中銀保誠陳禹昌跑馬拉松上癮

bunbun

蘋果日報 2013-11-21

中環在線： 陳禹昌跑馬拉松上癮        

渣打馬拉松仲有三個月就開跑，呢項活動真係老幼皆宜，中銀保誠行政總裁陳禹昌（Thomas）雖然係花甲之年，但係相當跑得，舊年首次跑全馬，跑完都唔覺攰，明年再「去馬」。

下月過大海練習

Thomas舊年先至第一次跑渣馬，仲要係執人二攤，皆因有位報咗名嘅朋友臨時跑唔到，讓咗個名額畀佢。點知佢一跑就上癮，佢話喺青馬大橋上面跑嘅感覺好得意，「平日好多車，都唔可以咁樣跑。」於是佢今年就一早叫秘書幫佢報名。

跑渣馬之前，佢先於下月1日過大海，去澳門跑馬拉松；問佢準備好未，佢仲話嫌練得太多，搞到呢排攰咗。

其實，跑步都唔係Thomas嘅最大興趣，佢最鍾意嘅活動係行山，行咗十幾年，香港乜地方都行過。佢希望可以去外國挑戰啲高難度嘅山路，到時可能要手腳並用，所以家多咗去做gym勤練老鼠仔。