陳嘉桓Rose 備戰十公里比賽

bunbun

太陽報 2014-11-11

城中鏡：陳嘉桓備戰馬拉松10K賽        

除咗跟隨師傅冼國林學武學之外，擁有運動底子嘅藝人Rose陳嘉桓將於明年一月首次參加馬拉松十公里比賽，最近開始接受唔同嘅體能訓練來應戰，仲話好有信心喺一小時內跑完10K，佢話：「我本身都有跑步嘅習慣，不過喺上呢啲訓練堂之後，先發現自己之前連熱身拉筋都做錯晒，難怪跑極都咁慢同跑到腳痛。」佢又透露自己好鍾情一個運動品牌，又話跑步嘅服飾裝備絕唔可以馬虎，皆因會直接影響表現，佢又話：「一定要揀專門做運動嘅背心同風褸，因為啲褸真係會幫你計埋風速o架！」

身材fit爆嘅Rose仲好雀躍咁話訓練令佢有意外收穫，真係一舉兩得，佢話：「其實自己一直都想練人魚線或者馬甲線，依家反而喺訓練入面畀我練到，下年可以Show吓啦！」另外，單身嘅佢揚言唔急於拍拖：「緣分恨唔得咁多，擇偶條件就係笑容好好會吸引到我，因為我個人好樂天同鍾意笑，應該陽光男孩會啱我多啲。」

bunbun

頭條日報 2014-11-14

陳嘉桓學跑步有意外收穫 高咗上圍大咗        

22歲的陳嘉桓（Rose）為挑戰自己，明年首次參加馬拉松的10公里（10K）賽事，最近Rose接受一個running training course，由跑步前熱身開始學起，然後接受初、中及高級訓練課程，當練到高難度動作真係搞到Rose透晒大氣。幸而多做運動獲意外收穫，她自爆：「因為郁動到全身肌肉，唔單只高咗，仲擴埋胸，家胸圍有34吋，要着中碼運動Tube Top先得喇！」 採訪：方騫平攝影：李權威

場地：Leap＠九龍灣宏遠街1號低層地下服裝：Adidas x running topicRose

除忙於宣傳新片《販賣‧愛》外，更努力做運動，希望練出馬甲線同時練好正確的跑步姿勢。「雖然我有做開空中瑜伽運動，又有功夫底子，不過跑步同打功夫好唔同，running training係要針對增強每一組嘅肌肉同埋增加心肺力量，當練到高級班，如側腹動作訓練，主力鍛練下肢力量時都咪話唔辛苦。如果練出馬甲線就仲正，咁就可以乘機着吓露腰衫喇！（衣着更加性感？）平日出席電影活動都會適當地性感，都係睇場合去性感啦，哈哈，因為多做運動成日拉筋，搞到家陣再度發育呀，家我嘅身高已經去到1米76，圈中拍住高妹梁詠琪，身邊嘅朋友取笑我係巨人，所以影自拍相唔使用Apps拉長對腳可以原圖Post相。除咗身高，上圍都擴大至34C，要着中碼運動Tube Top。」

冇睇TVB劇

對於馬德鐘主演的TVB劇《飛虎2》逢周日晚出街，Rose直言冇捧場，亦唔會去睇：「啱啱先喺韓國拍完嘢返嚟，完全無時間追劇（但個劇播到明年一月喎？）咁有時間先睇啦，但我好少留喺屋企食飯睇電視，而且我冇乜留意佢嘅嘢！」