本帖最後由 running-sue 於 2014-2-2 14:36 編輯
大家好,我係(2014-2017年度) 「香港長跑網」幹事隊選舉1號候選人running-sue (Sue)。
我於2008年11月加入香港長跑網,2009年12月成為香港長跑網委員之一,一直負責內部事務。
今次決定參選,係希望能繼續為大家服務,實現對「香港長跑網」嘅抱負。以下係我嘅參選大綱:-
口號 沿途更美.只因有你
政網 1. 從女性眼光出發,以更細緻嘅角度,去觀察及動悉廣大跑民嘅需要。
2. 維持網上平台公開及高透明運作模式,並不時檢討與時俱進,提供更貼身嘅跑步資訊,讓跑友進行各樣嘅分享與交流。
3. 響現有幹事團隊當中加入新動力、新思維,及維持高效率運作。
4. 教育跑友們響跑道上嘅禮儀及尊重他人,提高個人修養。
5. 加強與本地及國內外各跑步機構、組織、群組及商戶嘅聯繫,爭取福利及權益。
抱負之實踐 繼續承接「香港長跑網」一貫傳統,為普羅跑民發聲、為長跑運動締造理想、和諧及平等嘅環境。
推廣跑步者感染身邊嘅親朋戚友,多做運動,驅走都市病;以跑會友,擴濶生活圈子,增廣見聞;增強社區凝聚力,節省社會醫療資源。
宣揚運動場或跑道上嘅基本禮儀,為長跑比賽訂立基本風險標準,令跑友們跑得開心又安全。
以溫和手法多聽多問,收集更多意見,柔中帶剛處事,冀能化解一些不必要嘅誤會。以多年行政經驗及新思維,拓展日後發展長遠藍圖,使會務往前跑得更強更遠。
能在「香港長跑網」認識各位跑友,富豐我嘅人生,實是緣份。憑住「非以役人,乃役於人」精神,我決定以服務委身。
如果我能夠當選,定會與其餘2位參選人共同合作、邀請現任幹事及物識更多人材,為長跑網嘅會員服務。 已答應協助我組成團隊嘅成員包括 (排名不分先後): kin8333 (波哥) / 前進 / kf / cyrilchu (朱sir) / ccomeout (Derek) / violalo
1號候選人 - running-sue |