運動點亮生命 陳家樂

bunbun

新報        2015-04-08

運動點亮生命 陳家樂        

陳家樂出道之初，

予人是一種文弱書生感覺，

但事實上他從小就與運動結下不解緣，

因運動令他學懂對人對事要持之以恒、重燃鬥志，

同時也維繫與家人、朋友的關係，

若要問到運動對於家樂而言，

意義到底是甚麼？

他會毫不猶豫回答：

「那是我的生命﹗」

採：藍嵐 攝：Samuel

服裝：adidas

場地提供：The Playground （www.fb.com/playgroundhk）

家樂向來演繹的角色都較為文靜，直到最近遇上電影《破風》中飾演單車選手，將家樂過往的形象來個180度轉變，瘦弱身型蛻變成一個大隻仔肌肉型。剪了一頭短髮以及曬得黝黑的膚色，讓他看起來與一個單車選手無異。

地獄式訓練

家樂當然明白這是準備開戲前，當中是要受着地獄式訓練，方才有這個結果：「嗰時運動量真係好高，14日裏面連續踩八個鐘頭單車，之後仲要健康，體重足足跌咗10磅，當時仲好驚點解瘦咗，我明明係要練大隻㗎嘛﹗但可能因為我嗰時排晒啲水，之後出咗個訓練營，食乜都好似好刺激身體，結果一星期我又肥番20磅，成個感覺真係幾恐怖。」

跑步似企鵝

正當一切好像單車比賽，當在跑道上順利滑行時，突然家樂卻因骨折受傷要將一切暫停，剛好他又早早決定參加馬拉松半馬比賽，受傷後的他連跑步也要步步為營，更何況還要繼續電影拍攝：「嗰時我真係好緊張，影響晒我所有部署，我開始連跑步動作都有啲怪怪的，因為手、腳要協調，但我傷嘅鎖骨位置，令我不期然就『鎖住』隻手跑，結果跑得好辛苦、好慢，仲成隻企鵝咁，令我有少少氣餒，好似浪費咗啲時間咁。」

負傷參加馬拉松賽跑後，

陳家樂變得更有鬥志。

訓練度身訂造

幸而家樂獲得運動品牌支持，除安排教練為他度身訂造訓練，還有一班跑步之友不時鼓勵並給予信心他，現在家樂終於回復以前的狀態：「我真係好幸福有咁多人幫我，同埋我知道唔可以畀自己藉口，不因為受過傷，永遠就去擔心做任何事，咁樣我會停留喺以前嘅位置；甚至更差，所以我唔想有心理包袱，我會寧願當自己無傷過，繼續重新跑過。」

不因為曾受傷，陳家樂不擔心今後做任何事情。

變得更有鬥志

明年家樂就會再參賽，挑戰馬拉松半馬，負傷的他現時每天亦為此做好準備，家樂認為在整個訓練中同時亦教曉到他做事要持之以恆，切勿急功近利：「跑馬拉松係好需要意志力，呢樣嘢唔淨止放係跑步，生活上每樣嘢亦都需要，跑步令我個人變得好有鬥志，對工作方面亦再好似以前咁，乜都半桶水去試，家真係堅定好多。」

促進父子感情

除了工作上，運動對家樂的親友們美好關係幫助也很大，好像是一班中學同學畢業後各散東西，但卻因跑步、踢波，大家的社交群組再重聚，該關係至今已維持10年；同時在家樂受傷時，恰巧父親也受傷，兩人還一起去做康復運動，促進兩人的父子關係：「我身邊最要好嘅朋友、屋企人亦好鍾意一齊做運動，所以運動對於我嚟講，係維繫我嘅生命，幫助我嘅生命變得更豐富、更精采。」