將軍澳新既單車徑係咪適宜跑步

hksis8888

即由將軍澳去康城既單車徑 , 舖左綠色既物料 , 其實算唔算膠質 , 適宜跑步嗎 ? 係咪點都冇一般運動場既跑步徑咁好 , 但都好過跑石屎路 ? thanks

Hong

有行人路就最好跑返行人路，免得同人嘈，大家都守規則嘅話意外都小啲，如果俾單車撞傷嘅話就冇得跑

Pawda

真係唔明,明明有條咁好o既行人路唔跑,係都要跑單車徑,犯法又危險,仲隨時同人晏氣,為乜?

water

無謂同單車友嘈，跑返行人路啦～

bladerunner

我就喺某個星期日朝早喺呢段單車徑遇過一男一女警察，戴晒單車頭盔，踩住單車，勸籲當時喺單車徑跑步嘅人跑返上行人路，喺單車徑跑步係犯法嘅。

Andy

Pawda 發表於 2014-1-21 12:24
真係唔明,明明有條咁好o既行人路唔跑,係都要跑單車徑,犯法又危險,仲隨時同人晏氣,為乜? ...

除此之外，在車徑跑都危險啦。Ｄ單車有時都好快。被撞咪自己唔抵。單車撞你都冇得怪人！

T10

我間中都踏下單車, 試過係日出康城附近, 有位女士, 企係單車徑上, 我已經響安, 佢一直都唔郁, 偏偏我距離2呎突然過對面單車徑, 好彩我唔係快, 停得切......亦好彩後面無d奧運單車手, 否則唔係撞到我架車, 就一定撞到佢........原來佢一直戴住耳筒聽音樂......

meimei

T10 發表於 2014-1-21 13:55
我間中都踏下單車, 試過係日出康城附近, 有位女士, 企係單車徑上, 我已經響安, 佢一直都唔郁, 偏偏我距離2 ...

戴住耳筒聽音樂就更加唔好佔用單車徑

T10

meimei 發表於 2014-1-21 14:08
戴住耳筒聽音樂就更加唔好佔用單車徑

無辦法, 好多人鍾意黑衫黑褲再聽埋歌........亦試過有個女仔, 本來跑緊行人路, 突然唔跟個彎跑, 一接過對面行人路, 向我架單車直撞埋o黎.......我嗌都嗌唔切, 原來又係掛住聽歌......但我架單車係裝晒前後燈.

所以我自己跑步時, 一定跑行人路, 安全好多, 就算聽歌亦只聽一邊耳, 至少聽到其他聱音.

vlotau

又咁講，都唔記得幾多次跑行人路，有單車打横霸住，有急停，有切缐。有次我真係衝左出口，你想绑架

purejoey

vlotau 發表於 2014-1-21 18:28
又咁講，都唔記得幾多次跑行人路，有單車打横霸住，有急停，有切缐。有次我真係衝左出口，你想绑架 :shutup ...

人地點同自己遵守規則有咩關係，難道人地做錯就會減輕自己犯錯的罪孽?!

ectony

我踏緊單車時都唔想單車徑上有人跑（戴earphone 尤甚），好大壓力嫁，而且邊個話撞番一齊時車手唔會受傷

purejoey

記得以前將軍澳踩單車前面有隻狗阻住，響鈴佢都識讓路～

bankerw

都是按規定跑行人路好。