有關腳底筋膜炎問題，希望各位師兄指教﹗

gary928

各位師兄好，有關傷患問題請教。

我自從2月16日跑完首個全馬後至今，懷疑患上「腳底筋膜炎」，因為每朝早落床果幾步堅係痛，渣馬後四日，諗住開始操返，跑完第二朝就腳踭痛，之後抖左四五日，又無咁痛，諗住跑GYM，跑左半個鐘，第二朝都有痛，但係無之前咁痛，諗住即係未好晒，又抖啦，抖左七日，尋晚落運動場慢跑5K，今朝又痛過，仲幾嚴重添，雖然未至於影響行路，但係成日都有痛。

現想請教各位師兄，其實依D情況要抖幾耐呢，我尋日朝起身果幾步都無乜痛架啦，以為OK，點知一練返又唔得，我明白可能人人病情唔同，但有冇師兄可以分享下依D經驗？同埋係咪除左休息就無其他治療方法呢？我見置頂果篇文章話可以食消炎藥治療，有冇效呢？咁其實係要搵醫生開定係買成藥都OK呢？

希望各位師兄多多指教，我真係好想繼續跑﹗

liu

如物理冶療西翳無効可作針炙,手法冶療,中翳等等亦有好出路

小叻

chengtszhang 發表於 2014-3-25 17:27
師兄,

請問你在九個月內有無跑, 或做其怹運動呢?

勤力D轆腳啦~ 我上年2個月8隻馬之後, 筋膜炎都有輕微復發跡象, 現努力制止中, 希望4月頭跑完馬拉松先抖!

bunbun

get well!

你呢到 google 一下: "足底筋膜炎"
https://www.google.com.hk/cse/publicurl?cx=006696325588919974156:tdtled4x6aa

好多文㗎, 如:
https://www.longrun.hk/thread-20952-1-1.html

dunkel

師兄，請看看小生的這個帖子，剛好今早編寫了一篇可以幫助你的文章，
https://www.longrun.hk/thread-22751-2-1.html

而小生之前亦是一直受到這種傷痛所困擾……
後來完全赤足改跑姿後，
在沒有停操下已強化筋骨，
完成將痛症根治沒再出現……
而且越跑越順、越跑越多……
目前已每天操個10公里也無傷無痛……
最可怕是因為與赤跑前相比減了四吋腰搞到要買過所有西褲和牛仔褲 OTZ

如果師兄真的找不到根治的方法，
大可孤注一擲試試去接受吧！
希望可以幫到你！

cx5500

小弟也因跑全馬而患上此症，最後要睇醫生，再轉介做物理治療，要九個月才復回。

dunkel

歡迎參閱文章，希望能幫到師兄……
這是可以根治的問題……

ChowChow

我都係勸樓主快啲去睇醫生, 千萬唔好拖, 同埋要俾隻腳休息, 赤足唔係人人啱.
唔好靠成藥, 真心勸你去睇醫生+休息

小弟去年兩星期內跑兩個全馬後都腳底陰陰痛, 唔算嚴重, 至少起身落床無乜嘢
但都去咗睇骨科, 放棄參加大帽之顛, 休息了約1個月左右好返, 今年跑完渣馬都無事
快啲睇骨科, 必要時做物理治療, 加埋要休息

第一個全馬就傷？是否跑姿有問題定係練習不足？長遠嚟講要解決, 希望你好快無事

gary928

ChowChow 發表於 2014-3-7 00:53
我都係勸樓主快啲去睇醫生, 千萬唔好拖, 同埋要俾隻腳休息, 赤足唔係人人啱.
唔好靠成藥, 真心勸你去睇醫生 ...

我估係體重過高啦
本身想用跑步減肥，但越跑越鐘意跑，結果出事了﹗

chengtszhang

Brother,

我己患上足底筋膜炎, 現正休腳 己4個多月 和 物理治療. 希望大家早些康復

恒恒

peteryu

恒恒,我都患上足底筋膜炎, 仲幾嚴重,
現正休腳1個多月,腳踭成日都痛影響行路,希望大家早些康復

kirin

me too ! 休息中,希望大家早些康復 !

chengtszhang

Peter 兄,

我已休腳約4個月, 現主要冰,熱敷,  

大家努力護腳.

恒恒

chengtszhang

peteryu 發表於 2014-3-19 12:54
恒恒,我都患上足底筋膜炎, 仲幾嚴重,
現正休腳1個多月,腳踭成日都痛影響行路,希望大家早些康復

Peter 兄,

我已休腳約4個月, 現主要冰,熱敷,  

大家努力護腳.
=== === ===
本文地址︰https://www.longrun.hk/thread-22785-1-1.html
內容來源︰香港長跑網 - 長跑長友（ https://www.longrun.hk ）

chengtszhang

cx5500 發表於 2014-3-6 18:50
小弟也因跑全馬而患上此症，最後要睇醫生，再轉介做物理治療，要九個月才復回。
...

師兄,

請問你在九個月內有無跑, 或做其怹運動呢?

恒恒

peteryu

恒恒兄：我已用了很多方法，消炎止痛薬，跑網上的師兄教的中薬，冰、熱敷，撒隆巴斯止痛貼及液劑，必理痛的鎮痛貼，正骨水，跌打酒，睇西醫照X光（未知結果），服他靈gel等等都一慨無用，不要是說跑，現在行街約十分鐘，腳踭就會劇痛，所以現在只能多留家中做宅男！慘

cx5500

chengtszhang 發表於 2014-3-25 17:27
師兄,

請問你在九個月內有無跑, 或做其怹運動呢?

我九個月內無跑過，只係做健行及踩單車。所以肥咗 5Kg

gary928

請問如果去GYM房做划挻機會傷腳嗎？我抖左依三個星期期間，試過起身落床只有輕微痛，就去GYM房做果部「滑雪機」（＜﹣﹣唔知係咪咁叫？），但之後就痛返少少，所以即刻停左，唔敢再做。但係又想有運動KEEP下，亦試過游水，因為唔識自由式，所以運動量唔高，五十幾至六十﹪心跳，所以想請教用划艇機可以KEEP到大約好似跑步的運動量嗎？又或者有冇其他方法可取代？謝謝﹗

cx5500

其實做乜嘢運動都可以，問題是要考慮吓，你做果樣運動會唔會令到足底筋膜重覆拉扯而受傷。醫生曾建議最好游水，因為水有承抬力，可以減底肌肉受傷機會，但游蛙式對膝頭哥唔好。

chuen3182

peteryu 發表於 2014-3-26 16:15
恒恒兄：我已用了很多方法，消炎止痛薬，跑網上的師兄教的中薬，冰、熱敷，撒隆巴斯止痛貼及液劑，必理痛的 ...

Peter兄：會否骨刺呢？要睇光片作準，多休息，保重，等你重出江湖。

小叻

gary928 發表於 2014-3-27 09:15
請問如果去GYM房做划挻機會傷腳嗎？我抖左依三個星期期間，試過起身落床只有輕微痛，就去GYM房做果部「滑雪 ...

好似踩單車會比較少用腳跟.
我大學時是划艇隊, 划艇的動作是用全身力, 作為練習體能是不錯, 但是先用腳踩起全身, 先至向後壓身, 再推手, 好難用唔到腳跟喎…
當然有時做GYM的人, 好多時姿勢都全用錯手力…