許志安十公里 1小時13分 ; 江若琳 59分

bunbun

「香港街馬大使2014」許志安, 有落場

成績如何?

qiao

原來73'完成十公里比賽叫做"冇理由咁慢",我又學到野了.

長跑比賽必需All out我都係第一次聽.

認真回一回
我絕對認同73'完成10k真係一個好慢既成績,但呢個絕對唔係人人都可以唔練就做到既成績,起碼我第一次練跑時你叫做用番呢個步速跑2k我都死比你睇.而如果一星期只係練一至兩次,每次只係慢慢跑,係唔係一定推到上呢個水平我都唔敢講.我自己10k都係呢個水準(即係我都係好慢好慢),之前既訓練都係一星期跑兩三次每次四五公里.作為業餘跑手,更冇可能話要練到乜乜水準,付出乜乜先叫尊重比賽,大家都係業餘,每日可以/願意付出既時間都唔同.

我地係應該營做一個慢跑者都受尊重既環境.

Glad222

評論別人跑步速度是快是慢、是否盡力
於事無益，於己無助。

予欲毋言

makiofai

我覺得多推廣, 同多啲人參與跑都係好事, 開始時由量變, 多人參與, 久而久之, 每個人都有要求, 變成質變, 要求主辦單位, 可以開放多點香港主要街道辦大型比賽, 希望有一天可以有日本馬拉松的水準. 至少一年有一個, 唔好繼續好似渣馬咁官僚. 自我陶醉, 以為冧人堆就係好, 係咪應該更照顧我地呢啲支持者嘅要求(呢度好多pro嘅同經驗好的跑手都有好多好多意見), 有時都好心淡, 點解賽會完全唔理我地嘅意見... 講吓講吓就愈來愈好似講香港政治咁... 無論你講咩, 政府都唔會理, 我相信民主, 如果田總管理層由民選, 可能有啲機會質變.

bladerunner

我唔明點解要彈人跑得慢或者唔盡力，即係如果有錢人話我哋月入唔過十萬係能力低或者懶，我哋會覺得佢講得啱嗎？
跑步雖然係可以令人好熱血，但唔係人人跑步都要咁熱血，吓嘩？

LegLegHim

BernieLeung 發表於 2014-3-25 02:28
其實都唔明點樣可以慢到咁離譜

30分鐘跑完,同1小時30跑完..都係跑左10KM,有咩分別?

little-fish

咁慢？又話歌手有跑步練氣？

肥鬼跑手

應該多過 1:10

believew

做明星真辛苦， 著到咁落場， 更容易比人望多眼同認得出。 又要支持贊助商， 又要不失儀態…

bunbun

明報 2014-03-24

許志安龜速完成街馬 跑步不及鄭秀文叻        

許志安昨晨以活動大使身分為「香港街馬10 公里@九龍東2014」擔任起跑禮嘉賓，並身體力行參與，披上「AHui 1」號碼布戰衣的安仔最後以1 小時13 分鐘完成賽事。安仔表示有跑步習慣，加上今次可做善事，故特別有意義。對於成績，安仔笑言以龜速跑來計算，尚算不錯，當做運動。

無意「夫妻檔」參賽

比賽期間，司儀爆曾撞見安仔有一位歌手好友陪練跑，令人聯想到是其女友鄭秀文（Sammi） ， 安仔笑笑口說：「說到好像好神秘，其實不神秘，有很多朋友都陪過我跑，蘇永康、Sammi 都有。」安仔笑言不要看蘇永康平時文質彬彬，跑步時很豪放： 「他常叫我不要說話，投入去跑。（你有很多說話跟他說？）是呀，兩個男人當然多話說。」與Sammi 跑時會否威猛一點？安仔稱不會，主要為鍛煉身體，沒分誰快誰慢，但自言比Sammi 弱一點，因他近年才開始練跑，但未有考慮與Sammi 「夫妻檔」參賽。明年再跑？安仔直言： 「不了，今年帶頭，叫蘇永康和張衛健接棒，不要整天只做掛名大使，要身體力行。」安仔最想鼓勵張衛健跑步，笑指對方現在最大的運動就是食，不想對方在下次演唱會做不到「蜈蚣彈」： 「我鼓勵過他無數次，他每次都是那句『聽日開始』。」

江若琳不擔心腳粗

江若琳亦有參與，並以59 分鐘完成賽事。她自言是「小露寶」跑法密密腳，賽前沒刻意練習，最多是跑步機跑，但近來工作忙，前一晚又睡不好，起初擔心狀態不佳，但最後能在1 小時內完成賽事感開心。她稱跑的途中遇到趣事： 「我是一路聽歌一路跑，聽到《一步一生》時，安仔剛好在我前面，我還把耳機拿給他聽。」笑指她跑得快過安仔，江若琳覺得馬拉松不是比賽，挑戰的是自己，希望下次挑戰更長公里。經常跑步可擔心腳粗？她自言由細到大都是運動健將，加上有柔軟體操底子，注重跑前拉筋，故不擔心。她說：「不過我是好易瘦亦好易肥，要不節食，要不堅持跑步，所以運動是不可缺少。」記者：陳釗

Glad222

"馬拉松不是比賽，挑戰的是自己，希望下次挑戰更長公里。"------我跑我路。

大文DaiMan

睇身形有乜理由跑o甘慢... 睇o下佢衝線果陣身邊冇人，要做到這樣要：
1. 跑得快過紀家文; 或
2. 跑得好慢; 或
3. 唔跑，淨係比賽前影左呢張「衝線」相佢 (但又驚俾班記者話造假)

做大使主要責任係擺甫士影相

BernieLeung

其實都唔明點樣可以慢到咁離譜

Glad222

各人體質不同，可能這個73分鐘已是他的PB

Ah_Wing

我估，跑咗60分鐘，跟住用咗13分鐘換衫化妝先出番嚟影相...... 睇落去果套衫hea jog 10k都會變水人......

divejy

不認同這樣的討論

saki

看來跑得慢嘅人, 係唔可以出街跑步囉......

Glad222

Ah_Wing 發表於 2014-3-25 09:23
我估，跑咗60分鐘，跟住用咗13分鐘換衫化妝先出番嚟影相...... 睇落去果套衫hea jog 10k都會變水人...... ...

他是藝人，形像始終重要。假如事實真如師兄所言，也是可以理解的。畢竟當日是他的工作天啊。我反而欣賞他肯跑畢全跑。（其實他大可以起過步就算）

Glad222

補充一句：對工作認真和對跑步認真的人，同樣值得讚賞。

chuen3182

Glad222 發表於 2014-3-25 11:11
他是藝人，形像始終重要。假如事實真如師兄所言，也是可以理解的。畢竟當日是他的工作天啊。我反而欣賞他 ...

許先生是藝人，無必要同你哋跑手做對比。(可能受主辦機構邀請才出場，否則無必要表演給你睇)

littlepenguin48

登錄/註冊後可看大圖

Etudiante

呢個街馬比賽咁多明星宣傳，
照價都可能越來越多人報名，
明星效應造就跑步效應，
不久將來，或許好似日本咁，
有職業跑手也說不定。