月中至12月初先叫好番，開始練番，11月底unicef 半馬放棄，好在今年2月東馬無問題。 不 ...

我真曷幾懶的, 除一星兩課練跑外,
其他日子都沒有任何訓練,
看來我要加o的時間做o下gym;
師兄好勁, 傷後復原即跑全馬, 我都唔知自己仲有冇機會上全馬;
而家我希望趕得切好番, 可以跑下年初美記半馬同渣打半馬

亞邊個

一星期跑兩個半馬, 唔會太多, 有問題只係方法

1. '一跑到落斜位就好痛', 有可能係落斜太快, 跑斜路只有上斜先練到野, 落斜最易受傷, 冇必要快
2. 護膝係用黎避免包紥部份受太大壓力, 可以減輕受傷. 練習原意係強化身體, 但練習如果都用護膝, 就會另原本應強化部份得唔到鍛鍊, 可能會適得其反, 我覺得寧願減低強度都唔應該練習時用護膝
3. 每次都練同一距離或強度, 成較唔一定好, 即使只係跑, 建議用唔同訓練方法, 例如tempo, interval, long run, 回復跑, 唔一定次次都要去到盡

利申: 曾經試過一個星期練 4 個半馬, 仲係上清水灣道. 最後冇進步, 換來只有ITBS