渣馬太渣

ernest

如果唔係HEA 跑, 跑到興合合, 你叫我隊杯紅酒, 幾隻生蠔落肚, 真係唔知會唔會心臟病發 !!
恕我識得人小, 我真係未見過認真跑既朋友係咁既身形 !!

大文DaiMan

pandaman 發表於 2014-2-13 10:56
每年港馬, 就會有大量文章去抨擊搞得如何不濟, 如何差劣, 件tee 如何肉酸.

坦白講, 我厭倦了, 甚至覺得討 ...

件tee 就真係肉酸左D

allmyfriend

香港起碼唔使驚恐襲, 幅射, 地震等因素

siufung

如果羅先生係近年參與過70多個馬拉松, 但仍然保持哩種身型, 真係相當唔容易

另外, 香港交通繁忙, 要遷就一下, 將賽事提早, 無可厚非.
更何況, 賽事路線已包括香港商業核心地區, 又途經汀九橋等等, 小弟認為已甚有香港特色了.
但當然, 安排上總牽涉不同單位/基構/人手, 不可能十全十美, 相信永遠都有改善空間的.

凡事都有兩面, 於針對壞處同時, 何不看其好處, 好好享受賽事呢?

nacorner90

其實各位師兄識唔識呢位羅生,  只是跑過一次渣馬有無代表性對這個賽事指指點點,  唔通佢每次跑馬都 Sub-3

tango

收工先睇到條片, 受訪者係講完成左大約70個比賽, 有全馬有半馬, 聽完佢講又唔覺有問題, 人各有志, 你可以唔同意佢既意見, 但關佢身型乜事? 又有乜好質疑人家比賽次數?
佢唔跑渣馬, 機會留俾我, 咪幾好   

Hennatalk

又一篇很“魔幻”的故事。看完整篇，都找不到多些跑步的營養。愛跑之人就愛講跑。兩個跑手碰面，總多談—下ＰＢ，哪條路跑到他死吓，死吓等……。羅先生好似講旅遊比較明顯。他是愛跑，還是去旅遊？他去的地方也很魔幻。開賽前一晩，開party，放煙花，消耗你的體力。沿途又叫你飲酒，整乾你，等你頭暈暈，易啲跌低。其實到三十八公里，剩低少少，我咁弱，都想快啲完成，做好啲時間。食生蠔、燒牛肉，唉，都倦到不知味啦，何况，呢個時侯食蛋白質，不但供應唔切能量，身體仲要分神消化。要食，對跑步有鬥心的，都揀蕉唔揀燒牛肉啦！呢個大會似乎唔將運動，放在心。究竟羅生去跑步，還是去旅遊？教人迷惘！

chrislam

唔認同，香港亦有佢特色，跑橋，上落斜坡，好有挑戰性，加上一班無私的義工不停服務同打氣，要讚的。

take-that

如果夏天攪多次,半夜兩三點最正。

wat

同意渣馬應晏少少＋路線在市區氣氛會更佳

就算橋+ tunnel 係hk特色, 都唔洗一次跑三條咁多
俾d路段其他有特色市民又reach到既咪更好

晏少少我相信大家屋企人更樂意去路邊打氣，more warm
宜家我六點幾衝線搵鬼來

leoglas

我係呢個討論區加入日子唔多，發言亦唔多，但見到呢個post，大家都好似抱著
其實 「渣打真係唔係太差」「香港要封路係咁架啦」「有得玩仲求d咩」
咁紐約 倫敦 東京又唔駛封路咩？點解人地可以全民參與，香港個個要偷雞摸狗？
大家話呢度係講跑步，唔講政治，但現實就係政治 (區議會 政府同田總既官僚主義)令到香港唔可以有更好既馬拉松，香港本身有好好既跑道，沿著維港兩岸跑。香港人時間係咪真係咁寶貴呢？連1/52既星期日都可以就一就馬拉松？要同香港市民講馬拉松既好處，除左所謂靠政府打破官僚主義(機會好細)我地身為參加既一份子，或者會唔會都可以趁機同身邊朋友同事講下，其實封路一日半日對大家既影響都係有限，可能有人覺得好傻，咁講無用既，但多一個人知道全社會參與馬拉松既重要性，先至令呢個香港馬拉松有機會作出改變。
自問海外參事經驗唔多，只係三年前去過巴塞羅那同去年大阪，以及下星期東京(希望唔會變極地狂奔)，但外地賽事，民眾既參與係跑手一大動力，真係好希望有一日香港人可以係沿路有打氣既街道上完成一個馬拉松。

ma321c

生蠔同燒牛肉.....跑緊果時點食....
而且食完生蠔D殼係唔係就咁丟......深水炸彈後再來蠔彈?
馬拉松前一晚飲酒係想點...
點解要一堆人同妳打氣
點解個個出來講野都係想要嘉年華,想要經過名勝...
馬拉松係一個嘉年華,一個要扮型的活動定係一個挑戰自己的機會
不如叫渣馬改一下今年口號等佢地簡
RUN FOR A FOOD
RUN FOR A COOL

都唔知D人為咩而跑...
我個人就覺得搞得唔錯,我跑齡唔長,但我想講佢地E D人提的野我無一樣想要
打氣聲不如我靜靜聽歌...燒牛肉不如一杯水,一條蕉...名勝不同公路來得爽

ma321c

chrislam 發表於 2014-2-15 10:13
唔認同，香港亦有佢特色，跑橋，上落斜坡，好有挑戰性，加上一班無私的義工不停服務同打氣，要讚的。 ...

班義工先至最應該讚...咁多次,咁多個水站無一個人黑臉全都好有笑容同打氣...
真係好有心

micmic2k

全文最同意呢句，"至於渣馬，跟這城市一樣，只講效率，沒有情趣。"

睇過本書叫四十二公里的風光真係覺得香港馬拉松唔夠好......

https://webcat.hkpl.gov.hk/lib/i ... 07123&theme=WEB

wlau

leoglas 發表於 2014-2-17 00:15
我係呢個討論區加入日子唔多，發言亦唔多，但見到呢個post，大家都好似抱著
其實 「渣打真係唔係太差」「香 ...

只係講, 香港人係太過現實, 太多抱怨...
我身邊有D FRIEND , 佢地係話渣馬阻住佢地返工, 阻住佢地過馬路, 阻住佢地坐巴士..
羅生話無民主..但區議會反對就係因為佢地要對佢地果區既選票負責, 當區區居民反對...咁果區D 區議員自然向風擺... 同旺角行人專用區一樣.. 人地一樣係因選而行, 而去CUT 專用區.......
全世界都有馬拉松.. 但點都會有人抱怨...上年去太魯閣跑.. 一樣有人嘈佢地取消全馬..又玩示威....而佢可以俾人打氣既位一樣唔多.. 我可以講.. 未必多過渣馬添.. 咁又點..每個比賽都有佢既特點.. 三隧三橋唔係重點.. 我反而會一路跑, 一路望下D 平時無機會慢慢望既風景, 好似貨櫃碼頭運作等.. 亦唔係其他馬拉松可以俾到...
下下隔離飯香, 永遠都唔會有滿足既一日...

hahaha11

老老實實
香港條路既路面情況唔係咁好
不過香跑橋跑隧道算係定得有特色之餘有好跑
唔通想係旺角跑?唔通比青馬維港有特色?
如果跑郊野公園,山路的話我地有毅行者,

另外早起跑遲起跑既問題,我唔係世界級,你叫我2月比個太陽曬住由十點跑到成三點都咪話唔辛苦

唔係話你外國果D 野唔爽或者係假,不過你諗清楚香港既情況先

當然我覺得全馬同半馬最後果十幾K 炒埋一碟條路又窄對我慢腳黎講真係好辛苦...

Hennatalk

micmic2k 發表於 2014-2-17 18:54
全文最同意呢句，"至於渣馬，跟這城市一樣，只講效率，沒有情趣。"

睇過本書叫四十二公里的風光真係覺得香 ...

老實說，我並不推薦這本書。幾年前，在圖書館借了，看了前幾篇，便覺得無味，後面的內容，隨便翻幾翻便算，半小時也不夠，便還書了。大概記得原因是，自覺看完，沒有得益。作者是否有真正體驗本土賽呢？印象中，沒有用太多篇幅去描述，或表達意見。這樣就處處取外地賽來比較，難使人心服。但這並不是很重要，我希望可以由他帶我去認識外地賽。可惜，坦白一點說，內容是偏重自吹自雷。看後，那條路的歷史，多不多灣，有無長命斜？得知甚少。(可能後面講得很好，不過沒心機看了！）
我較喜歡看的，是日本女繪本家高木直子的"馬拉松一年級生、馬拉松二年級生、一個人的美食跑跑跑"，作者是業餘普通跑手，但她把每次去賽跑，由報名至完成後大吃大喝的過程，都描述得生動細緻，看後都很羨慕，又加多認識。另外，最近有本叫"我在肯亞跑步的日子"，作者亞德哈羅南德.芬恩，說他在肯亞學跑，看了前幾段，好似幾有意義。

micmic2k

Hennatalk 發表於 2014-2-18 21:51
老實說，我並不推薦這本書。幾年前，在圖書館借了，看了前幾篇，便覺得無味，後面的內容，隨便翻幾翻便算 ...

多謝指教，我看書沒多深度，但只是覺得香港對馬拉松有點冷淡。

我會參考你提供的書籍的，謝謝。

kkw1845

香港人.......太多批評........太多抱怨.............唉........不同意見，都係好事嘅!世界各地的馬拉松賽事各有特色，香港渣馬也有自已的特色，當然仍有很多改善空間，要所有人都滿意談何容易，談及封一日路遷就賽事，個人愚見，以香港目前的爭抝情況，反對聲音會很大，始終仍不是全民參與，要擺平其他道路使用者，政府和田總相信都無能為力，再看看羅先生的訪問...........他只在晒命。總之人各有志，請享受自家的賽事。

wlau

四點起身原來都唔係太早..
檳城原來二點開跑....... 係唔駛訓..