湖南長沙有「火爐」之稱,夏天閒閒過40度,呢排初夏都35度。不過,當地搞咗場千人參加嘅10公里賽事,竟然無水補給,搞到有長跑高手嚴重中暑,昏迷不醒。 據傷者親友公開貼文透露,6月19日父親節,當地電視台喺市內公園舉辦咗一場10公里賽,有一千人參加,不過就有好多問題: - 起跑時間係下晝5點,亦係當日最熱嘅時間;
- 大會只有贊助商派發嘅紅豆汁同綠豆汁,沿路並無飲用水補給;
- 主辦大會並無安排醫護人員;
- 傷者入院,主辦單位並無任何協助。
[size=0.75]右邊兩位拎住嗰罐,就係大會派發嘅紅豆汁綠豆汁。
而中暑呢位跑手,係當地跑團嘅團長 ,長跑經驗豐富,而佢嚴重中暑之後,隨即入院。醫生話救得番嘅機會只係一半一半。而呢位團長,仔細老婆嫰,老婆仲係大緊肚。
對團長家人最無助嘅係,佢哋已經無力負擔之後嘅醫療開支…… 主辦大會喺酷熱天氣搞比賽,又唔做好準備工作,當然應該被指責,而團長因為咁而中伏入院,更加係人間慘劇! 不過,主辦大會堅持唔給予協助嘅原因,係因為呢位團長其實並無報名,佢只係參加「霸王」比賽,所以保險唔受理…… 唉,呢個先至係真正嘅慘事! 資料來源:騰訊網 http://fitz.hk/sports/running/%E8%B7%9110k%E8%AE%8A%E6%A4%8D%E7%89%A9%E4%BA%BA-%E9%95%B7%E6%B2%99%E6%AF%94%E8%B3%BD%E7%84%A1%E6%B0%B4%E9%A3%B2%E6%8D%B1%E8%BD%9F/
|