如何判斷自己可完成首次馬拉松？

Glad222

1. 開始跑步有多長的時間了？

最好已經有6個月的跑齡（有1年更好），再來準備一場馬拉松。當累積了跑步經驗，身體可以承受更長距離的跑步。當然，你會說很多人一開始就練馬拉松，開始訓練不到幾個月就去比賽了，結果很多人在訓練中就受傷，這是得不償失的。


2. 可以跑多少公里？

開始馬拉松訓練之前，需要具備一星期有24-32公里的跑量，維持幾個月後，再做馬拉松訓練，身體需要適應跑步帶來的衝擊。而且要注意，跑步不能只在跑步機上訓練，也必須適應各種地形，至少1/3的時間是在戶外練跑。


3. 和醫生諮詢過了嗎？

每個人的身體狀況都不同，開始訓練前，可以拿訓練課表和他討論，醫生可以給一些好的建議。


4. 參加過任何跑步比賽嗎？

參加一場馬拉松前，最好參加過一些短程的路跑比賽，例如：5公里、10公里路跑。可以先習慣比賽的步調，調整情緒，甚至評估自己能不能負擔比賽的支出。建議跑者可以先參加半程馬拉松（21公里），再考慮自己是不是真的想參加長距離賽事。


5. 有足夠時間訓練嗎？

有些人沒有意識到馬拉松訓練是行程緊湊的，有時候會覺得像是另一份兼職工作。初學者，最好一星期運動4-5天，其中一天要包括1小時的長跑。然而考慮的因素還有工作、家庭等責任，都得考慮進訓練安排中。


6. 有把比賽當天的所有狀況都考慮進去嗎？

當你選定一場比賽，有考慮到比賽所有可能碰到的狀況，自己都能應付嗎？例如在炎熱的氣候下跑步，是很困難的挑戰。也得考慮，自己要在什麼時間、什麼地方訓練，如果想要在春季參加馬拉松，大部分的訓練，都得在冬天的寒冷天候中渡過；反之，參加早秋時節比賽的人，則有大多數時間在夏季。還有比賽地形、高度起伏等，適合跑平路的比賽，還是想選擇有山路的賽事，訓練時，都要模擬過狀況。最重要的是比賽都有時間限制，初學者可以跟前輩或教練討論，自己能不能在時限內完賽。


7. 做足功課了嗎？

看過馬拉松相關書籍嗎？詢問過馬拉松前輩了嗎？有沒有到賽場當過義工？有想過加入俱樂部或跑步團體嗎？以上種種問題，這都是訓練前需要做的功課，也能幫助你順利進化為馬拉松跑者。


8. 為什麼想跑馬拉松？

跑馬拉松也需要一個好理由，必須發自內心想參加，這樣才有堅持下去的動力，如果是被強迫或三分鐘熱度，那麼就得再另做考慮了。


來源：About.com

Glad222

樓上師兄對「跑全馬」的定義，小弟未有資格評論。
從師兄所言，反而啓發我產生第九點的想法：

無論參加全馬、半馬、10km、5Km 或其他路程，都要做好心理準備：一旦抽筋、索氣時如何應付，是時跑時走、是慢行，還是放棄比賽。當然跑手還要洞悉自己的生理狀況，充份了解自己即將抽筋、將要斷氣時的情狀，以及時補救。

wlau

ershing 發表於 2014-5-2 13:35
重新發表
個人認為完成全馬定義：中途抽筋，停下拉筋。不算！邊行邊跑，不算！應以一口氣跑到終點，沿途沒 ...

全馬, 我覺得佢既精神係意志力, 而唔係時間. 如果要以時間來決定一切, 咁五小時點解可以係一個界線? 點解唔四小時, 點解又唔係三小時呢?
幾多歲之內又要五小時? 唔通七十歲跑都要一定五小時內跑完?  失明人仕又是否要五小時內跑完?
馬拉松既起源亦唔係一個競賽 , 42.195 公里, 唔係話行就行到.. 無意志力既人, 你俾10個鐘佢, 佢都未必可以行完...

正如波士頓馬拉松, 佢係有參賽時限, 但當你係年紀較大, 佢亦會括免這個限制.. 因為堅持同意志先係馬拉松既精神...

我今年亦係五小時之後完成既人, 係去到33K 左右, 我亦已經開始半抽根, 我大可以上車走人, 但我堅持半行半跑都要完成佢, 因為當日係母親離世一週年忌辰, 我一定要完成個比賽, 將個完成牌送俾天上既佢.

如果要將馬拉松定於一個指定既時間同行為完成度先可以叫係完成既.. 我個人唔太認同..

JIMTSE

跑步的意義是在於其精神基礎上，在於挑戰自己的堅毅、意志及身體機能，任何人對其自身要求（包括:時間、距離、速度）皆不同，不能一致評論及決定、亦没有任何準則。只是，全馬的距離是世界多數比賽所公認的距離及流傳最廣的運動，以致被多數人認為挑戰自己之運動。

IamwishwwyxP

讚一個

qaz.201309

多謝分享！  

boogieli

最喜歡第8個 point ...... 為什麼想跑馬拉松？

Passion

Glad222

Point 6 很實際，跑山賽猶需做足功課。

fullysettle

講得唔錯。

ershing

首次完成全馬個人定義：是否真的一口氣跑到終點？(中途抽筋，停下來拉筋

ershing

重新發表
個人認為完成全馬定義：中途抽筋，停下拉筋。不算！邊行邊跑，不算！應以一口氣跑到終點，沿途沒有停下才算！
全馬應以5小時為限，不應以6小時為限！
5小時以後跑完，不算完成全馬。(以男子組計算)
以香港渣馬為例，西隧入口經常出現邊行帶跑情況出現！對於跑全馬來講，已經失去意義！
上述只是個人定義，如有意見，敬請發表

mingr

雖然我未參加過馬拉松，未必能講呢個話題
但我覺得未完成過馬拉松的人才需要判斷能否完成
至於停下來或是時間問題就因人而已
只要衝了線便是完成
ANYWAY，資料都值得未跑過馬拉松的我參考

rhinokan

個人反而認為試過撞牆同抽筋才算是真正經歷過全馬。小妹跑得慢, 無緣嘗試死過翻生的滋味, 即使跑完全馬都有遺憾。(利申: 5小時之外完成, 在西隧停了1次搽油)

fit_body

我個人認為參加得全馬，真係最少要參加過半馬，吸收一下長途賽經驗，要知道全馬42.195公里絕非跑天才，更要明白全馬絕非兩個半馬咁簡單，小弟係慢腳，渣馬半馬最快係2：12，今年首馬5小時完成，事後檢討前段快些時間可以更理想，但始終第一次，不敢太盡，所以俾意見大家要有充分準備。想返起衝缐一刻真係好有滿足夠感。

vcbid

我覺得最重要係準備充足, 既然想挑戰自我, 當然要做好準備, 要跑一隻馬, 半年以前開始, 每星期花3-4日做準備在所難免, 好多人會有好多藉口比自己, 事前唔好好備戰, 一星期練一日半日就去跑, 我覺得係浪費名額同埋對唔起自己

就好似考試或者交proposal, 你可以最後一刻先溫先做, 但係出黎有咩效果已經預見, 當你有充足既準備, 就算跑到抽筋, 跑6個鐘, 甚至跑唔完都問心無愧

ershing

Vcbid跑友，
無錯，我所講就係跑全馬係比一D有做足準備嘅人，我諗跑得全馬大家都知道要有準備！
功課做唔足，自然會出現唔好成繢。
我認識一些跑全馬嘅跑友，佢地年齡由50至60不等。出來完成時間由3個多小時至4個多小時不等，
有d仲係sub3時間，
所以準備係跑全馬嘅必然條件！沒有借口

wlau

ershing 發表於 2014-5-4 14:39
Vcbid跑友，
無錯，我所講就係跑全馬係比一D有做足準備嘅人，我諗跑得全馬大家都知道要有準備！
功課做唔足 ...

全馬時間同準備唔係必然.. 有準備, 唔代表一定做到相關既時間, Vcbid 師兄同樣都強調左, 有準備但出現問題, 完成唔到, 都係問心無愧這一點.. 跟師兄上面個POST 講, 有抽根唔算, 五小時之內完成唔到, 唔算, 已經唔係相同既意思..

正如師兄你所講, 有準備, 就一定可以SUB 5, 有50-60 歲既師兄, 師姐, 可以SUB 3 之內跑完, 咁是否大家包括師兄你既底線應該乽要SET 到SUB 3 , 而唔係SUB 5 呢?

你指果D 師兄, 有準備, 可以去到SUB 3 添 , 咁師兄你有準備, 是否又可以去到SUB 3 呢?
可能師兄係SUB 3人仕, 咁我無話可說, 但如果唔係既, 咁只代表, 有準備係可以好D 成積, 但唔代表一定會達到某個時間,
如果師兄係要用時間決定一切既, 師兄就真係要做個SUB 3 來令小弟信服..

用SUB 3 可能係極端, 但正正只係想帶出, 有準備, 同能力及時間, 唔係對等.. 唔應該用一個時間來否定一D 同樣有努力過既人.. 我D 超慢腳, 可以不理, 但有好多師兄師姐, 佢地努力完, 可能都仲係無SUB 5.. 但唔代表佢地無準備, 無能力及無資格去參與全馬賽事..

而且有準備既定議可以好多.. 有人每日可以有時間跑到20-30 K, 有人好似小弟我咁, 夜放工, 早返工, 每日只可以跑到7-8 K 左右.. 仲要只可以一個禮拜只可以跑到2-3 日, 其他時間放左係工作上, 咁是否小弟就唔應該或無資格去跑? 可能係師兄心中.. 我真係無乜資格去跑..

purejoey

ershing 發表於 2014-5-2 13:35
重新發表
個人認為完成全馬定義：中途抽筋，停下拉筋。不算！邊行邊跑，不算！應以一口氣跑到終點，沿途沒 ...

ershing 跑友:

太嚴厲了，停下都唔算完成全馬，係水站停低飲下水繼續跑算唔算完成呢?
我見過唔少人有停下拉筋，行一陣繼續跑都可以3個半鐘內完成，佢地都唔算完成好可憐呀~
上次我跑關島馬除飲水外無停過，尾段過左的其中兩個跑手拉完筋行一陣後竟然係離終點唔夠1k位置過番我，我要向佢地致敬~

最後，唔計飲水無間斷跑的確係型，我係自拍video睇番，自己用7分鐘/k均速維持到最後過左好幾個頭半段5-6分鐘/k尾段散晒行路的跑手，都要俾個讚自己

sam張

我都唔算係個跑手,因為每次飲水都停係一边黎飲唔想整濕對鞋.有次仲急度冲左去厕所放大.

vcbid

ershing 發表於 2014-5-4 14:39
Vcbid跑友，
無錯，我所講就係跑全馬係比一D有做足準備嘅人，我諗跑得全馬大家都知道要有準備！
功課做唔足 ...

其實大會定6個鐘既完成時間, 無論跑好行好, 法定時間內完成就無問題, 最緊要唔好報左諗住去影下相坐巴士就得

不過, 我覺得係練習時間既配速可以係5個鐘完成到比較理想, 路面太多變數, 練習做唔到一定既配速, 到正式既時候好易完成唔到, 見到有機會完成死頂, 更加有受傷既可能

其實抽筋受傷之類, 除左係準備不足, 亦都有可能因為衝時間, 今年我有位朋友就係因為想衝SUB3, 出左西隧之後抽筋半行半跑, 但係完成時間都唔洗320