香港長跑網  - 長跑長友

 找回密碼
 註冊
搜索
查看: 1226|回復: 7

渣打光速馬拉松 「澳牛的黃昏」- 渣馬版

[複製鏈接]

升級   100%

  • TA的每日心情
    開心
    2014-4-1 05:23
  • 簽到天數: 77 天

    [LV.6]常住居民II

    發表於 2014-2-7 06:24:21 | 顯示全部樓層 |閱讀模式
    http://www.am730.com.hk/column-193209
    am730 2014-02-07

    渣打光速馬拉松        
    園丁

    潮文「澳牛的黃昏」,最近在網上瘋傳。我地係特登去澳牛畀人X的,跑渣馬的道理其實差唔多。經過渣打、田總和特區政府的多年調教,跑渣打的人大概都有鋪癮:覺得凌晨起身去跑步好威、地鐵提早開車真係好窩心、跑三隧三橋好過癮、甚至覺得要著住件特步Tee去跑才算參賽。

    如果你以為三百蚊報一個比賽,啲嘢係揸流攤,咁你就啱,超啱。渣馬的確係少數發達地區,收第三世界水平的報名費(東京過千、紐約過二千);在渣馬的天地內, 絕不容許思考和比較,唔好問點解唔似得外國咁有Expo?有PastaParty?大會提供的生蕉點解咁難食?點解要咁早起跑?點解一定要搵官員鳴槍?點解沿途唔畀人打氣?

    渣馬係唔會畀到你,要食呢啲唔該去外國。

    渣馬堅持的,喺一種視跑手為草芥的待客之道。我不單是指核突Tee好難著上身、生蕉好難食、跑得慢連蕉皮都無得食、大會職員趕人上車的臭臉……而是大會如何看待跑手不幸逝世。

    在東京馬拉松,每年賽後大會馬上在網頁上特意感恩,寫上「東京今天能聚在一起,東京馬拉松今年也能安全地完成,我們為此特意奉上感謝」。渣馬呢?2012年有跑手猝死,高威林就話:「大家知道賽道咁長,冇可能每一處都有救護人員。」這副口吻,令我深信無論發生甚麼事,都係篤定由這一班人繼續搞,唔會有其他主辦者取代,亦從來唔驚下屆無人報名。

    渣馬的長跑光速餐,真係乜都好快,特別係道路解封,如果你嗰日瞓晏少少,渣馬對於你嚟講,係等於無發生過一樣。在歐美日本,朝早10點幾只是比賽剛開始無耐;渣馬呢?

    10點幾已頒完所有獎,大半參加者已跑完返歸,連假都唔使請就可以即刻返工,一日當兩日用,驗證了狹義相對論。

    唔少跑手、非跑手、傳媒、政客、官員、甚至連梁文道都覺得,渣馬能夠代表香港。渣馬從不人云亦云,相信及堅持自己認為是對的,更自誇參加人數年年創新高的渣馬,已經超越波士頓馬拉松。

    渣馬不完美,但它有效率、價錢平,再配以差劣服務,簡直係一個絕佳嘅package。

    但你並不感到害怕、失落與空虛,年年樂此不疲鬥快報名,報唔到就如喪考妣,少兩條橋反而唔自在。因為,你知道,你係特登跑渣馬畀人X的。

    香港人就係咁犯賤,唔X唔安樂。

    升級   100%

  • TA的每日心情
    開心
    2014-9-19 09:13
  • 簽到天數: 50 天

    [LV.5]常住居民I

    發表於 2014-2-7 09:18:46 | 顯示全部樓層
    本帖最後由 nov012006 於 2014-2-7 09:19 編輯

    其實,  渣馬部份的現象, 是香港人自己一手造成的.

    大家都想在鬧市中跑步, 不想晨咁早就仆出黎.
    但部份香港人對呢D事係零容忍. 封銅鑼灣一條街半天, 嘈到要上電視.

    結果, 年年大家都好以"發放邊疆"咁跑青馬, 汀九橋, 西九龍快速公路.鬼影都唔多隻. 莫說有人同你打氣.

    你去旅行都未必咁早到青馬橋啦, 但跑渣馬年年都係七八點到青馬橋.

    但我真係唔覺跑渣馬有俾人"X"的感覺. 渣馬可能做得無其他賽事咁好.
    但肯定的是我沒有被侮辱的感覺.



    點評

    Like: 5.0
    Like: 5
      發表於 2014-2-7 12:17

    升級   21.2%

    該用戶從未簽到

    發表於 2014-2-7 17:20:45 來自手機 | 顯示全部樓層
    忍唔住真係要講...痴線架。   咁多點解,參加渣馬係為左食蕉定食pasta.   舊年玩新加坡,仲早仲黑仲無氣氛,但對我黎講,完成最重要,我係為跑馬拉松,試過京都馬拉松,跑跑下被截停都有,但唔知當地人有無咁多怨言呢?  跑步啫,輕鬆下喇。

    升級   53.2%

    該用戶從未簽到

    發表於 2014-2-7 19:02:49 | 顯示全部樓層
    其實佢咁樣踩渣馬咪就係點解d網友咁憎個乜鬼街馬囉,我都覺得好討厭。每個馬拉松都有佢特色,覺得唔啱跑咪唔跑囉。價錢平又係罪,最好10km都要三百幾。

    點評

    Like: 5.0
    好認同師兄講每隻馬都有佢特色,咪成日覺得外國果D先係好,海外好多馬都係冇乜人沿途打氣,我去過芬蘭跑馬,因為運動好普遍,響市區跑都會唔多市民打氣。我亦跑過夏天北海道馬拉松,響中午最熱先開跑,一樣好多人專  詳情 回復 發表於 2014-2-7 23:12
    Like: 5
      發表於 2014-2-7 21:26

    升級   14.05%

    該用戶從未簽到

    發表於 2014-2-7 21:25:48 | 顯示全部樓層
    香港D天氣全馬唔咁早起步
    跑4,5個鐘個D跑友其實好難捱

    升級   89%

    該用戶從未簽到

    發表於 2014-2-7 23:12:28 來自手機 | 顯示全部樓層
    water 發表於 2014-2-7 19:02
    其實佢咁樣踩渣馬咪就係點解d網友咁憎個乜鬼街馬囉,我都覺得好討厭。每個馬拉松都有佢特色,覺得唔啱跑咪 ...

    好認同師兄講每隻馬都有佢特色,咪成日覺得外國果D先係好,海外好多馬都係冇乜人沿途打氣,我去過芬蘭跑馬,因為運動好普遍,響市區跑都會唔多市民打氣。我亦跑過夏天北海道馬拉松,響中午最熱先開跑,一樣好多人專程去玩,就因為呢樣先係佢嘅特色,如果港馬照跟,咪又畀人話收買人命、莽顧安全等等指責。跑步除咗儲正能量外,最好都從欣賞角度出發囉。
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2016-12-6 18:16 , Processed in 0.158621 second(s), 26 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表