TCS Amsterdam Marathon 2014.10.19

minmin

http://www.tcsamsterdammarathon.nl/en/
有無人報咗?交流一吓!!!小妹第一次去歐洲跑好緊張!!

brompton

初到無耐，因濕度頗低，會感覺週身痕，好似有野咬咁。沖完涼要用護膚品。可以係德國買護膚和美顏品。又平又正。好似現在係香港賣廣告的德國入口洗頭水，係德國賣一半價錢。同行的人，到左專賣美顏的超市，成幢幾層。就大量入貨，買左成箱美顏用品，返香港。一味話，好抵，好抵。

跑馬時，要注意多飲水。因濕度低，身體無汗出，唔好以為唔洗補充水。其實唔係，就算覺無需要，要到水站個口濕濕水。如常用口呼吸，喉嚨會出現妳講的問題，如慣常跑馬時，用鼻呼吸，情況會好點。

brompton

祇要鑼住一部三防的手機，載上GPS地圖，離線GPS單車/汽車導航功能，離線歐洲旅遊指南，離線民宿資料，交通資料。一張銀聯提款card，歐遊就無問題。加上唔咸唔淡普通話，英語加手語。

還有帶備自拍神棍，藍牙自拍神器。:-)

kf

報左

wowodog

I ran the 2012 edition, the route was flat and the atmosphere was great.  You get people cheering you up at least 60% of the time.  The temperature was around 8 to 10 degree which was a bit cold while I was waiting at the starting line but it gets very comfortable as the race goes on.

Free 30mins foot massage is provided at the expo after the marathon.

minmin

8 to 10 degree perfect for running

wowodog

Hi, on race day I suggest you to take the metro instead of the tram or the bus because some roads will be closed during the race.  

Take the metro with thousands other runners are safest

dudulung

Will try it next year

minmin

wowodog 發表於 2014-9-19 16:12
Hi, on race day I suggest you to take the metro instead of the tram or the bus because some roads wi ...

oh thank you!

brompton

已報，一個全馬，一個半馬。已book市內民宿，離起步點祇是幾個電車站。帶埋單車上飛機，去阿姆斯特丹踏單車旅遊，觀光，當市內交通工具。係荷蘭踏單車，代步，平過坐公交。飛機運單車去阿姆斯特丹，運費全免。跑完，租車(載埋單車)渣去玩瑞士、法國，比利士踏單車。

瑞士已book民宿，唔貴。其它的地方，就渣車渣到邊，就就地找民宿。

brompton

今次，已第二次跑歐洲，上年跑柏林。模式一樣。又係帶單車上飛機，去到德國就以單車代步、觀光、旅遊。上年，都係跑完租車，載埋單車去遊德國，捷克，奧地利。又係全程民宿，唔貴。一晚民宿包早餐，約$180-$300港紙一晚。食，又唔貴。平過香港，出街食或自已係民宿煮。買超級市場野，自已煮，食物CitySuper質素，1/5價錢。入到超市，平到笑，任買開心到唔洗計錢。

玩左二十三日，連報柏馬報名費，租車，油錢，食住，來回機票。洗左二萬一，一個人。平到笑:-)。又好玩。

brompton

今次，係阿姆斯特丹租車，租十五日，混燃日本Toyota，$4200已連稅。唔貴。上次，係德國租左架Benz C200 Station Wagon，都係$10,000，租二十三日。歐洲渣車，正！踏單車，重正好玩。去歐洲玩，最好有架單車，四處去。又有完善的單車設施和單車徑。係德國，奧地利旅遊點或國家公園內踏，好似係大花園內踏咁。

brompton

用單車係歐洲城市內，好過渣車。因為，市區渣車貴，又多路牌，一不小心，就會落入抄牌陷阱。有車，租民宿可遠離市中心，然後用單車代步，踏去市內境點，非常方便。係歐洲，坐公交唔平，踏單車代步，慳回唔少。而且，可以出入皇宮，教堂，境區。好過，下下用腳行。

因為，境區頗大。一個皇宮可以行瓜你。半個柏林，紐輪堡，咁大，點行？而且，境點又分散。踏單車，祇要跟著個GPS地圖內的POI，就有導航單車去各境點，方便。

brompton

上次去柏林，去市內舊機場鑼號碼布，塞車塞到無輪。因為，個個都渣車去鑼號碼皮。我渣車，塞左成個鐘先找到迫位，去鑼號碼布。今次，阿姆斯特丹，咪搞，踏架單車去鑼，算數。

brompton

去歐洲跑馬拉松，自由行，good fit。交通方便，唔洗識講當地話。一般走動，旅遊區，普通話加上英文，用埋手勢，就一般都無問題。去到Tourist Information，有埋繁簡體旅遊介紹。唔會唔知邊度有野玩。

住民宿，多如天上的繁星，一打開個GPS，民宿處處。一路渣車，一路格價，還可以睇埋民宿的環境，慢慢決定都唔遲。歐洲經濟唔好，淡季，星期日至四，處處有空房。星期五、六，就要預先book或，渣車去離d找，都會有。

brompton

歐洲跑，個心肺功能好過係香港。上次跑柏林，濕度係1%。我以為自已聽錯，睇錯。但真係1%，唔係眼花。藍天白雲，氣壓高，空氣包含氧量高，心肺好，做PB就無咁辛苦。當然，都要視乎其它因素。

brompton

上年跑柏林，住左間遠離起步點的民宿。因遲左book民宿，要住很比較遠。初時，還擔心一早坐公巴的問題。原來，擔心係多餘。我住個間民宿，大部份宿友，都係當地人住，預備去跑馬拉松。個朝，民宿還特地煮早早早餐給去馬拉松的宿友食，然後我就跟著大隊去。

真方便。一上公交，全架車，都係馬拉松跑手。

brompton

跑完，走左去河邊旅遊區食德國咸豬手，慶祝一番。$120港紙，大大隻。已經覺得平。係正旅遊區中心，河邊睇住靚境。一個人，就真係食唔晒。跟住，後黎有一日，渣車去到唔知乜鎮玩，有間大大的Shopping Mall，係food court食德國咸豬手，祇要$60港紙，一樣咁大舊咁好食。

德國野，平到，訓訓下覺都笑醒。後黎去左捷克玩，比德國還平！一個意粉晚餐，包任食Salad Bar,餐湯。好高檔情調的餐館，都係$50港紙，平到唔信。

brompton

去到奧地利，d野比德國貴，但都係約$100港紙一個晚餐，又係食到飽。住係Salsbury，旅遊區，都係$350-$500一晚。但其它的旅遊區，就平番d，如Fussen，去玩新舊天鵝堡，一晚都係$350，連免費泊車。去到Monsee區內的十幾個湖區，民宿都唔貴。

brompton

去過歐洲跑/玩，覺得返大陸跑，好貴，有點唔值。空氣，食物，唔得。但，都會繼續返大陸跑，因為始終都係方便，三幾日，就OK。唔洗下下長假。

minmin

brompton 發表於 2014-9-25 23:11
歐 洲 跑 ， 個心 肺 功 能 好 過 係香 港 。上 次 跑 柏 林 ， 濕 度 係1%。 我 以 為自 已 聽 錯 ， 睇 錯 。 但 真 係1% ， 唔 係 眼 花 。 藍天 白 ...

1%喉龍唔乾咩?