升級
100%
TA的每日心情 | 奮鬥 2013-10-9 11:48 |
---|
簽到天數: 1 天 [LV.1]初來乍到
|
推介烏來馬拉松,一個辦得好有heart的賽事。
起步在烏來瀑布,一個環境好靚的鄉村地方,旁邊仲有台車站。
台灣剛剛打完風,烏來係受災區之一,路經都見有橋塌咗,但主辦單位賽前有檢視賽道,確保賽事順利舉行。眼見路邊有塌樹都移埋一邊,電線跌咗落嚟都有吊住咗。
賽前一晚有選手之夜,有飲食,特色攤位和表演。
水站約3k就有一個,大會喺第一個水站派個紀念環保有蓋膠杯比參加者,要拎住跑。但後段咁熱,拎住水跑其實有so!
水站有生果(芭樂、蕉、蕃茄仔)和運動飲料,仲有可樂和涼粉冰,有青檸仔加鹽再加落杯凍水度簡直一流。
沿路係跑上山邊的道路,路經有隧道和橋,其實風景幾靚。賽道比較有挑戰性,上落較多。
6點開跑,大會有安排接駁車在捷運新店站,或在烏來大橋免費上車,巴士好密,大車,座位充裕。而我呢,距離起跑9個字先到,貪快上咗熱心工作人員的摩托車尾。
起步至半程唔算太熱,後半就開始曬,好在水站有水淋和有冰。
沿路有很多攝影師,拍照之餘不忘同你打氣,工作人員曬到傻咗都大大聲同你講加油!
到終點即印cert﹐可加nt100即影埋相,連cert過膠。賽前一件衫,完賽再有另一件,仲有subway三文治,有啤酒飲。另外有coupon可以在現場攤檔買野。
分組獎項多,獎盃和獎品勇士公仔都靚。初馬和百馬都可訂特別獎。
比賽分7k, 42k哈勇組和42+7k勇士組。全馬限時8個半鐘,非常足夠。
7k係個民族女圖案,42k係銀色勇士圖案,參加勇士組就有金色合拼版。獎牌好特別,但停完再跑7km 原來超甘。
現場有台灣跑友分別慶祝100, 200, 300, 500和600馬,大會有特別表揚,仲做埋7k起步嘉賓。
我跑完42k﹐領完獎有好多野,要拎返行李再寄存,但大會工作人員無怨言,仲關心你,見我罐運動飲料剛飲完,送咗自己果罐比我。
比著日馬、歐、美馬實say no﹐ 港馬直頭會鬧你。
總括而言,大會好有人情味。呢啲係日馬和歐洲馬比唔上。 |
|