2015-9-20 Blackmores Sydney Marathon

brompton

還有係悉尼跑街，要依交通燈的綠燈仔(企定定，按路燈柱上的行人掣，等轉綠燈)。我黎跑咁耐，因唔想係燈位停低，就咁沖過馬路。試過比路過的車響號(係沒有造成危險的情況下，可能澳洲人睇唔過眼，有Asian唔依燈號過馬路，掛？)。但，原來有差佬捉遺反交通條例。琴日，我見到交警正在抄兩位行人的告票，一個係跑友，一個係普通行人。這時，我才知係會抄告票的！因為，係悉尼，想見差佬都難。警車，都唔係好常見。

我跑街，主要係練斜坡，rolling hills。由Maroubra去Coogee，Bondi的勁斜路區，就有不少燈位。我會跑去Maroubra的公園，練平路、沖圈、或跑Interval。入到公園就無要停下來的問題。但由民宿就要跑一段距離去公園。
悉尼，日日藍天白雲，祇落過一日、半日雨。落一陣，又出過太陽。紫外線好勁，我練跑百零K，已經被晒黑。空氣唔感覺到有灰塵，跑完長距離，回到民宿，都唔覺好似香港咁，成臉都係沙塵。所以，就算跑街，唔會驚吸入咁多灰塵。如果係香港，我就一定唔濟。跑街邊，咪搞。觀察左咁耐，悉尼的運動氣氛，可以用十分差黎到形容(以香港和歐洲城市的標淮)。我跑左咁多日、咁耐，祇有係跑步公園，見到好像多一點的跑友，(所謂多一點，恐怕都唔夠香港是旦一個晨早係跑步熱點跑步的，十份一，都無)。一般跑街，幾乎絕跡。我跑由Maroubra去Coogee，Bondi的路上，碰到的得小貓三四隻，就算係Cooge和Bondi沙灘的跑步熱點，曬太陽總比跑步多。

見到跑友，我憑目測，覺得係hea跑的多。即是減肥，健身的。專業的，無乜見過。專業的，我意思係指跑步姿勢靚絕，每步好似唔洗乜貼地的。係香港練跑，遇然都會野生捕獲到專業的跑手，係度操幾野。所以，我覺得，悉尼的跑友，多是是保健跑，未必係跑市民比賽的。朋友話，近年City to Surf，好旺場，次次都報到爆晒。我回問，係唔係一兩個鐘內就滿晒個d？當然，唔係這個層面，慢慢報都得。

還有一星期多d，就係比賽日。我抱佛腳黎到悉尼先操山，祇是希望唔會上落坡跑到抽筋收場。係香港未來時，天氣實在不行，所以祇係練平路，黎到發現全無用處。平路的技術，可以放埋一邊。什麼練習平路入五、六前速的肌肉運用，可以唔洗用。悉尼賽道，係決戰上坡路。上坡的技術得，唔會差得去邊。

係西班牙巴斯隆拿，練平路是王道。我去到西班牙，主要係練平路。練習身體肌肉運用，去入五、六前速。個psosas muscle一swing向後，比佢自然回彈向前，個knee drive就無問題。低速高扭力的練習，可以慳番，唔洗練。就咁練高速抵扭力的高效率平路跑，就得米。提腿/knee drive，唔洗乜用腦去煩，自然一般高度已經夠晒用。但悉尼就唔同，要專心練習提腿/knee drive，個psosas muscle要夠力，還要誇張地練習高提腳，去應付高扭力的要求。如果係悉尼跑，提腳唔高，上坡唔洗跑，就咁行都會快過跑。

brompton

練埋琴日，抱佛腳操上坡，又告一個段落。今日轉而練番rolling hills(唔係太斜)的平路跑。因，這兩個星期，多左練上坡，腳頻低左。唔想練上坡習慣左，低腳頻，影響平路的速度。練上坡，個hip extension唔夠。如果跑上坡，要做到平跑時的hip extension，心跳會好高，好快累。因上坡時，個hip extension唔夠，psosas muscle就拉得無咁緊，影響knee drive的高度和回彈的速度。因此，要主動用高提腿，把個psoas muscle拉緊。幫助番個knee drive的高度和速度。
跑步的動力來源，係hip extension拉緊psosas muscle，psoas muscle因過度拉緊而強烈反彈向前。雙腳就好似一個pendulum machine咁，往復往復，咁前後swing。人，就會跑向前。今日，練rolling hills的高腳頻平路跑，hip extension可以盡量向後伸展，(個骨盤必要可以係hip extension的過程中，保持高度的穩定，咁，就不會流先筋肉的回彈動能)，咁個psosas muscle因過度拉緊，而猛力反彈向前。今日跑得好舒服，比係香港練平跑時的速度，高左。
係黎緊的最後一個星期，都會保持輕鬆跑，習慣番個正常步頻的低能量跑，好讓個心肺有適當的休息。當然會係練跑的過程中，去保持有足夠的hip extension的跑步姿勢，唔好hea跑得黎，無左個拉緊的動作。
今次悉尼馬，無乜期望，因為PB應無乜希望。幾個月前，已經係西班牙巴斯隆拿，鑼到波士頓馬拉松的參賽資格，所以今次係無壓力跑。跑得更快當然會開心，但跑得一般都無乜所謂。跑馬，都係健康跑為目的，唔係搏什麼名次。總之，長跑長有，已心滿意足。
跑馬，好像每一次練習，不可要求，一次比一次跑得快。唔可以有，慢過上一次馬，就唔開心。跑馬，係終生事業，當然會有高有低，有快有慢。不能把跑馬的完成時間作為跑步的快樂指標。即係，無可能每次練習都會快過上一次，如果唔快過就唔開心。所以，我喜歡把跑馬和旅遊、踩車，連埋黎做，係享受整體旅遊/踩車/見聞的樂趣，唔好一出國外，就祇為跑馬。單一目標，唔係一旦馬場失意，就覺得好像如有所失，好似浪費左整個旅程。作為一般市民跑友，應以健康跑為目的，不要單去追逐完成時間。做到心中目標，當然要慶祝一番，跑唔到更快的時間而不感到失落，更需要慶祝。悉尼馬，天氣預告係比賽日，最高會有26度。無法，天氣野，無人可以控制，總之，"開心完成、享受過程"

brompton

還有一星期就到比賽日，天氣預告又再一次改變。話可能有雨，天氣會涼，約十幾度。今日，輕鬆跑左十一公里，hea下hea下跑。祇是給隻腳，動一動的機會。
照一般馬拉松的飲食建議，今日開始，應該食多d蛋白質和唔好食咁多碳水化合物。不過，我無乜所謂，食番正常送菜，白飯照裝。就算到左比賽前的兩、三天，話要開始全食碳水化合物。我都係食番正常送菜。Carbo load，祇是比賽前一晚，食多幾碗飯。
到左比賽時，什麼PowerGel、朱古力，葡萄糖，等等能量野，我都唔會食。祇是飲水，和大會提供的一般能量飲品，就無問題。所以，我比賽時，乜都唔洗帶，剩係帶部手機，影下比賽開始和沖線時的相。我跑一次馬拉松，大約消耗2200-2300大卡的能量，消耗唔多。所以唔洗食乜PowerGel，香蕉，這些能量野，都夠能量跑，又唔會hit the wall。已唔記得，幾時開始，跑全馬無hit the wall的情況。初時，唔帶PowerGel、朱古力去跑，覺得好無安全感，怕真係到時跑跑下，無糖咁點算。但試過唔洗食之後，就再無出現這個心理恐懼。我覺得，係比賽時食能量野，可能祇是心理所用。食唔食，其實身體內的糖/脂肪，都夠晒跑全程。
從前跑馬，一包PowerGel成$10-12，都幾貴，又唔好食。好似食太空高科技食物咁。後黎就轉食朱古力，d味好d，接受得到。但後黎發現，已無hit the wall的情況發生，就連朱古力都唔食，祇帶在腰包內，比個心理好過d。其後，連買都廢事買。
我覺得，祇要留意跑步效率，不作無謂的能量消耗而無幫助跑步前進或穩定的小動作，咁就唔洗食埋d咁野，都會夠能量去完成比賽。市民跑友，以健康跑為目的，唔係爭一分幾秒，少食這些能量野，都應該無問題。當然，要配合足夠的長時間跑，去讓身體學懂用第二能源。而每次練習，如果練番同一距離，會留意下跑步錶所顯示的總能量消耗。會以，最低能量消耗，黎做訓練目標，反而速度變得次要。因為，如果用低效率黎到換高速度，我覺得會得不賞失。

brompton

明天，已book左機場，去玩學渣無動力滑翔機。包括pre flight講解、飛行原理和45分鐘係悉尼藍山山區上，乘熱氣流的飛行，都係收港紙$1100。算好平。我唸這個價，係香港唔好話有無得玩，就算有，都唔會係這個價。
咁大個仔，都未坐/渣過滑翔機，應該係一個新的體驗。這個課程，係比一般有心去考滑翔機牌的人仕，而設計。唔係什麼scenic flight之類。所以，係以教學渣飛機為主，觀賞藍山風景其次。我朋友話，佢學緊渣小型飛機，都唔係貴好多。佢係香港黎這裡讀書的大學生，學渣小型飛機當hobby。係香港真係無機會玩，黎到讀書，點解唔學多樣野，價錢又唔貴。
舊時去悉尼的留學生，最多係學滑浪、玩水上活動、渣車渣電單車，玩獵槍打target，當然唔少得係唐人餐館打工，賺學費。時移世易，而家的留學生，係悉尼玩跳傘、渣飛機、學para gliding或power gliding，係悉尼的F1賽道玩改裝賽車。而家的小朋友黎到悉尼真識玩。這些，佢地當然唔會講比老豆老母知，知道必鬧爆佢地。唔係錢的關系，係父母擔心小朋友的安全。相對係香港的大學生，這裡留學生所可以接觸的，非主流教學可提供的學習機會，多好多。係香港大學讀書，點會有機會學渣飛機？又或者學改裝Touring落場玩賽車？根本以香港彈少之地，環境無可能供應到。這裡，你唸到的，都有得學。睇下，有無錢學和時間玩。係這裡讀書幾年，畢業鑼到個degree，還可考埋乜牌物牌，又或者至少可體驗到香港好難才可以體驗到的活動。這些活動，可擴闊視野、豐富人生經驗(當然，要錢和時間都唔係問題)，實無可厚非。
如果有機會去國外讀書(當然要父母有餘錢去供或靠自已working study)，(就算係香港已有大學學位)，都應該去認真唸唸。因為，年輕時適應力強，學習力強，點解唔趁年輕去看看世界？體驗一下，係香港幾十年，無機會接觸的？到左大學畢業，工作、拍拖、生仔、供樓，就以後難再有咁機會。(可能這個話題太複雜，網友不喜勿插)

我問佢識唔識係大學有小朋友跑Blackmores全馬，佢話無。最多祇是玩color run, neon run, City to Surf這些fun run。半馬，都好似唔覺得，全馬當然更加無。跑步，唔係悉尼的首選運動，可能曬太陽才是澳洲人最喜愛的活動，掛？

brompton

玩完滑翔機回來，係人生一個經驗，好玩。原來飛係會產生快樂賀爾蒙。唔怪得。美國的超現實英雄片，如超人、SpiderMan，次次都要帶女伴係天際飛。由Sydney Camden機場，飛左去Wollongong，來回。控制唔難，但當然，做得好就難。Instructor要不斷咁提醒，要落rudder，或上下調整個高度。係六千呎咁上下的高度飛行，要時不時找熱氣流。雖然機仔細細，翼長長，但覺得好定。有點像係747內，遇到氣流咁上下的感覺。係悉尼上空，風景好靚，藍天白雲，望到盡頭好像看到地球係圓的咁樣。
黎到外國，有機會就找下係香港比較難玩的野，可以以擴闊體會的經驗。同我一齊去玩的香港同學仔，原來已考到飛小型飛機的初級Solo牌。佢話，個控制經驗，不太相同。

brompton

今日，已操埋最後一課，星期六，係咁二跑幾K就算。今日, hea下hea下，12公里，輕鬆。比賽日，是龍是蛇，都已唔重要。總之，已經盡左人事去操，就本著"享受過程，開心完成"就無問題。
明天下午，去Town Hall鑼選手包，睇下有乜野睇。係澳洲，跑步唔係熱門運動，無乜期望。會場必然唔會大，又無乜野賣。總之，鑼完就走，都應該係咁。

brompton

剛去完TownHall鑼選手包Asics Expo，真係一如所料，無乜野睇。唔洗一分鐘，望晒。所以，鑼完號碼布，就走頭。跑步不是悉尼的主要市民運動，冷清係可理解。係會場，還可以即時報名。一個大城市的比賽，可以係Expo即時報名，以香港以至日本/大陸的馬拉松，報名一、兩個小時內爆滿，或十幾萬人抽得萬幾個位，真係...冷清得無話可說。

係比賽日，我會預計，一起步就大條路跑，唔會人迫人。由排隊到起步點，應該一、兩分鐘就出晒。係歐洲的一線城市賽事，例如：Berlin，跑馬可以由頭坐包廂坐尾。係荷蘭阿姆斯特丹和西班牙的巴斯隆拿，三萬幾人像一條流動的河。係悉尼跑全馬，係城區轉下轉下時，唔知會唔會出現前後都無人的情況？
悉尼馬，已經預左全程無人打氣，路邊無人打鼓、跳舞、講"渣有、渣有"，祇有自已同自已跑。咁其實無問題，更可專心留意步速，造時間。無人頂，又唔會頂住人，咁自已慢快都無問題。又唔洗要常常講："唔該，借；唔該：借。"。我係西班牙比賽時，由頭叫："唔該，借借。"，講到口水干。

brompton

今日跑完，造唔到PB。

一早由Maroubra坐巴士去Central火車站，然後轉乘火車(即係地鐵)去Milsons Point。祇要上公車，顯示馬拉松個參賽號碼牌，就可以今日整天免費乘車。(這個咁好的安排，香港渣馬應該效法)。去到起步點，做完一切應做的野之後，就行去起步點。見起步點，有一堆跑手掉棄的舊衫係度。原來，係響應大會的呼籲，跑手起步怕冷著的舊衣服，可以放係度，大會會安排送去自願的社會機構，給有需要的人。大會還叫跑手，盡量唔好著不可循環再用的一次性雨衣。(這個咁好的大會呼籲，香港渣馬應該效法)
今早天氣一流，十二度唔凍，藍天白雲，都係用短褲短衫出賽。7:20am起步，就一野要跑上大橋。悉尼賽道，係上上落落，再落落上上，又再上上落落，平路係Anzade Parade和Centennial Park，和三十九公里後去終點。其它路段，唔洗乜指意有大段平路。跑到約三十公里處，就開始落雨，天陰，有風。但唔覺好凍，因副機起緊，唔覺熱。其實，還有點降溫的效果。

悉尼賽道，唔止係上上落落、落落上上，還有彎多，路窄和路面上充滿冼低、仆親的大大小小危機。d彎多到，唔識講，U Turn多到，都數唔到有幾多個。好彩，我做的時間，唔係咁多跑手一齊，路窄唔係問題。我入到市，約三十公里，係街上轉下轉下，真係試過前面見唔到跑手。悉尼賽路，跑係好多唔好的道面上，路面上有不少唔平整的地方，又或者會冼親人的膠板，同埋大大小小的破洞。所以，跑悉尼馬，一定要睇住條路黎跑，唔好掛住睇女仔，一野仆親。

沿途無人打氣、打鼓、跳舞、唱歌、玩魔術，已經係預左。祇有入到41公里，歐沖線時，才有人眾係度作有限度的打氣。情況，如渣馬。一起步，就孤身走我道，直到銅鑼灣才叫有番d人氣。

係起步和沿途，都見到一團團的日本跑步團黎。所以，沿途都見到日本的大媽、大叔、阿哥係左近。可能，日本鐘意去悉尼玩，又或者，日本本土的賽事，實在好難報名，所以有d銀的日本大媽、阿叔，都過黎悉尼跑。(今次，日本仔，鑼冠、亞軍，Kenya第三)

跑完今次，覺得自已的上落坡技巧唔得。跑悉尼賽路，要不斷咁轉波，真係轉到頭雲雲。過多兩日，就返香港，一個月後，就要跑紐西蘭的賽道。又係一條上上落落、落落上上的賽路。要多多努力，練習上落坡的技術，唔係，又會是交行貨就陰公。

brompton

悉尼馬，係無比賽T Shirt送。如果要比賽T Shirt，要係Early Bird報名和交$40港紙(約莫)。這是個option。悉尼馬祇有完賽T Shirt，跑完才有。完賽T Shirt是Asics代工，都幾靚。跑完沖線，會掛賽牌、任食橙(已切開)、一支水和完賽T Shirt。就係咁多，無毛巾、無給跑友保暖的膠衣布。係歐洲，我跑過的賽事，全部都有跑友保暖的膠衣布(我會唔捨得用，鑼埋黎留念)。悉尼今次跑完，落毛毛雨，無件保暖膠衣布，就真係難頂。
大會並不鼓勵跑友當日寄行李(這個真係怪雞安排)。跑友係Expo鑼號碼牌的時間，就要把比賽當日的行李，預先係Expo時提交。大會話，比賽當日，祇會有小量的行李車，呼籲跑友盡量利用Expo時，交低又或者當曰唔好帶行李黎跑。我去到起步點和跑完鑼行李處，真係發現無乜人寄存行李。唔同香港，個行李區，好似包山咁嫁嘛。我同行的朋友話，係呀！佢地跑City to Surf係唔會有寄行李服務，跑友係屋企已經著晒跑步衫，唔會帶多餘野，跑完就直接走。可能行李上係咁安排，係起步和終點，我見不少家人/朋友，都有陪跑友黎或接送跑友，可能係打氣和替跑友鑼衣物。

係比賽途中，跑友都好友善和禮貌，我祇見過一、兩次飛劍或吐口/鼻水。我講，"唔該，借借"，都好合作讓開。我跑西班牙，d跑友有些係唔會Show我，又或者，讓左之後，就係後面跟住我。係韓國，係直頭撞埋黎或者推開我。悉尼的一般跑步水準，我眼睇就唔係覺得咁高。多係上身曲，骨盤左右擺，途中"懶下、懶下"的，係我的時間組別，就無見到。行，我見到祇有極少數。多係去到37公里，最後一個上斜，就見有個別人行。西班牙一般民眾，的跑步水準，就真係高。我跑過幾場歐洲，覺得西班牙人係最好，同我的時間，跑姿唔會樣衰。

悉尼跑步市場還有很多發展的空間，Asics鑼左產品代工，想必想造大個產品市場。悉尼馬多年黎都係BlackMores(做健康藥品)冠名，我覺得係做得好慳皮。宣傳、請外地跑手，當然無渣馬咁落重本，可能比唔上渣馬十份一的費用。悉尼，唔係一個運動的城市，至少我唔覺係。唔同西班牙，每個城市，或大或少，都有大把人做跑步、踩單車。就算我跑柏林，我都唔覺咁多民眾平時跑步和踩單車。可能，德國人勤力，掛住返工，唔得閒做運動。

以香港人跑步的熱誠，真係高過悉尼成條街。香港基本的環境係唔適合跑步，地少人多，空氣差，污濁，天氣熱，潮濕，工作時間長，等等。但香港人，都會渣d時間出黎跑步。如果，時空易轉，把悉尼的跑步環境放在香港，我唸，香港的跑步氣氛就更加熱烈。可能會出現如日本，十幾萬人去報萬幾個全馬參賽位。

還有，係比賽途中的飲/食物供應，好足夠。PowerGel任鑼，香蕉就好似唔見。但我唔見有跑友鑼PowerGel，地上也不多見食完PowerGel被跑友掉棄的包裝。怪！係香港，成地都見被掉棄的PowerGel。大會無供應糖水(如Gatorade之類)，祇有唔甜的electrolyte水供應。這是我第一次，係比賽途中飲electrolyte。無乜味，好似淡lemon water咁。我跑完全程，無食野，祇是飲水和electrolyte。今次，一如以往，都無hit the wall。完賽睇下心跳錶，用左2500卡路里，比起西班牙用左2300卡路里高。可能，係悉尼多山坡所致。2500卡，唔多，根本唔洗食什麼PowerGel。體內糖存量應夠2500卡有突。

brompton

今日開始pack野回港，連埋架單車，和必買東西/手信，希望唔過磅。悉尼唔知幾時做左美食天堂，比起上次八年前黎跑，多左好多好野食，唔單止祇有眾人皆知的Fish Market。日本麵、魚生、和牛，牛扒，meat pie(Angus Beef and Mushroom)，fish and chips(勁好食)，好味。價錢比起香港抵食到唔識講。五千幾蚊機票，剩黎食，都已歸本。

琴日，去睇左係Broadway的Hyots戲院，睇Everest，正！好睇。部戲係探索"冒險的代價"，人總有去冒險的理由，但當人去冒險時，會否考慮埋家人(無論關系係幾疏離)所付出精神上的壓力？片中，通過兩個主角，兩個唔同的家庭關系背景，一個是夫妻恩愛，"You Jump I Jump"的感情關系。另一個是已分離的夫婦，感情上已心死，個ex-死佬去左邊，ex-老婆都唔會關心。但當這兩個主角遇險時，兩個老婆所表現出的精神付擔，其實是一樣。一個日夜守望著愛人/登山隊的來電，另一個四出找尋幫助，救佢個ex-死佬。連平時當個ex-老豆無到的小朋友，都憂心到捲曲在沙發，日日等待個ex-老豆的音訊。還有，救援人員，雖然同遇難者沒有什麼的感情，都會冒著生命的危險去救。直升機的機師，轉頭上返山去救的同伴(佢地的結局，我唔想講，讓網友自已入戲院睇。)。唔通這些人，沒有家人，沒有擔心他們救援時出意外？當人總有冒險的理由時，有沒有想過愛人甚至無相關的人仕，生命同樣會受到威脅？
導演，沒有對這個咁嚴肅的主題下結論，"冒險是否值得"，讓觀眾自已去下評論，自已心中有個數。這部片，讓觀眾看後，有沉重的感覺。情況就好像我們跑馬拉松時，家人係終點等沖線的焦慮心情，有幾分像。當我地快樂地跑馬時，有沒有想過家人是擔心多過快樂，係人群之中，找尋我們的身影。當見到我們"懶"下"懶"下，過終點時，家人才由極度焦慮立化成見到我們安全歸來的喜悅。

睇無字幕的英文片，感覺怪怪。但因為是沒有字幕，所以更能專心睇畫面，可幸對白一般比較簡單和發音唔係咁難聽，所以都跟到劇情發展，沒有錯過對白上的細節。其實，這部片，就算唔懂對白，就咁睇公仔，都會一樣了解部片係度講緊乜野主題。導演的功力，深厚。一個好簡單的歷險故事，一般的CG場面，可以拍出這麼深沉的意義，讓觀眾離開戲院之後，還不斷地思考。美國片，一向是大團圓結局，英雄的回歸。因為，美國人喜歡睇happy ending的戲。但這部片，導演郤一反正常手法，係拍出sad ending。這是一個大膽的賞試，如果以商業票房的角度去睇。因為，係真人真事改編，現實就係咁無情，係現實，happy ending不是必然。好像沙士比亞的老作故事，多是sad ending。

MattChin

多謝Ching分享，好詳盡，內容好豐富。我都俾悉尼個Expo嚇親，但亦欣賞賽事能溶入城市中，同市民很接近，賽道上斷斷續續亦有些熱心ge市民都有為選手打氣，仲有一些推著輪椅ge選手參賽，感覺這個賽事真的很地道，很澳洲。好有興趣知道黃金海岸馬是否一樣呢?

brompton

Finisher Medal

Finishers Medal


Glider Flying in Camden

Starting Line(Race Day)

Race Day (Starting Line Meeting Area)

Bag Deposit(Race Day)

Race Day (Bags Collection)

Brompton@City

Brompton@City

brompton

返左黎兩個星期，收曬d單計數，23日，洗左一萬二仟（計埋機票，已經包玩滑翔機。住宿免費，訓廳）。澳洲食住都平過香港。減左機票，平過係香港生活。如果係香港食番我係澳洲食玩過的好野，香港洗一萬都吳止。

悉尼馬，無乜睇頭，我已經填寫問卷，希望將來有改進。但如果本著旅遊，食好野，玩特別野，悉尼馬就不容錯過。起碼食魚生，和牛，吳驚有幅射。悉尼馬，抵跑，不過吳好跑。同西班牙巴斯隆拿馬拉松比較，巴斯隆拿超好跑，價錢比悉尼更平，但食就無悉尼咁好。西班牙菜，真係吳識點食。最上品的橡味黑毛豬，我都係覺得金華火腿好食d。西班牙海鮮，點出名，我食過幾餐，一d都吳覺好味。正宗葡國菜，亦吳夠澳門菜好食。
如果搏跑步成績／時間，就吳好去悉尼馬。如果上落坡技術吳得，都吳好黎。但如果乜都吳重要，本著＂開心完成，享受過程＂，咁就無乜所謂，當跑馬係其中一個旅遊節目，咁就highly recommended