渣馬有望「升呢」金標賽 需符合「三個五」的規定

bunbun

http://www.skypost.hk/newsDetail ... 1%E6%A8%99%E8%B3%BD
晴報 2014-01-17
渣馬有望「升呢」金標賽        
黛安

　　最近約班姊妹出街，個個耍手擰頭，皆因她們都報名參加下月的渣打馬拉松，放假要預留時間操練。看來黛安明年亦要報名，否則同大家無晒話題。

借祖母身份參賽 取消資格

　　昨日與渣馬籌委會主席高威林食晏，他說今年賽事好墟冚，有七萬三千人報名，爭奪30萬美元（約234萬港元）獎金。自渣打97年首辦馬拉松，今日已變成國際盛事，大人細路都渴望參加。可惜因青少年的心肺負荷未必可承受長跑，大會只容許16歲以上人士報名。高威林告訴黛安，曾有「唔夠秤」的學生借祖母的身份證報名，最終被工作人員發現，當然要取消資格。聽講98年渣馬在新機場開賽時，更有家長揹住BB參賽。「他話要同BB一齊參與，但個細路就慘囉，大人一路跑，他就一路『蹬』。」旁邊的香港業餘田徑總會主席關祺話，研究舉辦短途賽畀小朋友參加，讓全城投入渣馬狂熱。

　　他們又話今年渣馬可望獲國際田徑聯合會認證做「金標」賽事。聽講要「升呢」，需符合「三個五」的規定：即有五男五女來自五個國家的頂尖選手參賽。咪以為好易，事關好多「跑得之人」都屬肯亞及埃塞俄比亞選手，選擇不多。他們目前已找到九名合適選手，成功在望。查實去年原本亦夠數，可惜有人臨時甩底，令「金標」變「銀標」，希望今年別再重演啦！

Hennatalk

渣馬最失敗的地方，就是只講數字，可能是銀行佬攪的原故。每年我只記得它報導，參賽人數多了幾多。别忘記有時質變就可量變。有什麼地方可改善，坊間流傳已久，不贅述。我年年跑，也覺年年如是。欠新鲜感。

bunbun

文匯報 2014-01-17

渣馬獎金加碼 望奪金標資格         

香港文匯報訊（記者 郭正謙）一年一度的渣打國際馬拉松將於2月16日舉行，大會為希望將賽事升格為國際田聯的金標項目，今年特意將冠軍獎金提升至30萬美元，希望吸引更多世界級跑手參賽，以符合國際田聯的金標資格。

渣打馬拉松籌委會主席高威林昨日表示，有意將賽事的國際地位進一步提升，將賽事推廣為全民參與之餘亦希望進一步提升比賽水平：「渣打馬拉松已經是世界上參加人數最多的賽事，不過單論全馬項目而言仍然不及波士頓馬拉松等國際知名的比賽，希望在未來幾年內將參加全馬的人數提升至2萬人。」

香港田總為配合渣打已舉行不少工作坊及訓練班予全馬選手，而賽會今年亦大幅提升獎金至30萬美元，希望將渣馬升格為金標賽事。田徑總會主席關祺表示：「要獲得國際田聯認可的金標資格，必須要在男女子項目、各有5名來自5個不同國家的達標跑手參賽，由於世界上的達標選手主要由肯亞及埃塞俄比亞的跑手包攬，因此要獲得金標絕不容易，今屆賽事我們已邀得4男5女的達標選手，希望有更多世界級的跑手來港參加。」

阿聰

仲要將全馬的人數提升至2萬人?! 條賽道係咪可以負荷得黎架？

chrislam

始終都係嗰句，跑橋跑高速，氣氛頗差。

dn21

Hennatalk 發表於 2014-1-19 15:01
渣馬最失敗的地方，就是只講數字，可能是銀行佬攪的原故。每年我只記得它報導，參賽人數多了幾多。别忘記有 ...

將參加全馬的人數提升至2萬人係得嘅，賽道亦可以負荷, 但係安排要有改善。
坊間流傳已久的改善方法, 應該經常講, 年年講, 不停講, 講到佢做到為止。
銀行佬記性差, 只講數字, 不贅述佢知, 轉頭咩都唔記得。

我講先 :
1. 全馬開跑時間提早至星期六晚上六時, 半小時一批出發, 每批5000人, 共20000人, 多啲都得。
2. 起步點改為西隧九龍入口, 終點改為灣仔運動場, 避免影響內街交通及民居。
3. 全馬挑戰組時限5小時, 逾時者作未能完成論, 減少攝影、自拍、趁熱閙者阻礙賽道。
4. 未能完成者明年不准報名, 鼓勵參加者必須認真練習, 亦減少無聊者妨礙賽事。
5. . . .

請大家繼續。

Hennatalk

dn21 發表於 2014-1-28 16:28
將參加全馬的人數提升至2萬人係得嘅，賽道亦可以負荷, 但係安排要有改善。
坊間流傳已久的改善方法, 應該 ...

師兄用這種形式收集意見，頗有趣。我對渣馬，感覺是不過不失。所以也不接龍了。
不過，近年渣馬管理層，真是越來越懶。致使跑渣馬，好似拜年一樣，年年如是。
我不肯定，它的口號，「跑出信念」，同去年一樣。前年亦好似⋯

Hennatalk

dn21 發表於 2014-1-28 16:28
將參加全馬的人數提升至2萬人係得嘅，賽道亦可以負荷, 但係安排要有改善。
坊間流傳已久的改善方法, 應該 ...

不過，說也怪怪，師兄提出的幾點，跟我平時所聽的，有很大不同

dn21

HoHinHenryChan 發表於 2014-1-29 03:26
至於第4點, 我有D保留.  事關我既科大跑友佢10K跑開35-38分, 佢之前美津濃半馬做過1:19. 佢不嬲都好認真咁 ...

如果佢真係咁堅, 三年內10K跑開35-38分, 美津濃半馬又做過1:19 (唔係十幾年前後生個陣), 只係因自拍事件同人踩人事件影響, 又有醫生紙證明佢受左傷, 要中途退出比賽. 呢個係千中無一嘅超特殊案例, 一定可以特殊處理。

我講嘅係啲根本無心練馬拉松嘅人, 一心只係柴娃娃嘉年華去三橋三隧影相玩吓, 夠鐘坐車返歸, 你話係咪要停賽一年, 俾啲位有心練馬拉松嘅人報名?


=== === ===
本文地址︰https://www.longrun.hk/forum.php ... p;page=1#pid1078721
內容來源︰香港長跑網 - 長跑長友（ https://www.longrun.hk ）