本帖最後由 ckycat 於 2017-8-15 22:09 編輯
170810 賽前一晚接近十時到達關山鎮,匯合三位中佬,食宵夜、加碳。(有 排空,做得好)
回民宿見到宅配送到的選手包,包括 T shirt 、號碼布及晶片。由於號碼布及晶片三天連用,因此整理好裝備才訓覺。
第一跑
170811 四點幾起身,食左7-11買既 海鹽面包,換衫出門。先到樓下便利店隊杯即磨咖啡,再步行十零分鐘,約五點到達會場。由於大會報名三連賽必須同距離,因此我們要即場報名。
五點半準時起步,初時見前有兩人,冇耐就同後面拉開距離,就保守住位置。每兩公里有水站,每次都用自備的水杯(長跑網666約跑贈品)飲少少水。
起步後轉90度跑四崎到第一折返點,取得靚靚膠手帶,回程返到起點附近,見到前面的女生,佢收慢我就快放,眼見追到兩個身位,太興奮、「中」前、右膝落地(我人生第一次跑步/比賽中PK),個女仔都來扶我,我即刻起身、少少擦傷冇流血、即走,竟拋低個女仔。
依段到下一水站最長 (3km),三次去到依個水站都好開心。
(全馬日攝)
正常七崎肚餓,今次冇,都係十崎左右食soyjoy,十五崎左右啪ANS gel。
最後四崎在山邊遠望田畿景色,心諗發達咯 落斜。落左成兩畸,到左一段沉悶既萬里長城。睇返地圖到左關山大排 。遠望前面尾燈鏡加速,但我不知仲有幾多崎,唔敢加速;之後見入公園,都保守加少少;冇幾耐到終點。
(萬里長城。攝於全馬日)
多謝朱蛇做披耍。
是日行程:台東市>鐵花村>小野柳>富岡漁港>台東森林公園>意大利菜@關山
第二跑 170812 雖然唔使再攪報名,但因為早左起跑,同樣四點幾起身,又食 海鹽面包 (穩陣吖嘛),出門前竟亦成功排空。到達會場 先取 醫護跑者 號碼布 扣响背後。由於今日要搬民宿,11點要check out 我未到終點,而中午跑完又未能check in 另一間,所以帶埋行李一陣沖涼換衫。 今次帶備相機,沿途影下相、享受賽道。 前段與半馬相同,至第十三崎右轉一條路直去 (微上下坡) 【所以這段其實是一個「半馬」】。不過真係好熱、好晒,所以全程就係去水站飲水、離開水站就邊跑邊期待見到兩崎後的下一個水站!今次全程只食左一條nuts bar 同一包gel,唔知係咪2011年 OTW 派比隊伍的... ... 途中欣賞下熱氣球(太遠影唔到)、遇到變裝村姑(三天都變裝,好似有兩天攞獎)、在公路的魚眼鏡自拍、同 130 馬的叔叔傾計、認識左個帥哥… 好好玩。 依個賽補給好好,尤其是 响38崎供應既 水果醋,我有諗過從終點返去再飲。不過可惜做功課不足,好多補給都錯過了,有見過蜂之饗宴蜂蜜水、親水軒南瓜米蛋糕、阿美族阿粨 (好似糉的)、吳媽媽天然水果冰棒(終點提供)但好多都食唔落。至於 永全花生酥、電光米飯糰及糯米釀水果雞尾酒、電光咖啡 我見都未見過。 沿途同人傾下計,認識左一位帥哥,同埋响萬里長城同個 130馬既叔叔傾計,跟住有個女仔追上來,我就走人唔傾了。 其實全程都係同兩位女既醫護跑者界黎界去:佢行我跑、佢跑我行 到拱門我好似台灣選手咁,轉身躹躬。 是日行程:換民宿、休息、電光豐年祭(剛好休息時間睇唔到野)、聖若瑟堂休息、七點到親水公園睇「熱氣球光雕秀」
第三跑 170813 如果唔係民宿女主人開車車我出親水公園,我可能棄賽了。0510出發 (亦有成功 排空),去買早餐 (因為唔記得買定)(再來保險的 海鹽面包)(因為只跑12km所以亦只食半個),仲要報名,不過用返之前的號碼布同晶片,所以好快攪掂,而且唔晒唔盛,乜都唔帶响身,只載帽和喇叭(冇墨超、冇食物)。 因為算「熟路」,所以跑起來心情暢快。不過太興奮 起跑前沒有好好拉筋,一起步已覺三頭肌比較緊。一起跑見前面有兩位女生,黃衫短髮好快帶出、黑色背心馬尾在我前面,我吊住佢。過左幾崎朱蛇話黑衫冇貨,我地就過左佢lu,心諗保守總二 好好吖。 今次過左萬里長城 知道入左公園路不多,都略加速;到望到拱門,亦聽到熱情既原住民主持姨姨話見到半馬選手,我雙臂做出大「交叉」佢竟然見到 並改口
今天披醒竟然快過第一天。
今日終於得閒行下會場,手上有$50X5 現金券,買左鹽丸 ($180)、帽 ($100) 同摺叠杯 ($100) (咦我使左咁多錢咩?),仲有跟佢學台語、接受台語挑戰,獲「米寶寶」公仔。 (1) 拱門 (2) 公園門口【黃衫:女總二。黑衫:女總四】 (3) 台語闖關 送米寶寶 (4) 終點的原住民姨姨啦啦隊 是日行程:瑞穗、北回歸線、掃叭石柱。花蓮,東大門夜市 星期一早機:花蓮-香港 最勁係同行既舊同事 (女仔),岩岩開始跑步、跑幾崎果隻,竟然完成三連跑 (12+21+12),令我大跌眼鏡。
這邊太曬,中午至三點根本不宜戶外活動;不過每天跑完 洗既衫就一晚乾晒。唯一好處。
|