許靖韻喪跑甩40磅

bunbun

http://orientaldaily.on.cc/cnt/e ... 0509/00282_060.html
東方日報        2014-05-09

許靖韻喪跑甩40磅        

近年跑步熱潮席捲全港，各類馬拉松比賽多的是，吸引到大批年輕男女投身運動，不少圈中人都成為「跑手」，包括許靖韻、湯怡和新人岑紫生（Kimberly），三人同稱拚命跑步全為收身，許靖韻更自爆曾靠跑步減走40磅肥肉，認真誇張！

許靖韻靠跑步塑造完美體態，更以師姐容祖兒為奮鬥目標。

為了Keep Fit，你可以去到幾盡？許靖韻（Angela）就用自己作了完美示範：「我以前好肥o架，最高峰時體重有140磅，絕對係肥妹一名。後來下決心減肥，朋友話跑步係最快方法，於是開始跑。」結果Angela的決心換來顯著成果：「成功減咗三、四十磅，所以到依家我都盡量每日跑。」

連續三年參加十公里馬拉松賽的湯怡表示，當初接觸這運動同樣是為Keep Fit：「因為跑步促進身陳代謝，身形都靚啲，但跑跑吓真係鍾意咗，之前有諗過跑全馬或半馬，但冇時間練跑先揀十公里。」新人Kimberly則自言性格好動：「從小就鍾意游水跑步，因為兩樣都係幫全身做運動。」

怕曬黑轉戰室內

三人雖有相同興趣，但原來各自都選擇做「孤獨跑手」，不願找朋友同行，湯怡說：「寧願自己一個跑，當然有試過搵朋友一齊跑，但因為我哋習慣跑步時聽歌，反而唔習慣多個人喺隔離，唔知講唔講嘢好！」而Angela和Kimberly更因此索性轉到健身室練跑，Angela笑稱：「以前落街跑，後來怕曬黑所以改去Gym跑。」

每日努力練跑，無非為操得一身好線條，Angela說：「我想操番Body線條出嚟，瘦得來比人感覺健康，況且夏天又到，影相都靚啲，我目標想好似祖兒咁。」湯怡則有更大理由，原因是男友洪卓立：「除咗跑步，近來開始踩單車，我同佢會一齊踩，因為佢對跑步興趣唔大，希望我陪佢踩單車後，佢會陪番我跑！」

服裝：adidas

場地：Neverland

文：曹家誠

攝：沈健程

qaz.201309

睇嚟都係Ｘ皇嘅宣傳技倆……