韓國慶州櫻花馬拉松(呻一呻激氣事)

Tabowly

一年多後都仲可以為這馬拉松而激氣, 我真的很希望可以在這裡呻一呻.

話說這馬拉松都已經是2013年4月的事. 因為大會網不接受外國人報名, 我們找到一間叫長X旅遊(XTV)可代辦報名, 他們有馬拉松團也能代報名, 於是我們選擇了請他們代報名. 以為很好很方便啦! 老實說, 出發前的確服務都還可以, 我們碰巧遇上肥仔金正恩剛上台想揚名立萬威脅炸南韓,XTV的人員都頗有耐性去回答安慰我出發前的恐懼. 可惜出發後, 便是另一回事.

因為去到當地, XTV 會為我們領取跑手包, 我們這群大約廿多個經他們報名的跑手, 要到他們跑團入住的酒店找他們拿包包. 沒問題, 正常亦應該的. 可是約好時間是下午六時, 他們七時也未出現. 有其他跑手不斷給他們打電話, 回答的就只是"就到, 嚟梗, 到架啦!"我們廿多人足足等了他們個多小時. 出現後, 一句對道歉也沒有, 便自顧自的派跑手包. 其間亦沒講解可以在那裡寄存行李, 也沒有告訴我們有什麼事可在那裡找他們, 好像整個服務就在派發跑手包後完全終止.

算,又不是第一次跑馬拉松, 不多不少也大概知道要怎樣做.

跑完啦...過了很久, 大約六七月時我曾經打過電話問收到證書未, 他們回覆未有, 收到後會通知.

等呀等....等呀等....等了又等, 又再等.....2014年的櫻花馬拉松都完成了,2013年的證書還在地球某一處漂流著.

2014年6月初, 終於都在他面書看見他們有訊息指2013和2014的證書都收到了, 我們可以上他們公司領取. XTV公司在北角, 我可趁LUNCHTIME搭叮叮過去拿.

一心以為這麼美麗的櫻花馬拉松, 證書設計也應當相當優雅, 還可能飄著櫻花香味. 拿到了便整個想像圖徹底粉碎. 那張證書, 只是一張普通薄薄的A4白紙, 黑字印上了賽事名, 日期, 和我的完成時間.

請韓國藉同事幫我寫一封韓文電郵到大會, 也試過在大會的網頁留言, 可惜都沒有回覆.
但最後, 竟讓我在偉大的google裡,search 到一個台灣跑手參加了2013的賽事, 他的證書彩色的, 更重要的是有大會印章. (不知看不看到貼圖呢?, 看到便看得出那個天壤之別.

登錄/註冊後可看大圖

ChowChow

哈哈, 以後都係自己攪喇, 報日本嗰啲咪得, 出名嗰幾個勁易去EXPO / 起點
如果要人餵埋你食做伸手牌, 連幾點跑同個起點點去都懶得GOOGLE嗰類人, 除非個攪手係你老豆, 否則就索性報人哋個團喇, 有領隊導遊有埋車, 可能跑鞋唔帶都得, 大叫一聲就有人送到, 代辨報名想人哋點？
我成日以為玩長跑玩山啲人都有耐性啲同會比較識體諒人, 因為啲急功近利, 成日諗住有著數啲人少玩呢類要付出的運動, 原來都係一樣米養百樣人

prairie

我今年有跟長X去櫻花馬拉松，全程真心說頗滿意，尤其比賽朝早可吃buffet，比起美X要在自己房間吃冷餐盒好好多，賽前又可攞區旗影相，又一早book了兩個頭位booth放行李，有專人看守，完全冇後顧之憂，可能他們經歷了你們上年的經驗，令年改善了。

By the way, 佢地都有講上年D cert要成年先攞到，不過早前已收到通知，2014的Cert可攞了，我攞咗再update你將cert係咪白紙。

speedpurple0

我只能說，代報名真的只是代報名
跟進是自己向大會跟進
同埋你都知人地跟團好多時候行程都失預算
其實有代報名同埋幫你拎埋選手包已經好好了
我跑過台灣日本韓國都試過旅行社代報名
但係要自己上賽會度拎

Tom

小姐，你俾幾多錢，人地公司幫你報埋名，又同你取選手包，還同你取証書，你又証明唔到張証書不是大會發出，是否有點過份，唉.........

IrisLai

哈哈... 估唔到在此找到同路人, 等我和朋友取回遲來的證書時, 我們仲以為大會那麼沒誠意, 證書只是一張白紙列印黑字時間, 什麼都沒有. 原來箇另有中原因, 真的錯怪了大會了.

老實說 : 我這次是第一次經X鴻報名, 我想應該亦是最後一次

wlau

其實張有大會印既 CERT 係大會定網上影印?
會唔會有網上CERT , 佢俾你既, 可能只係完賽證明..

odinmusashi

張白紙証書擺明係流嘢啦，連字都串錯:
1) "April 13, 2013 GyeonJu, Korea"
2) "The 22rd........."

好明顯有人做完一堆 "23rd" 跟手做 "22rd"。
又無大會印，假到爆。

不過假証書改唔到完馬嘅事實，Like 你。

wlau

因為我係之前都係台灣網見過好似一張白紙既CERT , 果張無記錯就係你這個比賽, 我會試下搵下睇下搵唔搵得番.. ..

Rhys

印都無又真係離譜ｄ，就算上網印都會有印吧

Rhys

即係好似濟洲馬咁，上網印都會有印架嘛


http://www.jejumarathon.com/03_rec/sub31.asp
依隻馬得二佰幾人跑全馬都無白紙一張架....

Rhys

噢，我睇左你facebook留言，原來佢地今年先request人地發番2013年的證書，咁依一年佢地做咩呀，比我都嬲

wlau

http://www.cherrymarathon.com/record/index.php
試下搵唔搵到CERT PRINT 出來..
唔識韓文, 只係搵到咁多..

lickkee

Tom 發表於 2014-6-26 15:49
小姐，你俾幾多錢，人地公司幫你報埋名，又同你取選手包，還同你取証書，你又証明唔到張証書不是大會發出， ...

CHING 你是否有點過份，唉........
正常大會舉辦賽事，証書要有大會印象係好正常哦！

Tabowly

wlau 發表於 2014-6-26 17:22
http://www.cherrymarathon.com/record/index.php
試下搵唔搵到CERT PRINT 出來..
唔識韓文, 只係搵到咁多 ...

我試過google translate幾乎成個網頁, 似乎都無得網上印. 但有啲係button的字copy唔到, 就translate唔到了.謝謝你幫我搵呀.你比收了我們錢的公司更好！

Tabowly

odinmusashi 發表於 2014-6-26 16:49
張白紙証書擺明係流嘢啦，連字都串錯:
1) "April 13, 2013 GyeonJu, Korea"
2) "The 22rd........."

你好細心，我見到張嘢便反晒眼無心機睇落去兼放埋一邊，咁既錯都好証明到不是大會出的吧！

queenielty

幸好有網友願意分享受到不公平對待的事件, 讓我要多提提日後外出參加賽事的跑手不要輕易倚賴代報旅行社的跟進~
有時誤會在所難免. 經一事, 長一智!!
加油~~~ !!!

Tabowly

prairie 發表於 2014-6-27 13:03
我今年有跟長X去櫻花馬拉松，全程真心說頗滿意，尤其比賽朝早可吃buffet，比起美X要在自己房間吃冷餐盒好好 ...

其實, 我都相信他們對跟團的團友服務是很週到的, 因為你們跟團嘛, 他們可以從中賺到的錢一定比我們只報名的人多.  但點都好, 我覺得, 一間公司提供得呢個服務幫客代報名, 便無理由啲嘢做一半唔做一半. 一係就報名時同我哋講只負責什麼, 有什麼我哋要自己負責. 無理由最後他們自己漏做了, 先來推給我們叫我們自己同大會講, 亦由始到終都係一句道歉都沒有.
我相信你會攞到原裝正版的cert.
因為上年跟他們團的人, 很不幸地, 都是因為他們沒做好要做的事, 今年才一次過攞2013, 2014年的cert, 所以上年的團友跟我們只報名的一樣是白紙cert.

Tabowly

queenielty 發表於 2014-6-27 12:50
幸好有網友願意分享受到不公平對待的事件, 讓我要多提提日後外出參加賽事的跑手不要輕易倚賴代報旅行社的跟 ...

係, 真係經一事長一智, 最好都係跑啲可以自己報名既賽事, 又或者起碼大會網頁有足我睇得明既語言既版面.
唉....我第一個全馬既紀念証書, 就咁就變成一張.....

wlau

Tabowly 發表於 2014-6-27 13:43
係, 真係經一事長一智, 最好都係跑啲可以自己報名既賽事, 又或者起碼大會網頁有足我睇得明既語言既版面.
...

最慘係無得PRINT
我台灣雖然都無實體CERT, 都叫做有得PRINT.

kai54

我和朋友同是參加該團的, 都是人生第一次到外地跑馬, _TV的服務同行程安排都是很專業. 至於遲了一年才取回證書的確是.....美中不足, 不過, 回想那人生第一次外遊兼跑步過程又確實是很開心和興奮.