TCS Amsterdam Marathon 2014.10.19

minmin

跑到30k係咁比半馬撞,個個都6呎幾7呎高,勁嬲,跑到見到風車但係無人影相,可能我跑得慢,15-25K 無人,得牛同一望無際嘅草地,幾悶吓!

brompton

下！你跑到半馬起步，都未跑完！？半馬係下午1:45才開跑禍。

二十天，荷蘭，瑞士，法國馬拉松之旅，完美結束。二十天，$22,000(包機票，租車)。

brompton

荷蘭停留左四晚，踩左三日單車。星期六，踩左去風車村。去風車村條單車徑，勁靚。其餘兩日，踩係市內遊，走左去荷蘭平民市場，買左d單車二手野，勁抵！(我懷疑係贓物)，一個Brooks真皮絕版軟牛皮單車座，係香港應要二千多。我祇用$200 HKD就買到。

brompton

玩左三個國家，最平係法國。一人一晚住宿約$220-$280 HKD(包早餐)，平均兩餐食約$150-$200一日。一個法國餐，有三道菜，都係$159 HKD，四道菜，$249 HKD。食左幾餐，正到無輪。法國紅酒，平過可樂。我地買左幾支飲，大約$30-$50 HKD一支。我地唔係飲家，已經覺得好好飲。

brompton

瑞士，比法國貴約1/3。住宿包早餐，約$360-$420一晚，食都係$150-$200兩餐，都算OK。今年瑞士唔冷，我地係少女峰山區，行山，地上有雪，氣溫都過十度。瑞士玩左六晚。Reinfall, Constanz, Interlaken, Montreux, Geneva。

Montreux，湖邊小鎮，靚絕。我去到沿湖踩單車，剛考是Lausanne馬拉松，真想再跑多一馬。

speedpurple0

brompton 發表於 2014-11-5 16:15
荷 蘭 停 留左 四 晚 ， 踩 左 三日 單車 。 星 期 六 ， 踩左去 風 車 村 。 去風 車 村 條 單車 徑 ， 勁 靚。 其 餘 兩日 ， 踩 係 市 內 遊 ， 走 ...

你當日係咪大概5點離開風車村，坐火車走？

brompton

法國，停左五晚。停左Annecy, Grenoble, Gannat, Cancale, Caen。Annecy，湖邊小鎮，靚，踩左大半日單車。Cancale/St Malo，海邊小鎮，食法國海鮮餐，正！一般海鮮餐，有大大隻蠔，四道菜，都係$290 HKD落樓，抵到爛。好食。

Cancale/St Malo，去睇Le Mount Saint Michael。唔係咁靚。名氣大，現場睇無乜特別。

brompton

Caen，去睇紀念二戰D Day登陸紀念館，和去左Normandy的登陸海灘，見證當年盟軍登陸諾曼第的情境。睇左個360度，現場一樣的登陸片段電影院。

brompton

德國，停留左一晚，係Heidelburg。觀光都幾好行，係市內古物區，沿河踩單車。住宿都係$300 HKD包早餐。

brompton

比利士，回程時，停留一晚，係Antwerpen。市中心區，有古物睇。一個已沒落的海港城市，普經繁華。推想，好像是香港的未來。

brompton

這些停留的城市，睇黎無乜香港人/香港團會去。全程，祇是瑞士的Interlaken，遇到幾個香港來的旅客。其餘的地方，都沒遇到。

最深刻係Annecy, Montrex，St Malos/Cancale。正！法國，食住都平。可能，以同質素計，平過返大陸玩。

brompton

我book左架BMW 3 Touring，係阿姆斯特丹火車站鑼車，去到租車公司，升級左部Volve S70 Touring，大大部。四部摺車，剛好放得落。一額汗。如果是BMW 3 Touring，可能要唸唸計，才放得落。

brompton

全程渣左3500公里，繞左個大灣。係Annecy，同法國的旅客吹水，佢建議我地去玩Alps區，風景靚。無問題，我地其實無預訂行程。去到邊玩到邊，住到邊，又唔會預先book d住宿。渣左入Alps區，風景靚絕，但非常危險。因為，山區係秋冬天，已陸續封山，地上有雪。我渣架Volve上山，週不時都要行過雪地。危險。因，一面是萬丈深淵，沒有圍欄，單線雙程。

brompton

全程，祇是係Amsterdam和瑞士Interlaken預訂左四晚住宿，其餘全是walk-in。因為，去到，才唸行程，所以無book。最驚險的一晚，是係Alps山區，係雪地路渣車驚嚇完半天，本唸住再深入Alps找住宿。但因天已黑，路上又有雪，因為安全問題，就轉出Alps區，才找住宿。

去到一小鎮，已九時多。見到HOTEL的招牌，但因淡季和太夜，主持人都走了，住宿泡湯。係小鎮內轉呀轉，係山邊見到有住宿。沒有主持人，全間酒店，烏燈黑火。我地四處摸，發現後門和有兩間房沒有上鎖，就膽粗粗，入去訓左晚。

brompton

第二朝，主持人返黎開鋪，我地才解釋和比錢。超抵！$150 HKD一人一晚。

brompton

回程係比利士Antwerpen，又係相似經歷。係Normandy玩到天黑，才斯斯然渣車入比利士。入到市，已經八時多，住宿大多已關門。好不容易，才找到合適的住宿。

當然，如果是星級酒店，不愁沒有住宿，因有24小時 check-in。我地住係民宿和B&B，會早點關門。

brompton

係比利士，住左一晚，$280 一人一晚，包豐富早餐，都算係咁。係旅遊區食左個late dinner，每人$90 HKD。

brompton

講番，Amsterdam TCS Marathon，跑得過，係可PB賽道。不過住宿，貴了一點，比柏林的民宿貴。但柏林，唔夠Amsterdam咁好跑。

Amsterdam，自由行，絕無問題。難度幾乎係零，係網上預定B&B宿，就得。落機場，坐大巴/火車，$40 HKD直達市中心，就咁行十多分鐘，就到B&B住宿。係火車站，全是旅遊區，連公巴都唔洗坐。

比賽當日，大把人一齊係火車站坐地鐵去Olympic Stadium，跟住人衫尾，白痴唔識字都可以好順利去到起步點。

brompton

治安全無問題。我地晚上十時，十一時，還在行紅燈區，越夜越旺。好似香港的銅鑼灣，旺角。旺到似香港的購物區。

brompton

如果齋跑Amsterdam，假期唔多，六、七天，洗費都係有限錢。我係民宿，國外跑手好friendly，有俄國，法國，德國，英國…，我跑跑下/跑完，有老外同我打招呼，原來是民宿的宿友。我係東方人，易認，佢地係老外，我好難認得佢地個樣。