|
跑到35K上下, 係半馬跑手轉折位, 呢個時間番轉頭, 大多數都係步兵, 但大會只係封一條行車線, 只要三個人平排咁行, 已經過唔到, 唯有跑出中間行車線, 但不時要閃開對頭車, 都幾危險... 咁樣做法, 唔夠1K, 腰側已有反應, 痛起上嚟, 越跑越痛, 真係激死!
入到古城, 只係剩番2K, 點都要加加油, 有幾多去幾多... 但原來古城內都係無封路, 不時要人車爭路, 差佬又唔知做乜? 居然係駕車人士有優先使用權, 甚至要跑手停低俾車過, 真係從來未見過! 所以自己唔理咁多, 打晒手勢叫駕車人士停低, 斷估唔會唔停掛? 照樣過馬路... 不過真係好危險, 車頭真係响身邊停低!
最後1K, 見到大龍門, 點都要俾多少少力衝番去... 差唔多到終點前50米, 賽道一分為二, 左邊係全馬﹑半馬, 右邊係10K, 3K, 真係好窄, 點衝? 最後10米, 再一分三, 左邊係半馬, 中間線係全馬, 右邊係10K﹑3K! 攪邊科? 衝線都仲要分, 唔通分開人流拎唔同野? 但又唔係喎, 過咗大龍門又合而為一!!!! |
|