|
發表於 2008-12-19 10:32:19
|
顯示全部樓層
原帖由 vhtober 於 2008-12-19 00:19 發表
即係偏平足....左腳已經差到無左個arch 位la~d骨都 "dim"地咁~~~右腳就仲有一少少....不過都不多la~~你呢batbat, 你都有e個問題要多留意ar~有無大腿外有時痺痺酸酸痛ar, 係同隻有問題既腳同一邊wor~
家姐話.. ...
VV, 我都一樣係禽晚大修咗嚟, 呢幾日我7吓7吓返工, 夜晚又抽唔到時間去睇EC, 睇住隻腳一日比一日腫, 由唔覺腫變一部分腫, 再變半隻腫, 去到EC果陣時, 成隻腳已經腫晒, 行到都已經算係奇蹟. 一check之下, 發覺原來係連接盤骨與大腿骨嘅ball socket移咗位, 可能係好耐之前的一次意外撞擊造成, 因近期另外一D event 而trigger咗出嚟, 以致左腳要就個傷, 就變得同扭傷一樣腫痛, 再遲D唔攪, 可能會影響前列腺~~
被EC拗番正條腿之後(第一吓都痛到彈起gar~~), 佢又睇到我個牙較亦都移咗位, 同我較番正個下巴牙較,唔係又會影響個頭同腳, 見我隻腳依然好痛未去瘀, 就搵咗一堆針一齊吉落去, 然後用吸盤吸走滲出嚟嘅瘀血, 足有半支益力多咁多, 痛死我~~
跟著發覺我左腳因以往行山走得多凹凸不平嘅山路, D腳骨堆埋一齊堆實咗, 就同我用針灸將該處筋骨整番鬆D, 佢支針4吋半都有囉, 我問佢吉咗幾多落去, EC話大半支啦, 我感覺到佢係我D骨同骨之間撩吓撩吓, 真係撩咗好耐(有5-10min), 痛到我面容扭曲, 有時真係忍唔住叫咗幾嘢~~ 成腳真係比佢做到冇晒力軟晒, 比吸瘀血更加痛, 中途仲識講吓笑, 我都覺得算係咁啦~~
全程連休息時間一共做咗兩個幾鐘, 其間EC多次叮囑最少一個月不能跑步, 游水, 不能做stretching, 唉, 我D獨木舟trip呀, 長跑課呀, 仲有我好想跑嘅美記半馬, 全部都如煙幻滅, 差D連渣打都冇得跑, 依家就算要跑都一定要就住, 唔能夠做好個成績, 所以睇嚟我都要被迫消失一段時間, 到時又要由頭慢慢開始操過, 唉, 真心傷~~ |
|