其實渣馬可否考慮跑晚間？

mander.lala

早上下午都可能好曬，又影響市民生活，但晚上七時左右舉行呢？我相信跑到清晨一點都大把人有精神過五六點去跑？！當然，政府配唔配合另計，只係拎個時間建議一下。

believew

如果渣馬同賽道比較難, 朝早跑, 半夜開始封路. 即是7pm跑, 要人最遲 1-2pm封路.
其他賽道10-20k 都可以, 因為好多人呢個時間跑開. (當然亦有好多人朝早跑, 數據問題要計計先知)
但全馬的話, 要養足精神, 即是要人瞓到3-4pm.
不過夜跑的確幾好玩. 希望多D半馬全馬係好D

dn21

如果安排妥善, 準備充足, 開賽前两小時封路已經足夠。
全馬最理想係星期六晚六時西九起步, 終點金鐘政府總部。
星期六深夜嘅中上環絕少車, 影響交通最少。
夜啲氣温低幾度, 越跑越舒服。咁嘅安排完全符合一般放工練跑嘅香港人。
地鐵求其遲一個鐘頭收車, 絕大部份人都可以方便返歸。
星期日係休息日, 少幾萬人出街, 唔使咁逼, 唔會霸住車路跑, 阻住晒, 大家開心。
呢啲先至係winwin。

可惜, 啲唔做無錯嘅官係唔會有咁高水準嘅作為。

stwilson

應該打氣的人也會比較多，畢竟在香港大家夜生活比較豐富。

不過晚上怕燈光不足夠，容易產生意外

ckycat

專家倡延遲兩小時開賽
http://hk.apple.nextmedia.com/news/art/20150126/19016728
<quote>
不少參賽者恐在睡眠不足情況下勉強作賽，並不理想。
他希望渣馬賽會能考慮把起跑時間延後兩小時
</quote>
若全馬二組順延至 0910 到 1510，
好多人要响中午過後仲跑緊，熱屎人~~

water

真係有好有唔好，順得哥情失嫂意。不過如果唔理我呢d慢腳其實遲d起步會好d既，而家肯雅選手衝線d人都未起身…

深圳港農

夜晚跑，光線不足，睇唔清楚路況、望唔遠，在人多的情況下有危險，易生意外。

dn21

深圳港農 發表於 2015-1-27 15:29
夜晚跑，光線不足，睇唔清楚路況、望唔遠，在人多的情況下有危險，易生意外。
...

就算日光日白, 都係望前面幾步, 再前面已經有人擋住, 無可能望遠。
除咗夜盲, 弱視, 怕黑, 心虛, 驚鬼, 否則晚間作賽完全無危險。

dn21

water 發表於 2015-1-27 14:28
真係有好有唔好，順得哥情失嫂意。不過如果唔理我呢d慢腳其實遲d起步會好d既，而家肯雅選手衝線d人都未起身 ...

夜晚作賽, 優點多過缺點。

water

唔同意，你睇下星加坡同大馬d夜賽d人既評語先。冇氣氛…悶… 我朋友跑過既comment 係愈跑愈眼瞓…
然後嗰d反渣馬民眾又話迫d跑手夜晚跑。
另外，主辦單位一直都想金label，唔知轉夜晚合唔合資格喇。
香港人夜生活多所以多人支持？咁nike 都搞過幾個night run 你見除左跑既有邊個支持？

dn21

星加坡同大馬夜生活少, 香港人完全唔同, 鐘意夜生活, 夜晚練跑嘅人絕對多過日頭。
香港人夜晚體能耐力好過日頭全世界都知, 你睇前嗰排各佔領區啲人日頭瞓晒覺, 夜晚幾活躍。
反渣馬民眾最想D跑手夜晚跑, 日頭唔使封路唔阻車, 一天光晒, 必定讚成。
所以夜晚作賽優點遠遠多過缺點。

wingotse

如果夜晚跑，要調節休息時間到中午和下午，晚上才有精神體力比賽

miller

dn21 發表於 2015-1-26 15:27
如果安排妥善, 準備充足, 開賽前两小時封路已經足夠。
全馬最理想係星期六晚六時西九起步, 終點金鐘政府總 ...

你好，我想問下點樣可以兩小時內將二千人同物資運上賽道、SET十幾個水站補給站、放好晒所有里數牌、仲要俾時間量度員度好條路？

就當你話兩個鐘OK搞掂晒D野，你話6點西九起步，即係4點封，我真係唔知星期六下晝4點邊度少車可以封到路，如果你想响鬧市跑，就算高速公路，有邊條係少車？要記得封路唔係就咁隊架車出去欄住條路就得，要由水龍頭開始封架

dn21

miller 發表於 2015-1-27 17:51
你好，我想問下點樣可以兩小時內將二千人同物資運上賽道、SET十幾個水站補給站、放好晒所有里數牌、仲要 ...

1. 先用車將一千人, 連同物資半小時內運上賽道, 就近開車 : 九龍區喺九龍開車 , 青衣區喺青衣開車 . . .
2. 再用一千人, 一小時內SET十幾個水站補給站, 放好里數牌 . . .
3. 賽道丈量早喺幾日之前已做妥, mark 晒記號
4. 九龍區剩低半小時後備時間
5. 青衣區多半小時準備, 香港區多個半小時準備
6. 其餘一千人喺起點同終點

星期六下晝4點嘅賽道車量約等於星期日上晝十點嘅車量, 星期六下晝封同星期日上晝封無分別, 一於封啦。
但係千祈唔好封彌敦道, 起點改喺西九就大把地方, 影響最小。

water

dn21 發表於 2015-1-27 17:23
星加坡同大馬夜生活少, 香港人完全唔同, 鐘意夜生活, 夜晚練跑嘅人絕對多過日頭。
香港人夜晚體能耐力好過 ...

"香港人完全唔同, 鐘意夜生活, 夜晚練跑嘅人絕對多過日頭。" 單係呢樣我已經唔覺得係啦…

cc6236

我喜歡現在的安排多D

史cool特

dn21 發表於 2015-1-27 18:40
1. 先用車將一千人, 連同物資半小時內運上賽道, 就近開車 : 九龍區喺九龍開車 , 青衣區喺青衣開車 . . .
2 ...

師兄，“星期六下晝四點嘅車流量約等於星期日上午十點嘅車流量”，呢個數字點得嚟先？

我唔覺得朝頭早比賽有問題。

fullysettle

渣馬好歹都辦了十九年，經驗係不斷累積得來。全世界冇最好的野，簡單講句就係世事冇完美同冇可能滿足曬所有人的要求。
如果認為2個小時預備就夠，咁參賽者、市民（包括會去參觀比賽同唔參觀的）又應該點安排？唔好低估當中難度，亦唔好高估不參加人士的容忍度。

vcbid

我鍾意早跑多過夜, 夜晚越跑越眼訓

kiwong1800

星期六有人要番全日，晚上高速公路至12時好多車。
如果要搞，0200起步。