2014.03.23 AXA 安盛香港街馬10公里@九龍東2014

nacorner90

bennylks 發表於 2014-1-16 21:58
報左名，$230，用discount code

師兄,  這是什麼 Discount Code, 什麼人有資格,  Discount Code 是否分Grading, 會否有些人會更平或免費 ?   

大力

利申 (2) : 幾個月前從舊生聚會中得知佢想搞長跑比賽, 仲話願意蝕三百萬去搞馬拉松, 在場人人讚好, 我就半信半疑, 心諗 「 轉性 ? 」

點知個比賽詳情一出, 即刻啞哂, $480 跑 10k?  錯! 係 $280, 佢只係唔想你覺得 $280 貴所以話原價 $480 (傻嘅先會用 $480 去玩 10k 嘅比賽), 手法同遊客區海味店一樣。

再睇路線同鑽石級贊助商陣容, 同類比賽南區長跑會無贊助有 T shirt 送都係幾十蚊, 收咁貴 d 錢用係邊度又唔清楚交代?  只係話扣除開支後盈餘會捐比九龍東青年機構 (百分比不詳) 同一個未成功註冊成慈善團體嘅基金, 係咪好 ridiculous?!

我承認, 可能因為我認識個搞手, 所以對件事有 d 偏見, 觀迎其他師兄分享佢地嘅睇法。

nacorner90

如果佢地好似倫敦馬拉松可以全數捐俾自己指定受助機構,  我就會支持,  扣除開支,  攪咁多同跑步無關的事,  又嘉年華會,  又演唱會,  開支可能好大, 捐款可能所剩無幾,  到頭來只是提供了一個機會給贊助商在嘉年華會推廣產品,  表演者賺取出場費,  相關機構如運輸,  搭台公司生意, 攪手Show off及提供知名度,  保險從業者免費公司活動的機會,  付全費480或early bird 280的跑手可以得到的是3月煙雨淒迷的某個星期日唔洗咁早起身晌工廠區吸廢氣(甚至pm2.5),  同5000人一齊迫跑行人路(當中有很多第一次跑"10公里馬拉松" 要打卡, 自拍, 即時上Facebook),  但其實平日晚上或早一二個鐘起身大家唔洗俾錢45或50分鐘已經輕易做完的事,  點解要攪到咁複雜,  唔通佢個紀念牌真係咁有紀念價值(因為只會攪一次), 唔知點解自己咁勞氣, 返緊工用咁多時間打中文評論,    反正我跑慣全馬, 一定我唔會參加,  同主辦機構無怨無愁, 根本唔知佢係邊個,  不過真係睇唔過眼

nacorner90

係"無怨無仇",  錯別字,  真失禮

suniebo

不如叫 街跑喳嗎 ！，有唔同馬拉松定義沖突。 不夠gimmick

kylo1935

各位師兄，小弟覺得不值得再花時間和精神討論這個比賽。

成功也好，失敗也好，其實跟我們這群熱愛跑步的跑友沒甚關係。

adrianho

搞手專欄:
http://thehousenews.com/personal ... %E4%B8%80%E6%AD%A5/

adrianho

nacorner90 發表於 2014-1-17 15:13
師兄,  這是什麼 Discount Code, 什麼人有資格,  Discount Code 是否分Grading, 會否有些人會更平或免費  ...

有D跑會有DISCOUNT，佢地用DISCOUNT CODE報，個人$230 group $920

大力

kylo1935 發表於 2014-1-17 20:40
各位師兄，小弟覺得不值得再花時間和精神討論這個比賽。

成功也好，失敗也好，其實跟我們這群熱愛跑步的跑 ...

同意，10k 幾千人跑行人路，迫爆；仲有演唱會嘉年華，諗真D似乎對象唔係我地班跑友，一場誤會

RunOurCity

多謝各位跑手的熱烈討論 ! 讓我們可以向各位解釋清楚這個比賽 !   
有關慈善團體之疑問:  

RunOurCity Foundation Limited現處於成為稅務條例第八十八條註冊之慈善團體的申請程序當中。因為「全城街馬」(RunOurCity)是「香港社會創投基金」（SVhk）旗下創新投資項目，因此，所有捐款將由「香港社會創投慈善基金會有限公司」代收。    ｢AXA安盛香港街馬10公里@九龍東2014｣的活動收益扣除開支後，將全數經由「香港社會創投慈善基金會有限公司」撥捐九龍東社區的慈善機構（包括：香港學生 輔助會 (Hong Kong Student Aid Society)、基督教家庭服務中心 (Christian Family Service Centre)、循道衛理觀塘社會服務處 (KwunTong Methodist Social Service)）及RunOurCity Foundation Limited用作支持已於2013年9月30日開始試行的青年街跑計劃。   

有關賠償及醫生証明之疑問:  

「3. 我/我們同意賠償或補償主辦機構、場地贊助機構及其他贊助商或其他支持機構任何因我/我們參賽或針對我/我們參賽的額外開支或成本。我/我們謹證明身體狀況 良好，具備參加是此賽事所需的體能要求，且並未經由執業醫生確認本人之體能不適合參加此賽事。」  

條文3前半部是指參賽者於參賽期間因蓄意破壞所致的額外開支或成本，我們會於網頁再次釐清條文的內容。條文3後半部是我們將採取信任制度，參賽者需自行決定其身體 狀況是否適合參加此賽事。   

有關私隱之疑問:  

AXA安盛是｢AXA安盛香港街馬10公里@九龍東2014｣的冠名贊助商，不會通過此活動收集任何個人資料。  主辨單位｢全城街馬｣及運動版圖 ( 即活動報名系統營辦者) 將收集閣下的個人資料作識別身份之用途。 因應活動報名系統營辦者的既定要求，凡任何參加者使用運 動版圖之網上報名系統，必須預先登記成為其會員，方可使用網上報名系統。如果閣下在注冊成為會員時，選擇不｢訂閱運動版圖推廣資訊｣，主辨單位｢全城街馬｣及運動 版圖將不會使用或提供有關個人資料予第三方作推廣用途。

RunOurCity

此外，比賽設3500個優先報名名額，跑手可以用優惠價＄280報名。

柔詠

10k 叫乜馬亞?
$280 ?如果全數慈善$480...都跑
10km 搞嘉年華會 ?
如果$480...馬拉松42.195km 就多人玩
小弟自己住九東都不會報這10km 賽

fwk322

我都5會跑這個10K,另願跑畢拿山15K!

大力

【青年跑街培訓計劃已 於2013年9月30日開始試行，為觀塘荷蘭宿舍8名學員及觀塘官立中學12位學生提供培訓】
教十幾條後生仔跑街使唔使搞咁大埸大龍鳳呀？

你睇跑網 You can shine 計劃，訓練幾十個後生仔女，免費！

跑步，唔使下下講錢嘅，張生！

大力

交代下收益點分配啦，1%慈善，99%教十幾個小朋友跑街呀？

江山易改……

ahleung

看這宣傳的內容，直覺上這次賽事主辦的重點，只是針對跑渣馬後的不滿者，來一個安慰賽事以補不足，無可厚非渣打各頂賽事，以十公里尚有很多改善空間，但藉著每年一個慶典式的長跑盛事，實孕育不少初跑者進身至熱跑者。在於自已一個熱跑者而言，這AXA十公里賽事看來只針對某些同類型的賽事不足的，但卻沒有具體明言我們賽手一些最關切的問題，如安全性、賽事中的支援、醫療救傷的預備等等卻忽略言中。要籌備一個成功的長跑賽事，我覺得重要是重要是安全性、支援、等等外，普及性（報名費用）的重要這AXA十公里就明顯失分和失民心！

Pawda

｢AXA安盛香港街馬10公里@九龍東2014｣的活動收益扣除開支後，將全數經由「香港社會創投慈善基金會有限公司」撥捐九龍東社區的慈善機構
=== === ===
開支是否包括跟賽事無關的嘉年華？主辦單位之員工及其家屬是否免費參與有關活動？

Run2012

話自己做慈善，但慈善機構個註冊申請都未過，我點知你個機構是否最後一定申請成功？
點解唔係申請成功左先開始搞活動？
點解咁心急？
再加上價錢咁貴，令人有 D 獅子開大口的感覺

個名加「慈善」兩隻字就真的係做慈善的機構了麼？
依家香港，多少人假「慈善」之名，卻無慈善之實？
e.g. 就好似賣旗

Run2012

大力 發表於 2014-1-18 16:02
【青年跑街培訓計劃已 於2013年9月30日開始試行，為觀塘荷蘭宿舍8名學員及觀塘官立中學12位學生提供培訓】
...

得嗰小貓三四隻 …
唔該佢去下的政府運動場睇下啦！
我每次夜晚去親深水埗運動場，都係人山人海！
有心做培訓，又點止呢個數？
仲好意思羅出黎講，咪笑大人個口 ！
感覺上呢位搞手並不是一個真正愛跑步，享受跑步的跑者

Hong

喺facebook問佢哋嘢, 答嚟答去都係嗰兩句, 完全唔係答緊我問嘅嘢