心悠跑出正氣人生 8度參戰馬拉松

bunbun · 發表於 2014-2-26 06:59:55

星島日報 2014-02-26

心悠跑出正氣人生 8度參戰馬拉松
張穎芝

形象一向健康的劉心悠，私底下的生活習慣同樣健康。能持續多年參與馬拉松比賽，確實要付出無比恒心及耐力，「都係因為自己好享受跑步，但更想感染身邊友人一同做運動，希望大家活出健康人生。」心悠說。

文：張穎芝圖：朱偉彥

獲封「宅男女神」的心悠，除擁有外在美之餘，性格開朗又平易近人，入行至今，形象健康正面，獲得不少廣告客戶垂青。早前心悠就為代言品牌Lactacyd赴泰國拍攝廣告，她指新推出的Revitalize柔嫩緊致女性潔膚液，含骨膠原蛋白，令皮膚更有彈性。心悠又表示，市面上推出很多骨膠原補充飲料，為何不可用在特別部位？而Lactacyd亦相當照顧女性所需。

　　藝人作息時間常顛倒，飲食休息無定時，心悠曾試過太疲倦，沒沖涼洗頭便睡，她記得當時是拍攝《奇緣灰姑娘》的一場逃走戲分，由晚上拍到日出，睡覺時間當然沒有，拍畢眼睛已累到張不開，返家換了衫，但沒沖涼洗頭便躺着牀睡着了，心悠笑言，這是一次錯誤示範，因洗澡除了保持身體衞生，亦可讓肌膚回復緊致柔嫩。這位宅男女神偶爾失手，大家總會原諒，不過心悠自爆在其生活中亦有「求其」一面，例如在家有時會隨處擺放東西，她笑言：「亂唔緊要，最重要係做事要有系統，知道東西放在哪處便OK。」

叫家輝跑馬拉松

　　雖然工作忙碌，熱愛跑步的心悠仍會堅持運動，今個月中便剛剛完成馬拉松的10公里賽，事前跟教練認真練習，又配合清淡飲食，更有母親煲的愛心靚湯，讓她做好準備作賽。原來今年已是心悠第8次參加馬拉松，她坦言很享受跑步的樂趣，「想跑就跑，跑步已經係我生活態度，不過大家唔好為跑馬拉松同健康背道而馳，唔好因為要早起跑步而唔瞓覺，唔夠瞓會好傷身，所以比賽前我會調校時差，即是好早起身，下午有時間就瞓。」單身已久的心悠，問她會否喜歡運動型男士，與男友一齊拍拖跑步？「我已有一班喜歡跑步的朋友，身邊好友都被我感染，參加了馬拉松，之前與張家輝拍戲，我都有叫佢參加。」

JonesCheung · 發表於 2014-2-26 22:31:28

"雖然工作忙碌，熱愛跑步的心悠仍會堅持運動，今個月中便剛剛完成馬拉松的10公里賽，事前跟教練認真練習，又配合清淡飲食，更有母親煲的愛心靚湯，讓她做好準備作賽......"

第8次跑, 又有教練又乜又物, 時間都只係1:07:48

,
雖然佢每年都跑係一種堅持, 佢頭一兩年參加我都好欣賞佢. 但我覺得近年似做宣傳多D,
傳媒將佢打做成馬拉松的icon, 在電視睇過幾次訪問劉心悠跑"馬拉松"心得, 佢都無去更正

我真正欣賞係蔣志光, 連續幾年參加全馬都十分低調, 我有一年更同佢一齊起步

bunbun · 發表於 2014-2-26 07:01:20

睇完報導, 只相信Lact****應該有效,
至於跑步..... 唔知點講

paulsham · 發表於 2014-2-26 08:46:37

幾時開始跑10KM等於跑馬拉松......

leehyalbert · 發表於 2014-2-26 09:37:12

paulsham 發表於 2014-2-26 08:46
幾時開始跑10KM等於跑馬拉松......

好欣賞佢堅持左咁多年都跑, 不過同意你所講, D傳媒水平真係低, 10公里等於馬拉松, 豈不是我地好多ching & ctse每年都跑左4.2195個馬拉松

fullysettle · 發表於 2014-2-26 09:46:37

藝人都係人，無論跑長或跑短，有一份堅持都應該得到尊重與支持。

大文DaiMan · 發表於 2014-2-26 10:40:44

應該均真D叫番做"四分一馬拉松"

pierre_wo · 發表於 2014-2-26 14:06:51

越來越多藝人參與

longman · 發表於 2014-2-26 14:59:25

作為藝人, 佢算有恆心, 你睇下chi lam, 又話參加, 點知影都唔見

vichui77 · 發表於 2014-2-26 15:31:12

對全馬有執著的我來講, 見到提目“8度參戰馬拉松”
感覺好礙眼。
我覺得對已經跑了8年十公里賽的劉心悠來講, 應該好識分何謂全馬,
記者寫錯, 她應該作出糾正才對。
但如果仍未識分辨各里數的稱呼, 我好懷疑她對長跑的熱誠。
說到底, 我覺得佢及佢的經理人公司等, 只係以跑步來建立形象, 當然不須理會呢d10k定全馬細節。
以上純個人意見。

nacorner90 · 發表於 2014-2-26 16:32:31

跑咗8年, 年紀又唔係好大, 成績都沒有大突破, 個人認為同"認真練習"這個講法不太吻合

believew · 發表於 2014-2-26 17:43:38

本帖最後由 believew 於 2014-2-26 17:46 編輯

8度參加馬拉松，我以為係攝氏8度tim… 第8次… 呢度d 人好多一年都有8次以上啦
當然為健康而跑十分支持

fergusmok · 發表於 2014-2-26 23:04:24

believew 發表於 2014-2-26 17:43
8度參加馬拉松，我以為係攝氏8度tim… 第8次… 呢度d 人好多一年都有8次以上啦
當然為健康而跑十分支 ...

哈哈，係喎，咁我從十月到依家都跑咗6個馬拉松囉！
（3個四份一加3個一半。。。。。）

Pepe · 發表於 2014-2-27 09:00:45

路跑當然是越多美女參加越好啦

chris11 · 發表於 2014-3-2 18:23:01

十公里當馬拉松

hiuchung406 · 發表於 2014-3-3 11:02:37

咁好多人都參加咗過百個馬拉松啦。其實傳媒係咪都有責任攪清楚咩野叫做馬拉松呢。

		自動登錄	找回密碼
密碼			註冊

心悠跑出正氣人生 8度參戰馬拉松

點評

點評

點評

點評