賽後投票--2016.4.10 AXA安盛香港街馬@九龍東

shogikin

賽後投票細則: 只供有報名參加跑手投票
以10分為最高

投完票後, 請登出個人評分及就比賽給予簡評或意見,各個細項可因應個人喜好增減
eg: 總分8 (賽道設計8, 賽事安排8, 日期時間9, 紀念品7,收費6,氣氛9) + 量度距離: 10.22 KM  

**歡迎順便報上GPS量度出的距離 及 使用手錶型號**

比賽後數日內開始投票後討論,按情況關閉.各項細則,可按情況更改
投票結果及評論,只反映跑友意見,與本網立場無關

ChowChow

宣傳時又話氣氛好好, 唔會好似渣馬咁。但跑完, 都係得工作人員打氣, 星期日早上的工業區冷冷清清的，8km的高速公路好悶。起點終點好唔就腳，得兩個水站有運動飲料, 唔覺有洗手間 (可能我miss咗)。終點的員工好冷淡，十問9唔知，又話好尊重跑手，簡單問下SHUTTLE邊度坐都唔知, 一個咁多專欄寫手吹噓的比賽， 只係咁嘅水準？真係見面不如聞名, 好失望

bowling68

1/ 氣氛一般啦。
2/ 沿途工作人員都唔多, 高速公路跑一次ok 既。
3/ 起點終點係唔就腳。
4/ 水站主要係水，運動飲料唔多，重有兩檔蕉。
5/ 流動洗手間除左起點，應該無。見有的跑手去九龍灣運動場同公園厠所。
6/ 終點員工唔多，可能大雨7/ SHUTTLE 夠密 ok 既，不過要行k零先到。
8/ 收費算貴。

ChowChow

之前呢個活動的友好寫手先恥笑完渣馬明知落雨都唔租帳蓬幫跑手的行李擋一擋雨, 點知呢個活動都一樣，我見大量跑手行李浸在水中, 我一星期之前已知落雨, 所以用了之前比賽無用到李袋打孖嚟力保不濕

rushpower

我嘅體驗有少少同大家唔同.
第一次跑街馬,雖然無詳細check賽道,不過見到要上"觀塘繞道",已經有心理準備.
九龍東,要有大場地搞活動,啟德+穿梭巴士算ok.回程巴士嘅上客地點,係遠d,不過東華嘉年華/其他同一場地活動嘅,都係一樣嘅安排,唔係街馬先至係咁.
流動洗手間,係少d,不過橋上都好似有.
運動飲料,至少有兩個水站有,加埋蕉,其實ok.(如果嫌唔夠補充能量,要考慮自備gel)
10:40am到終點,派牌&飲食嘅義工都足夠....至少我沿路都攞到.
我問職員回程巴士嗰陣,佢清楚指示之餘,仲主動同我交談.
如果唔係落雨,當街馬係長課+嘉年華,嘅本地嚟講,可以接受.
當然如果要做時間,可能要重新考慮.

swing

平心而論
今年比去年係差左
往年我覺得補紿好夠同大致安排不錯

呢排幾個比賽，收費貴，支援差
每個好似掛住搶錢

而家根本無比賽尊重跑手
社企。。。。算吧啦！
Sportsoxo 個D搶錢比賽，掛羊頭賣狗肉
不過人地擺明賺錢仲好

講到自己點偉大，最終又係坩

ChowChow

可能我慢腳, 去到終點無人派飲品。橋上個流動洗手間貼張紙話職員專用。其實係因為之前好多"作家"講到好正，以為真係一啲有心人攪的比賽, 以跑手為先, 點知都唔係想像中咁, 同期望有落差, 所以失望

porpor

10K回程最後2K路段有好多位超窄得4—5呎。

Silverlau

我跑半馬, 今次觀繞同上年調轉, 好像上年好跑些, 沿途補充品有水, 運動飲料, 蕉, ANS的power gel, 對我是足夠, 反而大雨先另我好辛苦

有橋, 有窄路反過來看是街跑特色, 我接受同enjoy的, 上繞道實係悶些, 唯有望下風景, 快些跑完佢 如果全條直路又有人話無挑戰性

工廠區星期日比教冷清預計到, 但佢沿途有樂隊演奏, 我咁耐依然只有街馬係咁, 下咁大雨, 工作人員辛苦了

我倒覺得同賽前的介紹同實際差不多, 其實不需要老作呀, 出年報名眯又係一陣間就爆曬

ryanlam21

Silverlau 發表於 2016-4-11 09:55
我跑半馬, 今次觀繞同上年調轉, 好像上年好跑些, 沿途補充品有水, 運動飲料, 蕉, ANS的power gel, 對我是足 ...

有橋, 有窄路反過來看是街跑特色

Agree

keuip

上年我比好高分, 但係今年真係好唔得....所以比最低1分

由報名嗰時特登hold 起d位, 已經扣哂分
跟住去取runner pack 又係混亂 p.s. 搞左成45分鐘先拎到bib....

比賽嗰陣重衰
1. 起步後頭5分鐘最少塞左3~4次車要停低 <-- 起跑人流管理差
2. 中途既水站得兩張枱, 極之唔方便。位置指示唔清晰, 有次我重要跑過左先知道頭先有水站.....
3. 同埋每次經過水站, 都要等工作人員慢慢咁倒水

跑完之後又係一團糟, 雖然落雨大家都唔想, 但可以睇到主辦單位好有問題
1. 行李濕晒其他版友都提過, 最離譜係我有朋友排隊拎行李等左9個字
2. **呢個最燥** 跑完隻腳有少少痛, 諗住入急救站搵人幫手。點知…一個急救人員都無, 成個急救站都係避雨既人

其實明知會落雨, 大會係咪要準備下d透明雨衣比跑完既參賽者呢?
錢又收得貴, 但係乜野都無。

toffeerabbit

同上年比, 我覺得上年辦得比較好.   
價錢: $350 太貴
時間: 上年2月, 今年4月比較濕熱
地點: 今年郵輛碼頭外有好多地工程地盤.  仲有最後1K大直路半馬同10K只能迫係一條行人路上.  部份人係行番終點,只能左穿右插跟本無辦法爆埋最後一段!
安排: 大部份水站只有清水供應.  能量飲品唔多.   天文台一早已經預報會落雨但場地完全無作任何準備.  連工作人員都要照頭淋, 更何況參加者既寄存物品.

Samuel

Overall, it is ok.  But it isn't really better than SCM.

Samuel

賽事好塞人，不過已經預咗……
另外我遇到一件非常之唔好嘅事，約7.5km位有位影相師兄，見前面位靚女即打横由左沖出來為靚女影正面大相，但佢咁樣沖出來就幾乎撞到另一位師兄，果位師兄被迫停下都只係哼咗聲，但影相師兄就完全唔知錯……

tsaugary

Samuel 發表於 2016-4-11 11:06
賽事好塞人，不過已經預咗……
另外我遇到一件非常之唔好嘅事，約7.5km位有位影相師兄，見前面位靚女即打横 ...

為咗影靚女，個影相佬可以去到幾盡！

劉小蟲

我只係參加過前年嘅10km，同今年嘅半馬。就咁比較，我覺得第一年嘅氣氛同熱誠好好多；今年好似hea做咁。

1. 好好彩報名同攞runners pack都順利。
2. 事前知道天氣麻麻，行李包幾包，力保不失。不過見到有好多行李浸晒享水塘到，就覺得有啲過份。
3. 女更衣室同樣係沼澤， 基本上係企享水氹上面換衫。
4. 半馬腰斬都係跑完先知，話係為安全，但事實上有好多選手已經享繞道上面。。。
5. 事前知道有部份路面狹窄，有晒心理準備
6. 自備咗運動飲品，所以冇乜靠水站物資。
7. 繞道悶到喊。我估就算唔落雨，大會都無安排打氣團隊。
8. 我享半馬B組，覺得附近跑手嘅質素唔錯。冇乜人自拍／掛住影相，無咁快嘅會靠埋一邊，搶位嘅都唔會太推撞。

總括而言，出年未必會參加。

Johnny1977

總分5 (賽道設計5, 賽事安排6, 日期時間5, 紀念品5,收費4,氣氛5) + 量度距離: 20.98KM  Garmin225

讚: 1) 落雨下, 工作人員濕晒都繼續服務
      2) 安排部分位置打氣, 音樂表演
      3) Shuttle Bus 足夠, 雖然人多, 但都係等左15分鐘左右

彈: 1) 客服差勁, 收唔到電郵通知領選手包, 電話無人接, 留言信箱爆, 無得留言, 電郵又唔覆, 差差差
     2) 之後補救工作差, 大會叫人之後去荔枝角補領, 因我要買車飛, 唔理佢指示, 自己踩上去石硤尾, 照樣可以, 其實叫人直接去埋咪得羅
    3) 比賽前, 天文台已預告落雨, 但係大會似乎無做好應變工作, 睇唔出有任何應變, 結果咪俾人插羅
    4) 賽道設計差, 我見咁多人玩, 早段都唔留力, 跟前一點諗住少人一點, 跑得鬆動D.....頭18K好順利, 最尾3K只能以惡劣形容, 同10K跑手匯合, 人太多太密, 左閃右避, 前面有人急停,攪到我都要急停而引發抽筋及撞到路邊水馬, 之後好彩無事可以繼續跑,但人多而路窄, 怕有意外撞到人, 好無趣地以慢速度去完成賽事
     5) 大會以SMS宣佈取消賽事, 只是表面功夫, 怕有意外而做俾人睇的, 可是跑道上跑手全不知情, 繼續跑, 大會無人通知無安排跑手回程, 這是什麼安排呢?
   
總結: 大會係有心想攪好, 義工都好落力, 可惜高層安排唔夠妥當, 人力又唔夠, 無咁大個頭戴唔穩咁大頂帽, 做得唔夠好羅, 加埋一場大雨, 將本身既不足, 赤裸裸地曝現晒出來, 幸好無大意外發生, 已算不幸中既大幸.....
不過, 跑手本身都有責任, 天文台一早話落大雨, 行理就要帶多個垃圾袋包好, 帶定雨傘, 乾衣服替換, 拖鞋, 唔好一味埋怨賽會, 仲有, 跑得慢就靠邊跑,唔好平排跑, 一來唔會阻住人, 又可減少自己被人撞既機會, 如果跑得慢既, 真心建議隨身袋定一個便利雨衣, 大部分比賽, 取行里時通常都要等好耐, 萬一落雨, 大風, 都可保暖, 唔會冷病, 記住, 大會唔會能夠服侍一萬個跑手, 有時都要靠自己

pnlc@netvigator

跑道多危險位, 取回行李包有點亂, 等很久. 又大雨令跑手感到凍 !

tkorunner

老實說，我很感謝街馬，我是中學老師，已帶領同學參加過三期 （每期八節）的街馬訓練班，
他們會派出專業教練（兩位）指導學生，費用全免。同學還有機會免費參加比賽，我
們曾參加中環和西貢的比賽，今次我校有十位同學參加，其中七位是首次參賽的中二同學，我自己
比錢參與，但不以"比賽"的心情去跑，而是陪伴跑得最慢的中二同學跑 ，雖然 PW ,但
我一點也不介意。所有同學皆能完成賽事，他們未必從此愛上跑步，但相信從受訓到參賽，他們獲益
良多。我以為街馬是一個有心，值得支持的團體。

rushpower

最初唔明點解今年4月咁遲....似乎係因為"東華慈善嘉年華"3月底至完?