所有馬拉松賽事（42.195公里）網上名額已滿

bunbun

所有馬拉松賽事（42.195公里）網上名額已滿

kylo1935

我去年到十二點還成功報名，想不到今年情況更緊張，戰況更激烈！

wlau

佢中文版, 十幾分鐘前已經FULL 左,
但英文版, 岩岩一分鐘前先FULL..
再加埋今朝有D 師兄講全馬挑戰組已經FULL , 但又有其他師兄係之後報到挑戰組,
睇來似今年, 佢地除左分開路程及組別報名之外, 仲分開埋語言...
所以中, 英文版報名既份額FULL 既時間都唔一樣..

慢子 Wilson

剛已報了英文版....中文版騙人的....

doracrap

kylo1935 發表於 2013-10-15 10:48
我去年到十二點還成功報名，想不到今年情況更緊張，戰況更激烈！

上年我都成十點幾先報到~
不但上年唔係分開報，太塞車，先拉長左個時間。
咁攪法，下年可能要抽籤

wlau

kylo1935 發表於 2013-10-15 10:48
我去年到十二點還成功報名，想不到今年情況更緊張，戰況更激烈！

上年佢全馬同半馬一齊報..
而且我記得好似唔係七點咁早報.. 好似係八, 九點左右開始報..再加上好似D 師兄所講, 上年真係塞死左....

米Go

我覺得可能係一有人入到去個系統填form，個系統就會自動同佢hold住個位。但若果那人中途取消，個系統就會放返個位出嚟，所以系統有時話full哂，有時又有得報，其實果d可能只係執雞。

kylo1935

其實大會可考慮外國的做法，就是按完成時間來報名，以香港情況，可以20分鐘或是30分鐘劃界，例如首兩日給3小時內完成的報名（有餘額的便撥入下一個時間組），次兩日便給3小時20分（或30分）前完成的報名，如此類推。另外，還可最後預留一些名額，不設時限，給新手或慢跑者報名，最後兩天進行，先到先得。

半馬和10km也可按上述方法進行。

這樣，三組也可同時進行報名，也可防止“塞車”。

米Go

kylo1935 發表於 2013-10-15 11:42
其實大會可考慮外國的做法，就是按完成時間來報名，以香港情況，可以20分鐘或是30分鐘劃界，例如首兩日給3 ...

我懷疑到時報名大家都話自己係sub3.

kylo1935

米Go 發表於 2013-10-15 12:02
我懷疑到時報名大家都話自己係sub3.

渣馬自己有跑手的參賽紀錄及時間，其他非渣馬的全馬比賽則要求提供證書。

又或是能按申報時間內完成的，才發證書，應可減少部分跑手作得太大（作大少許或者有，當作自己追求進步的空間）。

坦白說，每年咁報名，辛苦過要趕報告給老細！死好多細胞！

nov012006

其實, 如果大家覺得"先到先得"這個方法有問題的話

抽籤就是最公平.

你說依過去成績來作登記的先後次序
咁上年失準, 有事唔黎的的人分分鐘呢一世都唔洗再參賽.

doracrap

我諗田總無咁多人手去check過往紀錄~

wlau

doracrap 發表於 2013-10-15 20:37
我諗田總無咁多人手去check過往紀錄~

電腦一條 SQL 可以攪掂啦, 差在佢前期會唔會幫你攪好佢..

wlau

我反而覺得, 可以用近三至五年既成績來做對比參考, 以我所知, 有D 報全馬既人, 根本連半馬都無跑過, 只係為左影相而報全馬, 大可以過去三至五年既成績來做界線, 先俾三分二既全馬名額俾過去三至五年有參加過渣馬既半馬或全馬RECORD 為優先伸請(要有完成比賽者), 海外選手不包括在內, 之後三分一就俾未伸請過, 但有參加過其他半馬, 全馬既選手參加, 但事後要提供證明(例如影印本或官方賽事紀錄時間), 因為全馬真係唔係講笑, 如果連半馬賽事都無參加過, 真係唔應該俾佢地一野就跳上來..

bunbun

香港經濟日報  2013-10-16
港人跑風盛 渣打馬拉松受捧  

　　渣打馬拉松全馬賽事昨天早上7點開始接受網上報名，不足一日，1.4萬個名額幾乎全部爆滿，比起去年兩日內額滿，可見港人跑風愈加熾熱！
總獎金加碼至230萬元

　　渣打香港馬拉松去年接受網上報名時，全馬及半馬兩日內額滿，十公里賽不足一日即告爆滿。為免重演上屆網絡大塞車，今年渣打馬拉松加開1,000個名額，合共7.3萬個，再創歷屆新高，而總獎金亦加碼至30萬美元（約230萬港元）。

　　新增的賽事名額中，全馬增加500名額至1.4萬個、半馬拉松更增加2,000個名額至2.25萬個。至於一向最熱門的10公里賽事，則因為往年東區走廊賽道已相當擠塞，所以名額減少1,500個，至3.65萬個。

　　雖然全馬加開500個名額，但仍然一日內額滿，只尚餘小量郵遞報名名額。在跑道上競賽之前，健兒們就先要在網上為報名「爭崩頭」。

半馬下周二接受報名

　　至於半馬拉松和10公里賽，將分別於10月22日（下周二）和10月29日上午七點正後接受網上報名，並於11月30日截止申請，跑手請做好準備。

　　市民可透過大會網頁 www.hkmarathon.com 報名，報名費為300港元，詳情可瀏覽大會網頁或致電馬拉松秘書處2577 0800查詢。

daniel0415

wlau 發表於 2013-10-15 23:05
我反而覺得, 可以用近三至五年既成績來做對比參考, 以我所知, 有D 報全馬既人, 根本連半馬都無跑過, 只係為 ...

同意。早幾年都有人講過啦，如果年年都有參加開全馬並且可以在精英區起跑的跑手就係報名遲小小、唔夠人爭就冇咗參加機會，那真係有些可惜！

hiuchung406

daniel0415 發表於 2013-10-16 10:20
同意。早幾年都有人講過啦，如果年年都有參加開全馬並且可以在精英區起跑的跑手就係報名遲小小、唔夠人爭 ...

我覺得全馬應該只係比曾完成全馬或半馬既人參加會更合適同安全。

salmon

連郵寄都爆左啦

https://www.facebook.com/ilovehkaaa