2015.12.06 第31屆那霸馬拉松

wlau

日期已確定於2015年12月6日報名日期 6月1日
以抽籤選出參賽者
上年九月頭知結果
參加人數3 萬
比賽地點 ： 日本沖繩那霸市

https://www.naha-marathon.jp

afungsm11

Kanes 發表於 2015-11-27 09:25
下星期日去跑了,希望順利完成

me too. my bib D4883. see u there Naha!

Kanes

下星期日去跑了,希望順利完成

wlau

根據往年經驗, 取PACK 條龍都有D 長.. 入體育館取裝備時係要除鞋, 大家要留意下啦, 而如果想買紀念品既, 係要出番去體育館外既攤擋買. 由於無完賽毛巾, 所以大家有興趣可以買定毛巾. 而佢攤擋都有D 衫幾靚, 亦有號碼扣, 仲有好特別既"乳頭"保護貼賣..... 無打低衫既男性, 記得買定啦..
而佢指定左上線時間, 跑九點, 八點二十分要上線, 上唔切, 就一定要去最後先上得..由於那霸有成三萬人, 雖然我未到最後果區, 但都用左差不多二十五分先去到起點.. 最後既人去到起跑點, 有機會過半個鐘..
而佢寄住行李係同你講個信字... 佢有免費寄存行李同收費寄存行李.. 免費既, 就自己入個大帳篷入面, 搵個位放底佢..自己要記得放左係邊.. 由於無人睇住.. 所以最好唔放貴重野或真係有貴重野啦, 咁最好去收費寄存行李果度放(日本有D 人就咁掛D 行李係棵樹添)
之前都講過, 如果慢腳有機會遲左半個鐘先上到線.. 變相得番五個鐘九個字跑, 而那霸完賽成功率一向都得七成.. 原因為係都多上上落落.. 而最後既地獄關門更是上年睇到大家最慘既一幕.. 所以大家唔好因為多野食, 食到遲晒大到.. 而由於佢會係完賽既時候即時拆你號碼布後面既晶片來印證書, 印完證書入左閘先俾完賽牌你, 所以想偷雞返終點就咁取完賽牌都唔得.. 而由於佢係即印證書, 大家可以帶定FOLDER 裝 , 而完賽後, 會場有得過膠你張證書, 前面證書, 後面就拿你張號碼布(有前後布, 所以用一張都唔係問題)來過膠, 當然係要收錢啦.. 仲有完場後有表演同有野食(俾錢) .. 大家可以留底食下野, 睇下表演都唔錯.. 而我最傷心既係佢現場有得賣一支可以刻你個名同完賽牌既清酒, 但只接受有日本地址既人登記, 因為佢真係刻你個名上個樽上面, 所以要之後先送貨. 所以無地址就唔俾我登記... 如果大家想要果支酒.. 問定D 日本FRIEND 借地址啦..

wlau

RowerBee 發表於 2015-5-11 20:09
深馬，廣馬，銀河馬都係呢日。。。
想問如果呢三隻，邊隻最值得跑呀^^

個人覺得, 如果唔計那霸
我個人次序
1.廣州馬
2.深圳馬
3.澳門馬

柔詠

同日亞洲幾隻馬..................

wlau

如果要出去外國跑。。我會推介佢

RowerBee

深馬，廣馬，銀河馬都係呢日。。。
想問如果呢三隻，邊隻最值得跑呀^^

小力奇

想試下深圳, 近近地, 那霸跑左兩年, 係好, 不過唔想連去三年

Kanes

有興趣

lisiutung

请问各位跑友，如何报名？

brompton

頭連續二十四公里，不斷上斜，我覺得重甘過渣馬。其後，不斷落斜，係咁撞個膝頭哥，陰公。跑緊係度唸，唔會咁就撞傷膝頭哥掛，一野被KO？
我跑個年，好熱，直頭想死。好多人(可能有1/5人)，係山頂，約二十二公里處，比巴士接上車。跑過一次，怕怕。我龜速完成，返到包包記存處，無乜幾個人跑完，還有大把包包放係度。可知，條賽路有幾甘。
沖繩，都幾好食/玩。落左機，就咁行去鑼選手包，個expo無乜野睇，幾分鐘行完。租左架車，玩左幾日。消費唔貴，如當旅遊節目(基本上唔洗唸PB，如果跑番出渣馬時間，已經好勁。)

沿塗氣氛一般，都有零星的市民落力打氣。不過，有好多段，係跑友自已係度跑，都幾悶。市民，會鑼黑糖，柑，甚至小瓶的運動飲品，派給跑手。但，氣氛就比其它日本的賽事，相對地冷清(不過，都比起悉尼馬熱鬧)。

wlau

brompton 發表於 2015-6-1 21:55
頭 連 續 二 十 四 公 里 ，不 斷 上 斜 ， 我 覺 得重 甘 過 渣馬。 其 後 ，不 斷 落 斜 ， 係 咁 撞 個 膝 頭 哥 ， 陰 公 。 跑 緊 係 度唸 ， 唔會 ...

師兄....我地係唔係跑緊同一個? 佢二十一公里左右上二百係慢慢咁上, 之後係落都OK..唔會傷喎....
打氣既人數...我覺得多過大阪好多喎...ONLY 千人YMCA 一段都已經值回票價..(小弟跑得日本馬少, 但我上年跑果屆, 我覺得佢多過大阪同橫濱既打氣人數)
而且好多位好多人打氣. 補給亦好多.. 我係食野, 飲野飲到連官方水站過左我都由得佢...
沿途既黑糖, 柑, 鹽, 水係未停過...

不過你講得岩... 做時間一定唔係佢.. 做時間一定係柏林或廈馬, 廣馬等大平路既比賽..

wlau

lisiutung 發表於 2015-6-1 17:48
请问各位跑友，如何报名？

去番www.naha-marathon.jp 就得

wlau

小力奇 發表於 2015-5-11 23:55
想試下深圳, 近近地, 那霸跑左兩年, 係好, 不過唔想連去三年

咁又係.. 兩, 三年玩一次我覺得唔錯..

brompton

wlau 發表於 2015-6-2 01:04
師兄....我地係唔係跑緊同一個? 佢二十一公里左右上二百係慢慢咁上, 之後係落都OK..唔會傷喎....
打氣既人 ...

http://www.naha-marathon.jp/en/course/elevation.html

條路一樣我當年跑的。跑到我氣cut。我報時，有參考個高度圖，無唸過係一路上斜。跑起上黎，一離開Naha市，就感覺一路係由上。氣溫24-5度起步，真係跑到我好辛苦。(亦可能我少練斜路掛？)，完跑差唔多28-9度。太陽又曬。

條斜路好像跑極都唔完，左一巴右一巴咁打過黎。到左24公里，落斜，基本上已腳軟，重有幾段係落急斜，雙腳已經又痛又累。無陰公呀。
這個賽事，唔跑無損失。如果想去以旅遊為主，就無問題。我玩左五日四晚，做日航酒店，租左三日車，約$6000落樓(包食入口溶化的沖繩和牛，超正！)。而家日元更低，應可以更平去玩幾日。

我同行去的三個跑友，兩個慘被捉上車，就係22公里處。好鬼唔開心。有無搞錯？因為，她們報的起步時間慢，起步點的公園起跑區，又長又窄。輪到她們起步，已經差唔多唔見左十幾、二十分鐘。去到22公里，剛好無得跑。但以她們的chip time，應該重有排都未過時間。事後她們話，都係個句，跑渣馬都無咁辛苦。去到22公里，基本上已腳發軟。

jerrylkl

2013去過! 已抽2015!

Kanes

己報,希望抽中

terrytsang

Kanes 發表於 2015-6-2 15:00
己報,希望抽中

上年得29568人報名,可能今年唔洗抽呢?

Kanes

唔洗抽咁正

fnd1214

請問各位 ching/ctse, 呢隻馬個完成獎牌, 係咪就是玻璃獎牌?

brompton

fnd1214 發表於 2015-6-3 12:47
請問各位 ching/ctse, 呢隻馬個完成獎牌, 係咪就是玻璃獎牌?

係。好特別。

cell

條路線都唔系咁可怕