《尋》傷健人士出書 分享重過新生感受

bunbun

頭條日報 2014-02-19

傷健人士出書 分享重過新生感受        

周日渣馬盛事，Kelly唔少朋友賽後都喺網上分享感受。除咗支持朋友挑戰自我嘅精神，小妹更欣賞參賽嘅傷健人士，嗰份一步一足印嘅毅力。「刀片少女」黎芷愉嘅勵志故事為人所知，原來成功背後，全賴「過來人」翟文鳳支持。

翟文鳳話，剛截肢時因為無充足嘅支援，覺得好難適應，前路茫茫，但經過不斷摸索和學習，排除萬難，終於可以踩單車、跑步，甚至係攀石。重過新生嘅佢，更想將過來人經驗教導其他人，等同路人更加快學識運用義肢。

喺社工嘅安排下，文鳳識到大學一年級遇上意外而截肢嘅芷愉，喺心理同生理上幫助佢適應新生活，成為咗佢嘅康復明燈。芷愉也不負所託，以佳績完成馬拉松，仲成為人所共知「刀片少女」。

香港傷健協會推出新書，佢哋兩個連同其他七位傷健人士嘅故事，都記錄喺《尋》一書中。Kelly透過《尋》，更了解傷健人士嘅內心世界。