2015.02.22 東京馬拉松

cham

炒炒 發表於 2015-2-17 11:57
日夜溫差有幾多左右？

各位師兄師姐，希望在22号賽道上見到大家，我都会著網衫跑的
奸爸爹!!

may_may612

17/2早上天氣：
7°C，陰天，間中有雨/雪

個人覺得，16/2晚上和17/2早上溫度差不多。

晴朗

我抽唔中，但會同老婆跑Friendship Run
正日會影相

初定位置如下
飯田橋（約5.5K，盡量影晒）
藏前駅（約27.5K雷門寺附近，起跑後1.5小時至3小時）
豊洲駅（約38K ，主要影中後段跑手）

因為我唔係大會攝影師，所以會靠行人路（左邊）影，到時會著黃色雨傘背心喺面，見到就打聲招呼啦。

技術同資金有限，唔好太大期望。

YY524

may_may612 發表於 2015-2-11 17:23
如果唔寄存行李，會唔會方便D呢？

寄行李好D, 跑完要加衣.

baki

我今晚上機,到時見

may_may612

晴朗 發表於 2015-2-17 19:21
我抽唔中，但會同老婆跑Friendship Run
正日會影相

今日friendship run見到師兄~

tango

stream 直播    eversport.tv

bunbun

星島日報        2015-02-22

東京馬拉松 禁膠樽液體        

日本東京馬拉松今日舉行，由於遜尼派極端組織伊斯蘭國（IS）較早前發表明聲明揚言殺死日本人，主辦機構及警方加強保安。鑑於恐怖分子能輕易將膠樽等容器改裝成液態炸彈，並曾在恐襲中使用，主辦機構在警方要求下，禁止選手攜帶礦泉水等塑膠樽裝液體。

　　選手可攜帶未開封的紙包裝飲料，但飲品的容量限制在每樽二百毫升，總容量共四百毫升。主辨機構將在入閘進行包袋檢查，禁止被禁的飲品容器出現於起跑綫。

　　由於參加馬拉松的選手必須補充足夠的水分，限制跑手在比賽期間攜帶飲料實在罕見。雖然主辦機構會提供紙杯裝飲料，但部分跑手已作出投訴，指在受限制的環境下難以大顯身手。此外，警方除了派遣破紀錄的四千五百名警員維持治安，東京警視廳也會派出六十四名擅長長跑的警察，與參賽選手一起跑步，保障全程賽事安全。主辦機構也禁止選手穿上奇裝異服。東京馬拉松本屆參加者有三萬六千人。綜合報道

ah_teng

今日都見到啲警察，原來全 team 跑步警隊有 64人，分 8 小隊，每隊 8 人，唔同時間出發，輪住咁執勤，確保每節都有人幫手。而且跟先導集團選手嗰位警官，以前大學時出過 4 次箱根 ekiden ，唔嘢少!
今日天氣一般，好在起跑後啲雨粉都收咗，不過等安檢入場我真係發癲（其實咁多人佢地查唔曬的 ，好似我把遮收埋都過到，但佢搞一搞其實就預多半粒囉最少。）

baki

終於完成第一次海外馬拉松，氣氛當然比渣打好幾倍。沿途都有不少港人參與，遺憾自己不在狀態，做不到預期時間

lyk_cliff

其實佢安檢都係做下樣居多
但就係知安檢麻煩
所以七點幾已經到場

沿途不斷影相
最後做倒 pb 好開心

minmin

我隻garmin 度到43.48k 。多咗成1.2k,你哋呢

may_may612

我都係七點幾到會場，當時安檢好快，排幾個人就到~不過等起跑的過程真係幾凍，仲有少少雨粉，好彩係香港買定便利雨衣~

今次係我的初馬，20/2勁唔舒服，嘔足全日，諗過可能要退出，21/2開始食到少少野，22/2比賽前迫自己食左麵包，最後個人時間順利在5小時內完成，達到目標~

bunbun

太陽報 2015-02-23

徐濠縈跑到老抽傷膝        

跑得之人徐濠縈鍾情馬拉松，早前與AGA及張惠雅為品牌活動往日本接受馬拉松訓練，昨日更參與東京馬拉松，雖然過程中遇上小阻滯「跌倒兼抽筋」，惟她終打破個人紀錄，與特地前往東京的老公及女兒分享喜悅！

東京馬拉松昨日舉行，熱衷長跑的徐濠縈（阿徐）亦遠赴東京挑戰全馬共42公里的賽事，期間日日備戰操練，最後以3小時45分跑畢全程，刷新自己的最佳時間，惟她透過短訊表示期間發生小意外：「跑到40公里時跌倒，因為Kick到塊計時地氈，跌完仲要抽筋，好痛！」她自言未在最佳狀態，若體能有所進步或不會那麼容易抽筋，又透露跑步時經常仆倒。

Eason終點迎接

阿徐曾自爆老公陳奕迅（Eason）及女兒會在終點等她衝線，阿徐稱受傷後，Eason買了藥物在酒店為她包紮傷口才一同慶祝，有指日本方面因防恐襲亦加強保安，派出多名警員陪跑，阿徐指保安上比較嚴密：「有好多範圍除咗跑手外係唔可以入去，同埋都知道有警衞陪跑。」阿徐又預告將參加在港舉行的10公里賽事，現可稍為休息一下，至於有份參加東京馬拉松的林海峰則以3小時49分完成賽事。

Regen練完唔跑

跟阿徐到日本的還有歌手AGA及張惠雅（Regen），AGA接受電話訪問時指三人參與品牌活動，並往日本受訓，但她和Regen未有參與賽事，AGA感謝阿徐在受訓期間教她很多跑步姿勢及常識：「一到日本嗰日就要跑，仲要得3度，都好擔心，因為第一次咁凍喺條街跑，亦係第一次同咁多職業跑手一齊跑，從來唔敢喺街跑步，依家推高咗我呢團跑馬拉松嘅火，嚟緊4月會跑10公里，依家日日練，希望喺特定時間完成。」Regen則透過WhatsApp稱是次去日本是為運動品牌拍宣傳照，對於東京有逾萬名保安防恐襲，她指朋友均緊張，但現場的日本人則表現輕鬆。

bunbun

京華時報        2015-02-23

東京陰雨中開跑 埃塞俄比亞包攬男女冠軍        

據新華社電在22日舉行的第九屆東京馬拉松賽中，埃塞俄比亞選手包攬男女冠軍。在男子組比賽中，埃塞俄比亞新秀因德紹以2小時06分00秒的成績摘得冠軍。女子組冠軍是去年屈居亞軍的埃塞俄比亞選手迪巴巴，其成績為2小時23分15秒。

上午9點10分鳴槍開賽後，肯尼亞、埃塞俄比亞等非洲國家選手組成了約40人的第一集團領跑。比賽進行至約37公里處，一直位居第一集團的因德紹開始加速，甩開倫敦奧運會馬拉松男子金牌得主、烏幹達的斯蒂芬·基普洛奇等對手，並將領先優勢一直保持至終點。基普洛奇以約30秒之差屈居第二，去年賽會冠軍春巴·迪克森獲得第三。

因德紹接受媒體採訪時表示：“今天有些陰冷，還下了點雨，比賽並不容易，很幸運獲得勝利。我希望能入選埃塞俄比亞國家隊。”日本選手今井正人2小時07分39秒的成績在全部參賽日本選手中位居第一，整體位列第七。由於本屆東京馬拉松賽還是今年北京田徑世錦賽的日本國內選拔賽，今井正人也由此斬獲世錦賽門票。

lyk_cliff

我用garmin 620
度左43.17
應該係新宿嗰邊多高樓無咁準
我見佢喺新宿附近度出來條route 有少少周圍飛

ah_teng

我喺 41k 附近撞到高橋尚子，開心到癲! 多得佢我即刻加快腳步，可以 PB （第一次 sub 5, 04:50:21)

bigpig

我用 Garmin 620 度到 44.18，用iphone 5s 的 runkeeper 就度到 45.48。

今次因為跑之前幾日去了富士山旅遊，有兩日早上四點起身影日出，休息唔夠。跑既時候沿途不斷影相，加上天氣有D凍，跑跑下覺得餓所以中途停左幾次食野，所以時間比計劃慢，跑了4小時39分鐘。不過跑得好開心。

baki

在這麼好氣氛下，得出這樣的成績5小時29分，比渣打還差，有點羞愧..........

may_may612

我用RunKeeper度到44.93km
不過見出黎的路線有幾個位都好亂，尤其是銀座和淺草...
在網上調整過之後，大概44km左右。