堅毅女社工跑極地籲戒毒

bunbun

http://the-sun.on.cc/cnt/news/20150409/00410_041.html

太陽報        2015-04-09

SUN揭秘：堅毅女社工跑極地籲戒毒        

為了跑步，可以去到幾盡？人稱張姑娘的社工張思縈酷愛長跑，目標跑遍七大洲，她近日更向難度挑戰，奔向攝氏零下二、三十度的北極參加馬拉松。跑上癮的張姑娘至今已累積跑了一千公里比賽，足迹遍布柬埔寨吳哥窟、日本東京。這次跑向極地，她希望挑戰自己，亦想以身作則，勉勵一群戒毒康復人士，永不放棄。

現年四十歲，留長髮、肌膚黝黑的張姑娘一身運動裝，桌上放滿馬拉松比賽獎牌，驟眼看儼如專業運動員。自小跳跳紮，張姑娘一直涉獵不同運動，獨木舟、滑浪風帆、劍擊，亦考了拯溺教練牌照，兩年前更積極參加馬拉松比賽，「我由細到大都好鍾意做運動，跑步都跑咗十幾年，不過喺兩年前先正式開始參加馬拉松比賽。」

目標跑遍七大洲

提到參加馬拉松，張姑娘初時目標只想參與全程，但發現自己能跑出好成績，驅使她愈跑愈遠，「兩年前到依家，我啱啱跑咗一千公里，最密試過一星期跑一個比賽。」除傳統馬拉松外，她更挑戰過有超級馬拉松之稱的一百公里賽事，「初初以為完成唔到，因為喺二十公里時候仆親，膝頭都彎唔到，不過後來硬着頭皮都完成到。」

跑得興起，張姑娘將目光放向世界，目標跑遍七大洲。曾經到吳哥窟、東京和死海跑比賽，現時她更奔往世界最北點，身處北極參加馬拉松。對於這次極地狂奔，她坦言心情忐忑，「喺極地跑步係一個大挑戰，因為得幾十人參加，心情都幾戰戰兢兢，唔知自己可唔可以應付，不過我冇諗過放棄，慢慢去完成。」

「為咗北極馬拉松，我上年特登參加好多比賽，參加跑步訓練班，同埋請教參加過呢個比賽嘅人。」要在攝氏零下二、三十度的嚴寒環境跑步，張姑娘不敢怠慢。除身體，她笑言要節衣縮食籌備參加費。「呢個比賽要畀超過十萬港幣參加費，所以決定去嘅時候，要一點一滴咁儲錢儲番嚟。」

縱熱愛馬拉松，但張姑娘並沒因此不務「正業」，於香港戒毒會石鼓洲康復院服務了十八年的張姑娘，希望身體力行，用自己跑馬拉松的經驗，鼓勵戒毒康復者不要放棄，「因為康復者曾經犯錯，佢哋會有好大心理包袱，產生消極諗法，我想用自己跑馬拉松經歷，鼓勵佢哋要有目標同埋學識唔好放棄。」在人生的跑道上，跨越難關，堅持到底，才能跑出一條屬於自己的康莊大道。

「我由細到大都好鍾意做運動，跑步都跑咗十幾年，不過喺兩年前先正式開始參加馬拉松比賽。」

逢星期四見刊

shogikin

她去極地跑為了勉勵戒毒
我去大圍跑也為d野先

Kin in Running