英皇三少花 鍾舒漫 許靖韻 岑紫生 跑步健美

bunbun

新報 2014-09-01

英皇三少花 鍾舒漫 許靖韻 岑紫生 跑步健美        

　　但凡是女人都會以Keep弗為終身職業，英皇三小花鍾舒漫（Sherman）、許靖韻（Angela）及岑紫生（Kimberly）作為藝人靠外表搵食就更加不會例外，三小花坦言都會利用私人時間來做不同類型的運動，除練得一副好身材又對健康好，消脂之餘更加可以減壓，舒緩情緒上困擾﹗

談到最喜歡的運動，Sherman不加思索便說：「跑馬拉松！我細個讀書已經係田徑隊成員，仲做過隊長，好希望可以跑贏啲男同學，但一直我都只係對短跑有興趣冇試長跑。後嚟開始跑馬拉松，係因為有一段時間要減肥，我以為唔食嘢減就得，磅數係減咗，但逐漸發覺自己身體因為咁而差晒，於是我就開始跑長跑，減到肥身體亦健康咗!」之後Sherman開始跑上癮，更欲罷不能，閒時一有時間便去跑，可謂「唔跑就身痕」!

長跑可諗通好多嘢

問到與吳浩康拍拖後可有拍拖浪漫跑步，她則自嘲說：「有跑過幾次，但男子始終跑得比女仔快，我見佢好似要就住我跑咁，唔係幾暢快，所以多數我都係一個人自己去跑，通常連續跑一個鐘左右。有時遇着壓力大心情唔好，我都會跑步，因為跑步嘅時候係自己面對自己嘅時間，出一身汗之外，仲可以令你諗通好多嘢，亦從中令我學會到堅持嘅信念。」

許靖韻喪跑8公里

至於仍在求學又要兼顧幕前工作的Angela，就表示遇到壓力時會跑步減壓，試過出盡全力喪跑8公里才停下：「唔開心嘅時候，我會出盡力咁去跑，平時我冇玩長跑，但心情唔好試過跑到8公里，跑完發洩完個人真係鬆番好多！」而除跑步外，Angela表示閒時亦愛行山，近日放暑假有時間，更經常相約媽咪行山享家庭樂：「我同媽咪去過南丫島、貝澳行山，空氣好風景靚，一路行又可以一路傾吓偈。」

岑紫生愛高溫瑜伽

閒時亦有跑步的Kimberly，則謂近期愛上玩高溫瑜伽，貪其靜態但又能夠出一身汗，更可以有保養子宮的效用：「原來做某啲瑜伽動作，係可以達到子宮保養嘅功效，幫助活化子宮，等你望落去『氣色』會愈嚟愈好。」

採：吳愛　攝：Samuel

齋老味

講跑步既女藝人
一定要提鄭秀文同劉心悠.......