2014.03.23 AXA 安盛香港街馬10公里@九龍東2014

大力

再問，跑街要咩經費？

跑完每人一支可樂定係飲茶？領跑員津貼？出糧比基金員工？

以前Mill姐個個星期帶二三十人跑，有咩經費？

跑網區區都有定期練跑，未聽過要經費。

人在做，天在看；熱愛跑步唔代表無腦！

donald_duck

我係跑友，不過都報左，因為認同搞手理念，當然，事情會否如有些跑友所講，即本$230當比一次機會，呃哂都係兩舊。

明顯傳統跑友未必認同此活動，我覺得價值首不同就拗來無謂，不參加就是了，活動成功與否亦無須上心。

ahleung

其實看完路線圖就更覺欠缺吸引力，很難想像沿途氣氛會如主辦單位的預期，周圍環境更不堪想象！

大力

跑網 You Can Shine，費用全免。
Mill 姐， LuLu 姐，running sue，個個星期帶幾十個人練跑，免費。
跑網 2014 網衫，免費。
醫生網友，義診。

我講緊乜？係心呀！跑步係用個心去跑，用個心去感動其他人。

唔係求其搵幾個師弟師妹跑下街就話自己推動長跑運動，搞場大龍鳳為乜心照。

呢排個市有起色，返去搵食啦！

Hong

我都報咗，但主辦單位俾我嘅感覺係“同你講多句都費事”，問佢東佢就答西，規則同條款可以喺公開報名之後仲加加減減，咁即係點呀？係咪即係話俾你知:“錢你就俾咗喇，冇得返轉頭架喇”。主辦單位咁嘅態度同埋做事方式，我寧願當跌咗$280，到時去唔去我都仲諗緊，我諗多兩日，可能走去報ANS仲好，起碼唔駛受氣

大力

同埸加映經典賽事，第38屆畢拉山越野賽！

我有幾件佢嘅紀念T

大力

要講嘅講咗，言盡於此。

Hennatalk

nacorner90 發表於 2014-1-17 15:45
如果佢地好似倫敦馬拉松可以全數捐俾自己指定受助機構,  我就會支持,  扣除開支,  攪咁多同跑步無關的事,   ...

師兄，我也很勞氣。最勞氣的，何止假大空與不盡不實。我最傷心的是汚染了，在香港正在茁壯成長的長跑運動。
長跑是老實的，跑到幾遠，跑了幾耐，童叟無欺，不容假大空。
愛跑者，兄弟爬山，各自修行，又互相尊重。對方跑出什麼模樣，都不會指指點點，反而勉勵一番。（外地跑手，可能都是一樣，但不清楚。不想學，有人未參加過本土賽，可以亂作批評。）各各賽事也類似，大家各有各做，甚少眨低別人，抬高自己。
愛跑作家村上春樹有句話，大意是：「愛跑者，只要一雙鞋與馬馬虎虎的路，就跑了。」⋯大師，佩服。主辦者，你明白嗎？愛跑者關心的，是跑得動嗎？跑得安全嗎？跑得健康嗎？長跑長有嗎？」打氣者，嘉年華，只是錦上添花。如果這些是必要的，哪會有人默默練習，花在練習的時間比比賽多很多。可惜你本末倒置，使未愛跑或未理解跑步的人誤會我們，比賽的成功，要在乎別人的支持，沖淡了自我的意志和決心。並不是說打氣有問題，但請不要放錯重點。
使未成熟的跑者，走進歪心的路。如果是慈愛的人，忍心嗎？

Hennatalk

donald_duck 發表於 2014-1-15 23:23
爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係 ...

好奇問吓，師兄可選擇答唔答？師兄是否比較少參與本地賽事？因為渣馬是三橋三隧，但師兄卻説五隧—橋。
剛好知道師兄報了名。我都想了解吓，少參與本地賽事的人，可能比較容易接受這項活動，可以這樣假設嗎？

Hennatalk

donald_duck 發表於 2014-1-18 22:37
我係跑友，不過都報左，因為認同搞手理念，當然，事情會否如有些跑友所講，即本$230當比一次機會，呃哂都係 ...

不好意思，想講多兩句。我可能就是師兄所形容的傳統跑手。師兄所言，你認同這活動的理念，又鼓勵大家不再爭拗，用腳投票便可。
只不過，我察覺這活動有一個理念，就是：「自稱是看到各本土賽事（尤其是渣馬）很不濟，要扮作救主，於是大力矮化本地賽事（不管有無材料根據），批得狠便可。」（字眼很主觀，但這是我的體會。）
雖然師兄是講和諧，可能沒有感到這種不安，接受了它的理念。
也許我真是一個傳統跑者，因為我不想看到，新代跑者，覺得長跑是一項表演。没打氣，跑不動。沒人知，不想跑。賽道上，再容不下基層人士，沒錢別問了。

大力

Hennatalk 發表於 2014-1-19 03:30
好奇問吓，師兄可選擇答唔答？師兄是否比較少參與本地賽事？因為渣馬是三橋三隧，但師兄卻説五隧—橋。
...

Donald Duck 師兄，唔通你就係我認識想學跑步就請私人教練，比賽就只參加外地有紅酒有嘉年華嗰D，少參加本土賽事但一口咬定佢地搞得好差嗰位同學？

robbiefung

問題又黎:

偉業街行人天橋
圖請睇: https://www.facebook.com/photo.p ... ;type=1&theater

到底一個5000人的event，點樣可以穿過「偉業街行人天橋」!
會唔會叫大家排隊幾個幾個上？

patcochoi

大力 發表於 2014-1-18 22:13
再問，跑街要咩經費？

跑完每人一支可樂定係飲茶？領跑員津貼？出糧比基金員工？

大龍鳳經費隨時超支!
(5000 * $280 =$1,400,00)

adrianho

我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應該支持下，比人揾笨都最多係一年，最多$280姐？
2) 畢竟佢係第一年搞，D野急D可以原諒吧？仲有時間，唔可以比D時間搞手處理？
3) 話條橋窄，會方話會分流同只係單向，條橋唔算長我相信可以接受，好多比賽都會有呢D位
4) 有朋友話街馬個名係取巧，跟本唔係marathon，咁半馬何嘗唔係一樣唔係marathon？我都見有外國搞手稱一D短跑活動為XXX-thon，都係一樣

反而，要Challenge既係，佢咁多錢花係邊，係咪真係用得其所及比到地區有需要既人，好似以我所知，runourcity既八星期training scheme既教練，都冇收分毛，咁要咁多錢黎做乜？點解冇田總參與？

我就報左喇..我真係希望佢搞得好好地，日後有埋半/全馬..

Hennatalk

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

1）如果祈福黨同你講 ，家裡少福氣。佢想改變，幫你攪個祈福，會支持佢嗎？比佢揾笨，都係一次，最多十萬八萬姐（師兄有點誤會，呢單嘢，我唔覺得會攪得好差，有打氣人，有演唱會，有嘉年華。可惜所謂好玩又如何？我不支持主辦者的做事手法，我無法相信他是真正愛跑，真心為香港跑友謀福祉。跑少一次賽事，冇所謂啦！條路咁特別咩！我不清楚，我唔熟路。相信過幾年會有全馬嗎？咁過幾年我再參加，4倍路程，如又是$280的話。（不過我估，佢真係想呃大家一次，攪得成，都天價。）

Hennatalk

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

第二點，恕我孩子氣，主辦者平時口氣咁大，現在看，志大才疏。怎能比謙謙的其他攪手們，有同等優待。
第三點，唔熟路，不予置評。
第四點，我同意一半，特殊馬拉松也不是42k，但呢個所謂街馬唔同，存心混淆視聽

wlau

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

都係果句, 佢如果只係普通比賽, 貴有貴玩.. , 平有平玩, 但佢以慈善賽為名, 咁佢D 錢去邊, 就一定要清清楚楚., 因為咁貴會令人覺得會係因為慈善, D 報名貴都係捐錢, 而去JOIN, 最少我身邊有D 平時唔跑既FRIEND 已經話三月有個慈善賽, 問我JOIN 唔JOIN.

個比賽一開始無交代D 錢去邊D 機構, 後來好多人問, 佢地有改善, 加番D 社福機構名入去, 但就係唔係交代到底會捐幾多錢出去俾果D 社福機構, 佢一路只係講扣除開支會損左出去, 但扣既開支包括D 乜?

佢既嘉年華同演唱會係唔係有人贊助, 定都係當佢既成本開支? 佢一開始大意無講, 咁現在可以交代番既..
如果演唱會同嘉年華係成本之一, 咁一陣七除八扣會唔會得番一, 兩成錢或更少去左D 社福機構到呢?
以上問題係我覺得有需要清清楚楚囉..
再加上, 佢現在既報名費, 話因為佢個慈善組織仲伸請緊, 係先俾晒佢隻基金度先, 咁佢收晒D 錢, 會唔會有機會做投資先再捐呢?

攪手佢可能係樹大招風,  但如果以為佢咁見多識廣既閱歷, 仲要係創投基金旗手, 無理由會攪個比賽都攪到唔清唔楚..出現咁多奇怪既疑問出來..

我唔想我地出錢, 佢就出晒名, 而結果係最後D 報名費同贊助係去晒D所謂既成本度, 而無乜錢去到D 真正有需要既人度..

所以最重要一句, 係收入同支出.要清清楚楚 先會令人信服..

robbiefung

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

我回應番第3點，如果個比賽係1000人左右，條橋的確唔係問題，但5000人……

i)        會方話會分流 > 何謂分流？你跑左1k之後，叫你停一停，等人流散d再跑？我只見會方話8:30起跑，亦唔見有提及好似渣打咁分段出發。有錯請指教。
ii)        同只係單向 > 單向都係窄ga。
iii)        條橋唔算長我相信可以接受 > 再長嘅橋，樽頸位都係一樣。條橋３ｋ左右就上ga la
iv)        好多比賽都會有呢D位 > 可唔可以舉個例？

robbiefung

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

重申，我覺得過條橋, 的確係幾有特色。不過好多地方，都好似將注意力放係「卓頭」上，一D跑步人嘅需要，就好似忽略左。

或者，依個EVENT，唔係想吸引我依類人。

Hong

橋位只係我喺facebook度問嘅問題之一，其餘嘅提問佢一概唔覆！

我報名時佢哋都冇話根據personal best time出發，係之後加嘅規則，叫佢哋解釋，佢哋冇囉！
幾點開始寄存行李，又係冇覆！