希望今年有機會「升呢」「金標賽事」

bunbun

頭條日報 2013-11-13
四圍飛「揀蟀」撐場 高威林：渣馬要升呢  

Kelly平時鍾意約姊妹行街Shopping，但係佢哋呢排唔多得閒同小妹行街，個個都話要練跑，備戰出年二月舉行嘅渣打馬拉松喎。今年網上報名熱爆，四個鐘就滿額，認真墟冚！Kelly見到渣打馬拉松籌備委員會主席高威林，佢話仲有少少遺憾喎，原來上屆賽事因一位選手臨時「甩底」，令渣馬未能獲國際田徑聯合會認證做「金標賽事」，希望今年有機會「升呢」啦。　

要達到國際田聯最高等級嘅金標賽事，原來需要五男五女頂尖國外選手參加，但上屆渣馬咁啱同東京馬拉松「撞期」，一位選手臨時「甩底」，渣馬只能得到銀標。但高威林就話，今屆再接再厲，下月會到新加玻，觀摩當地馬拉松之餘，亦會「揀蟀」，同頂尖跑手嘅經理人見面，邀請佢哋參加今屆賽事，認為今年有望「升呢」。

近年渣馬比賽，Kelly個facebook都畀參賽朋友照片洗版，有啲朋友由未天光到場，一直用手機沿途拍照紀錄。Kelly好明白，參與渣馬係一個好值得紀念嘅活動，但就要注重安全，高威林話，如果要取消參賽資格、唔俾帶電話或相機等，好難實施，今屆唯有喺場外場內不斷廣播呼籲，沿途又派多啲工作人員勸喻，希望參加者自律喎。

望當局放寬封路時間

高威林又同Kelly講，仲有好多人報唔到名，如果政府可放寬封路時間十五至三十分鐘，十公里賽事就可增加多四千個名額，希望當局考慮吓喎。

eric798

如果升格為金標賽事，據國際田聯規定，必須至少有五個國家的電視台現場直播全程賽事。

大文DaiMan

點解只係得揸兜Ben搞得,多幾個呢D race 就唔駛爭崩頭

tango

大文DaiMan 發表於 2013-11-13 15:28
點解只係得揸兜Ben搞得,多幾個呢D race 就唔駛爭崩頭

一男子話要循序漸進，容不下競爭