香港長跑網  - 長跑長友

 找回密碼
 註冊
搜索
查看: 1360|回復: 21

匈牙利,布達佩斯馬拉松 (Spar Budapest Marathon 9.Oct.2016)

[複製鏈接]

升級   89%

該用戶從未簽到

發表於 2016-6-17 16:46:27 | 顯示全部樓層 |閱讀模式
本帖最後由 brompton 於 2016-6-17 16:48 編輯

已報。有無師兄師姐,有興趣?

http://runinbudapest.com/

去玩三星期,跑完會去巴爾干半島玩。會租車和帶單車去玩,路線未定。坐德航,來回HKD5,119(已包含稅項)。

點評

Like: 5.0
Like: 5
  發表於 2016-6-17 21:43
Like: 5
  發表於 2016-6-17 20:51

升級   100%

  • TA的每日心情
    開心
    2013-10-15 07:26
  • 簽到天數: 7 天

    [LV.3]偶爾看看II

    發表於 2016-10-10 08:14:39 | 顯示全部樓層
    brompton 發表於 2016-10-10 03:07
    我明天就會離開Budapest, 渣車去Croatia, 十六湖境區。明天才開始我旅遊行程。

    十六湖我所知都有馬拉松, 見有旅行社下年攪, 不過就六月, 你可以感受下個環境, 下年再返去跑~~~

    升級   89%

    該用戶從未簽到

     樓主| 發表於 2016-10-25 11:50:17 | 顯示全部樓層
    本帖最後由 brompton 於 2016-10-25 11:57 編輯

    係Alps山區,住係差唔多到二千多米。一般行動,唔覺乜野。有一日,我們係瑞士行山,由二千米行上二千五百米,就真係覺得有影響。條山路有cable car上,我們本著有體能,就行上去。由paved road,行到行山徑,由行山徑行到泥石流影響的地區!

    行行下,已覺唔係好夠氣,條路都幾斜,亂石又多。而且,時不時有分叉,加上,無乜人行,可能個個都係坐cable car上,冷冷清清。行左一小時上山,由森林行到上小草原,又由小草原行到無晒植物,進入泥石流的地區。我行行下,覺得危險,就找旅遊的路線圖,轉去另一條長d的上山小徑,繼續山上行。行一百幾十米,就停下黎,豆豆氣。行下,又豆下氣。覺得,雖然祇有二千多米,行上山的行動,已有影響。

    行了兩個半小時,行到山上的cable car terminal。然後坐cable car落山。沿塗上山,風景好靚,唔似係真。辛苦得黎,值得。

    升級   0%

  • TA的每日心情
    開心
    20 小時前
  • 簽到天數: 1143 天

    [LV.10]以壇為家III

    發表於 2016-6-17 20:51:48 | 顯示全部樓層
    多謝分享資訊

    升級   89%

    該用戶從未簽到

     樓主| 發表於 2016-6-29 18:56:28 | 顯示全部樓層
    本帖最後由 brompton 於 2016-6-29 19:17 編輯

    已訂係Budapest的民宿,行幾分鐘就到英雄廣場的起步點。每人每晚HKD180,民宿係豪宅區,吳算貴。係起步點,有不少民宿可以選擇,但要有免費停車位,就吳多。我睇過係市中心的背包旅館,一般都係HKD100每人每晚。當然,租整間民宿,會舒適好多。
    我係Budapest機場纙租車,所以一定要租一間民宿,可以有埋car parking。如係市中心的旅館,泊車要泊收費停車場,咁就吳係好化算。租車,都吳貴,我租全程三星期,都係六,七仟,已大大架。
    Spar Budapest Marathon, 係比較上冷門。但我未去過東歐,想去玩,才會報。一般香港的跑手,應該無乜興趣。我睇條賽道,係Danube River兩旁,來來回回爬爬走,繞著市中心走,應該幾好feel。好過一嘢就跑上高速公路,或入suburb,了無人煙。
    跑完人生必跑的波士頓之後,己無乜鬥心,都係本著"開心完成,享受過程"的心態。好好利用今次旅程,睇下東歐的今時今日。旅遊的目的,大過要做什麼BQ或PB。
    我不喜歡跑完即走,到此一游的安排。例如,去一個星期,跑完急急腳走的安排。當然,要有長長長假才可以每次都可以玩三星期。係香港,為口奔馳,吳係咁多跑手可以慢慢玩,這是可以理解。

    升級   89%

    該用戶從未簽到

     樓主| 發表於 2016-10-6 00:34:55 | 顯示全部樓層
    本帖最後由 brompton 於 2016-10-6 00:41 編輯

    飛了十三小時,到左匈牙利,布達配斯。由香港二十六,七度,氣溫,一下子降到晨早的四度,中午都係得十度咁上下。

    係機場鑼左架車,胡下胡下咁渣入市區的民宿。係飛機上,訓吳好,蒙蒙龍龍。民宿好近起步點,行幾分鐘就到。安頓好之後,就開始市內單車遊觀光。全市都有單車徑,好踩。所有境區,都由單車徑串起。

    明天,就渣車去郊外玩,睇下有無時間去鑼選手包。鑼選手包係起點隔離,即係我可以踩架單車去鑼。方便
    係市內,吳見有乜人訓街,難民,之類。民宿主人講會有扒手,小心坐公交。但治安無問題,出夜街問題都吳大。戶主咁講,都放心。

    係市內,馬拉松會跑過的街道,吳見有宣傳馬拉松的banner。我係多腦河旁踩單車,都吳見人跑步。吳似係西班牙,勁多人練跑。想必,布達配斯運動的氣氛,祇是一般。

    升級   100%

  • TA的每日心情
    開心
    2015-7-14 15:07
  • 簽到天數: 1 天

    [LV.1]初來乍到

    發表於 2016-10-6 14:00:01 | 顯示全部樓層
    漂亮的城市,  enjoy it.

    升級   89%

    該用戶從未簽到

     樓主| 發表於 2016-10-7 02:38:02 | 顯示全部樓層
    本帖最後由 brompton 於 2016-10-7 02:54 編輯

    今天渣左架車去Budapest以北的Eger玩。Eger係1550年,匈牙利抵禦土耳其人入侵,打過一場非常慘烈的戰爭。

    本來預備係Eger碳下出名的正宗土耳其沖涼和按摩。沖涼加50分鐘按摩,都係收$200HKD。高級會所內,咁價錢真抵。可惜,踩單車踩到忘曬形,而且Eger境點都頗多。吳夠時間玩土耳其浴。就要急急渣車回Budapest。
    匈牙利渣車,d人好急和燥。吳讓,要扒頭,無耐性。所以,我係匈牙利渣車,要好留意路面。吳似得係瑞士,德國,司機禮讓。路面的情況,有些路段,可以用差黎形容。窄和路面不平。可能,窮和落後的關係。但單車徑就出奇咁靚,好過香港多多聲。但跑步徑,就一條都未見過。今日係Eger的公園,祇見有一個靚女,係度練減肥跑。想必,係匈牙利,跑步係無乜市場。

    升級   89%

    該用戶從未簽到

     樓主| 發表於 2016-10-8 01:33:47 | 顯示全部樓層
    本帖最後由 brompton 於 2016-10-8 01:44 編輯

    今日去左英雄廣場鑼選手包,check一check有幾多HKG的跑友黎跑全馬。我就咁粗略睇,吳見有。隨左我個名之外。匈馬係屬於小型賽事。吳係,應該係話蚊型賽事才對。係布幕會場,吳好expect有什產品展。一睇望曬,係無嘢睇。鑼完選手包,就應該走頭。今日全日又係踩單車,遊覽市內,多腦河兩岸的境點。Budapest, 真係幾靚,我覺得靚過布達配斯。用單車來來回回過河橋,又去皇宮,又去議會,又去教堂,又去漁夫堡。玩到黃昏,可能比跑個全馬還累。走左去New York Cafe, 食靚靚hi tea。如果無架單車,隻腳實跛。

    匈馬,睇youtube上的快速賽道review, 應該係近乎全平。大直路多,U Turn都有幾,可接受。吳似得悉尼馬,轉彎轉到頭雲。

    升級   89%

    該用戶從未簽到

     樓主| 發表於 2016-10-8 14:32:55 | 顯示全部樓層

    升級   89%

    該用戶從未簽到

     樓主| 發表於 2016-10-9 01:46:46 | 顯示全部樓層
    本帖最後由 brompton 於 2016-10-9 01:54 編輯

    今日渣車去左Visegrad和Szentendre玩。參觀堡壘和從堡壘下望多腦河。係餐廳食左,鵝肝,鴨胸,鹿肉和匈牙著名的牛肉湯。好好食。煮食的味道和香港的不同,是匈牙利風味。

    係Szentendre, 就沿著多腦河旁,踩了二十公里單車徑。風景一般,但單車徑頗靚。有不少遊人係度踩單車。
    大會派左張大食券,給每個全馬的參賽者,可以係起步區的布幕內,食餐勁Carbo Load。這個安排和波士頓馬拉松一樣。但我今晚吳去,因要去Budapest河旁睇夜景。這裡的夜境,吳錯。同德國的Dresden,有得揮。

    Budapest的旅遊,主要係多腦河兩岸。明天的馬拉松,就全封兩岸,讓俾馬拉松的比賽,當局真係吳話得。多腦河兩旁,游人頗多。如封左給馬拉松,會掃遊人的慶致。

    升級   89%

    該用戶從未簽到

     樓主| 發表於 2016-10-9 23:17:28 | 顯示全部樓層
    本帖最後由 brompton 於 2016-10-9 23:20 編輯

    PB天氣+PB賽道,勁好跑。不過,我做吳到PB :-)。我黎時以為蚊型賽事,原來個規模起澳洲悉尼還要大。大會安排,好有氣氛。流程又暢順。個終點的嘉年華會,勁多嘢試食。同香港的美食節,迷你版。沿途,市民+大會安排的助興,足夠精彩。
    我俾這個賽事安排,近滿分。Highly Recommended。
    不過,係歷史名城的馬拉松,跑馬要留意地面。因為,有不用的地面情況要留意。吳係會一嘢仆親。水站多,能量嘢又任食。可以乜都吳洗帶係身。一起步,就無人阻,自己幾快幾慢都得。

    點評

    恭喜完賽啊, 有無完賽牌睇下啊?  詳情 回復 發表於 2016-10-10 00:59

    升級   100%

  • TA的每日心情
    開心
    2013-10-15 07:26
  • 簽到天數: 7 天

    [LV.3]偶爾看看II

    發表於 2016-10-10 00:59:33 | 顯示全部樓層
    brompton 發表於 2016-10-9 23:17
    PB天氣+PB賽道,勁好跑。不過,我做吳到PB :-)。我黎時以為蚊型賽事,原來個規模起澳洲悉尼還要大。大會安 ...

    恭喜完賽啊, 有無完賽牌睇下啊?

    升級   89%

    該用戶從未簽到

     樓主| 發表於 2016-10-10 03:06:07 | 顯示全部樓層
    longrun網,上載圖好煩,個size好細。影左好多跑相,因size吳符合longrun網要求,上吳到。如果要我逐張相做resizing, 邊有咁多時間?好心longrun網就吳好限相size, 限到咁細。因為咁,我就廢事上載相片。

    升級   89%

    該用戶從未簽到

     樓主| 發表於 2016-10-10 03:07:48 | 顯示全部樓層
    我明天就會離開Budapest, 渣車去Croatia, 十六湖境區。明天才開始我旅遊行程。

    點評

    十六湖我所知都有馬拉松, 見有旅行社下年攪, 不過就六月, 你可以感受下個環境, 下年再返去跑~~~  詳情 回復 發表於 2016-10-10 08:14

    升級   89%

    該用戶從未簽到

     樓主| 發表於 2016-10-12 03:48:31 | 顯示全部樓層
    本帖最後由 brompton 於 2016-10-12 03:50 編輯

    昨天到左克羅地亞,Zagred首都。市內古跡無乜睇頭。都係教堂,市集,議會之類。睇過德國,奧地利,法國個D, 克羅地亞,屬於窮鄉。規模難以同以上的國家比。

    今日就到左克羅地亞,十六湖境區。我訂了境區內的民宿。每人每晚,約$150港紙。係境區內,可以係民宿行入境區。今天,天氣吳好,有雨有霧。溫度得4度,陰陰沉沉。明天就會係境區,玩一天,希望天氣好些。係十六湖住二晚,多點遊覽的機會,行多幾條線。吳似得東歐的旅行團,兩小時就叫人走。

    升級   89%

    該用戶從未簽到

     樓主| 發表於 2016-10-25 11:14:31 | 顯示全部樓層
    本帖最後由 brompton 於 2016-10-25 11:45 編輯

    昨天玩完,返左黎。好彩係十六湖期間,陽光普照。今年歐洲,陰晴不定,今日好天,明天可能下雨。從克羅地亞,去斯洛文黎亞的"碧湖",再去意大利的米蘭,和意大利/瑞士/奧地利的Alps的山區。總共二十一日的旅程。

    全程全包,約$16,000,有找。都算,經濟。

    係Alps山區,橫跨意大利/瑞士/奧地利,風景如畫,去左Heidi,飄零燕的故鄉。日日我們都住係Heidi的山區,日日都見Heidi見到的牛牛羊羊,日日都見Heidi見到的雪山,日日日都見到Heidi見到的湖,日日都見Heidi見到的大高原草地。係近期"Heidi"的電影,我就係日日見到咁風景。同係歐洲平原見到的,十分唔同。

    係Alps山區,路窄,灣多。有很多路段是祇夠一部車過的雙程來回線,渣車頗感危險。而且,髮夾灣,係常態,其他的急灣,多不勝數。自駕遊要陪加小心。有一日,因行程緊密,趕唔到天黑前到民宿。Miss左兩個路口之後,GPS就recalcuate個導航,竟然帶左我入了一條已經荒廢了的山路。天已黑,我無法評斷條路的危險性,就轉入左去。行了幾個彎之後,路越黎越窄。兩旁的樹木和旁支,已經生出兩邊的路面。路面已由paved road變成unpaved road,而且係以1:6上斜。車內的滑胎顯示燈,不停的閃動,係車內亦感受到車胎不斷咁打滑。當時,亦下著霧霧雨。髮夾灣,急彎,唔知過了幾多個。車速,得十多公里,祇可用一波。就算打晒高燈,都睇唔到清楚條路,因為,樹木/葉係兩旁已伸出路面,好難睇條路係轉邊?我聽到,GPS發出指示:"Continue on the road for the next 2KM",我們當堂嚇死。每段直路,唔夠十米,就要轉彎,還要行兩公里,今次實死。一邊係山邊,另一邊,除左樹木,就係萬丈懸崖。

    全車人,相當緊張,幫忙睇路。時不時有人,大叫,"死喇!唔好貼到咁埋!",又或者,"前面睇唔呀,轉左定轉右?",又或者,"好危險呀,一條胎已行左落路邊!"。樹枝/葉,不停擦打在車身兩邊,發出恐怖的聲音。亦有團友問白癡問題:"可唔可以立刻掉頭?"。條路連一架車行,都唔係闊,還要求立刻掉頭?好不容易,才崖到出大路,全車歡呼!
    去到民宿,我們同屋主講由這條爛山路上黎,她不斷做祈禱的手勢。她用唔知乜話,不斷表示,這條路唔得,唔得。

    升級   89%

    該用戶從未簽到

     樓主| 發表於 2016-10-30 20:06:14 | 顯示全部樓層
    本帖最後由 brompton 於 2016-10-30 20:19 編輯

    去玩十六湖馬拉松,不需要跟團。係克羅地亞有大巴直到十六湖境區入口。係入口處就有兩間賓館,非常方便。可以係首都Zegrad,住玩兩三日,然後才坐大巴去十六湖,完左馬拉松之後,進入境區玩一日,然後坐大巴回Zegrad,再去Dubronvnik玩幾日,然後回Zegrad走頭。

    如果咁行程,七、八日,足夠。飛機票約五仟經經濟濟,住約$200一晚,食好平,出街食克羅地亞餐,平到笑,有餐湯有包有大大塊肉有甜品。約四五十蚊,十六湖入場費$100。一萬蚊,應該有找好多。
    克羅地亞,治安無問題,放心。

    升級   89%

    該用戶從未簽到

     樓主| 發表於 2016-10-31 10:32:29 | 顯示全部樓層
    本帖最後由 brompton 於 2016-10-31 22:49 編輯

    克羅地亞,英文溝通並無問題。我同民宿主人聊天,他說英文是必修語言,教育為了配合國際化,把英文列為必修。我係市場買嘢,行街問路,都係英文。買嘢又平,食住又平,我預平均$200一晚民宿,己經係預多左。克羅地亞,人民友善,面帶笑容。比起港人,友善好多,可能克羅地亞,入了歐盟,全面向世界接軋。
    我又問巴爾干半島內戰時的情況,他說Zegrad祇是小部分地區,被空襲過,沒大影響。
    克羅地亞旅遊,十六湖係主菜,如果跟團,要問清楚是否行上中下三個湖區?因我遇到的旅行團,他們說祗是行下湖區。上中下湖區,要行一日,要自由行才有足夠時間。報團時,這點要留意。十六湖區,除了可以一般的觀光行之外,還可以越野跑。有幾條越野路,擇。當然又係自由行才有時間咁做。
    另一個旅遊點,就是Dubronvik。我無去,但去過的朋友說,無去是損失。克羅地亞,到處都有wifi,係十六湖入口處都有免費wifi。無需係香港買或租wifi蛋或儲值咭。

    如有意去跑克羅地亞馬拉松,可參考以上的資料。克羅地亞自由行,好易,可能易過返深圳就算單拖去,我都覺得安全上無問題,可能安全過單拖返大陸。如果是女跑手,可能還有驚喜,因為克羅地亞,男人一般都靚仔,對東方女性,熱情。我今次的女團友們,爭住同靚仔服務員影相。我笑說,係吳係在香港餓了好耐?她們說,真係好靚仔嫁。我以男性的角度,都覺得一般。女團友們,開心左成個團,話,下次再黎。俾她們吹脹。

    克羅地亞,有亞洲人血統,如蒙古,混合白種高加索人。所以克羅地亞餐,係帶白飯。我初時覺得奇怪,點解吳係配potato?克羅地亞人,可能係中國人的遠房親戚。自由行,就可以細賞當地的風土人情,如跟團,祗可到此一遊。

    升級   89%

    該用戶從未簽到

     樓主| 發表於 2016-11-3 10:31:18 | 顯示全部樓層
    本帖最後由 brompton 於 2016-11-3 10:52 編輯

    睇過某旅行社安排的十六湖馬拉松團,上午跑馬,下午入去十六湖行。無一整天的時間行,吳可能行完上中下湖三個區。加上,園區內的船仔五時三十分就尾班船,限制左遊覽的時間。早上,下午,陽光照射的方向吳同。如下午去最靚的下湖區,影瀑布就會背光。影出黎吳靚。

    跑完馬,才安排行湖,吳會有乜時間去遊覽,園區就關門。一般去完十六湖旅行團的,十個有十個話,十六湖吳夠中國九寨溝咁靚。可能同旅行社祇安排下午遊下湖區,有關。去九寨溝,旅行團會安排一整天,不同。下午,下湖區全部背光,湖底的藍綠,吳顯。跑完馬,跑友加上遊人,必迫爆,影人頭可能易過影瀑布。最好的安排是,跑完馬第二日,才安排團友有一整天的時間去慢慢遊上中下湖區。
    不過咁講,跟團有跟團的方便,自由行有自由的煩惱,各適其適。



    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2016-12-7 20:34 , Processed in 0.188291 second(s), 26 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表