2017.11.19 神戶馬拉松

brompton

跑完神戶馬後，跑友告知睇runner's pack才驚覺祌戶馬不是標準的42.195KM，而是多左約200米。但神戶馬我報名時個網站卻"誤導"，大大隻字寫著是42.195KM Full Marathon。我覺得係有"不實"的成份。神戶馬，當然也不是什麼金，銀或銅，的認證賽事。如果賽道，不是42.195KM，但用上"Full Marathon"的名字，是否"故意誤導"？

"神戶"有"神戶制鋼"被發現做數，今次，又多一個"神戶馬"。日本quality的金漆招牌，可能要掉漆。這個賽事的成績，應該不可能被認可，祇可當fun run。


講番個賽事。開賽時間的安排，跑者分流，跑手包寄存，分時段起步，都係一流水準。但男廁，嚴重不足，等半小時以上，閒閒地。賽道路面好，頗闊，我跑的時段，無出現人塞人，或給人阻路。一起步，基本上可以自由跑。頭19公里，賽路頗平坦，但都係有點點的上落，坡度少。係約19公里折返回程，路面多上上落落。唔係上就係落。這些上上落落，消耗不少體力。跑到約39公里後過橋，上完一個坡又一個坡再黎又一個，頗考驗意志力。我嚴控pacing，才可以，前和後半程時間一樣。後半程祇慢前半程兩分鐘。其實，可能我後半程係無慢到，因為賽道係多左200米。



完賽的安排，亦相當好。集合場地的安排，跑手鑼回選手包，派送食物，獎牌，樽裝水和毛巾，都滿意。

lemonrunner

師兄，我都跑咗，請問 Runner's Pack 邊度有寫?

brompton

lemonrunner 發表於 2017-11-22 08:57
師兄，我都跑咗，請問 Runner's Pack 邊度有寫?

我掉左runner's pack無睇，以為是一般資料，跟大隊行。跑完，同跑友傾開，幾個跑友都話，係多左200多米，有印住係information/runner's pack。我初時聽一個跑友講，我唔係好信。第二個跑友答咀，話，係多左兩百米。還叫我唔好死唔信，information/runner's pack內有寫。

"神戶馬"真鬼鼠。我verify跑友們的口頭資料，再翻查報名網站和網上的資料，完全無提到係多左兩百米。網頁上全是顯示著42.195 Full Marathon。晚上，慶功宴，跑友又傾這個不是42.195的問題。好似全世界人都知，係我唔知咁樣。

我初時以為，跑友的Garmin/Polar/GPS唔準，量度上出現多左兩百幾米的問題。我重話，GPS當然有偏差。但係，他們都說係印係information/runner's pack內的，白紙黑字。

這個賽事，如果網頁上打明不是42.195KM，我會選擇不參加。因為，不是標準賽路，祇是Fun Run。就算賽事，不是金，銀，銅認證，我都無所謂。所以，各Bro/Sis，日後參加日本賽事，應先問下跑過的，不要全依賴網站上的資料。因為，"神戶制鋼"和"神戶馬"，有版你睇。

如果無金，銀，銅認證的，就更加小心，以免賽事不符合自己的參賽的目的。例如，想做PB，或做時間去參加Boston Marathon，就一定要睇清楚，問下跑過的朋友。

"神戶制鋼"和"神戶馬"事件，顯示日本Quality不必然是信心的保證。我跑國外的賽事多年，都係第一次，係網頁內和information/runner's pack係距離上資料有差別。如果香港渣馬出現咁情況，我唸，又會叫人(乜官員)落台，話什麼國際大笑話，又話什麼大陸化呃人，等等。

(P.S. 今次事件之後，我開始懷疑我係神戶食的"神戶和牛"是否是真的"神戶和牛"，又或者，是否食對了級數？日本野，信唔過。)

坑口公牛

brompton 發表於 2017-11-22 11:18
我掉左runner's pack無睇，以為是一般資料，跟大隊行。跑完，同跑友傾開，幾個跑友都話，係多左200多米， ...

我冇掉到，請問係日文版還是英文版有講?

lemonrunner

我揾返Numbercard Voucher，寫住42.230KM! 不過大會網頁嘅Official Results話個course 係由 Japan Association of Athletics Federation and AIMS certify 嘅， 所以可能最後都其實係42.195。 我跑得慢，跑多啲冇所謂。不過如果係為咗做時間而去跑，但係因為距離有錯而成績不被承認，就可能幾冇癮！
TOP 300 results http://www.kobe-marathon.net/2017/news/detail_20171119_011.html

Rhys

多左我冇所謂，少左就唔太好，反正我亂咁跑，次次都跑多K幾出黎，旅遊跑開開心心完成神戶馬氣氛都唔錯，天氣又好，風景唔差，會推薦！

坑口公牛

lemonrunner 發表於 2017-11-22 12:49
我揾返Numbercard Voucher，寫住42.230KM! 不過大會網頁嘅Official Results 又話個course 係由 Japan Assoc ...

我係42.235KM喎，點解我要跑多5米，但係又比其他師兄跑少160米?
大家都係俾咁多錢報名費，有啲人跑多啲，有啲人跑少啲，咁唔公平!

lemonrunner

wlau 發表於 2017-11-20 10:20
你可以去DOWNLOAD 番佢有個追蹤選手既PROGRAM , 睇到你完賽時間..

呢個app: https://runnet.jp/ouen_navi/kobe2017.php

坑口公牛

多咗200米，誤差0.474%，每公里多4.74米，外圈過灣都唔只呢個誤差，何必咁執著。

wallacehung

brompton大大，既然己經跑咗，已經返唔到轉頭，好好感受賽道上o既氣氛，留個美好回憶。另外想推薦大大，如果想造PB，可以考慮柏林馬拉松，幾位朋友玩過全部PB返嚟，佢哋話因為條賽道暗斜落，所以好多人用嚟衝QB去報波士頓馬拉松。

brompton

wallacehung 發表於 2017-11-22 21:56
brompton大大，既然己經跑咗，已經返唔到轉頭，好好感受賽道上o既氣氛，留個美好回憶。另外想推薦大大，如 ...

謝資料。柏林馬已經跑過，當年未能做出PB。主因自已的pacing做得唔好，訓練不全面，哩數唔夠，等，加上環境因素，例如，我的起步區勁多人，全程坐包廂。PB未能如願。

幾年後，我係Barcelona Marathon，做出PB，兼跑出波士頓時間。亦於2016年，開心完成Boston Marathon。

今次跑"神戶馬"，整體感覺唔錯，但祇是驚覺"神戶馬"的網上資料，不乎合實際賽道，有些"說明失實"的感覺罷了。加上近月有"神戶制鋼"事件，特別對日本做假，敏感。

經過今次之後，將來的網跑友已知道，"神戶馬"不是標準的42.195km，如仍然報名去，咁就無問題。

(P.S. 我係神戶某和牛店，照住"導魚瘋"的旅遊建議食左和牛鐵板燒。又中伏。陰公。所以又懷疑"神戶和牛"是否"神戶和牛"，又懷疑所食的級數是否我order的所要級數？)

wlau

其實佢係日本JAAF 同 國際既AIMS 認證, 如果唔係標準42.195 會嘈得好勁, 因為日本陸連會計比賽成綪做分數, 而AIMS 亦係國際認可報波馬成綪用既, 跑多幾百米就咁無左BQ , 你估D 人唔剷到神戶馬官方飛起, 兩年前橫濱無42.195, 都攪到要出來公開道歉, 現在除左我地某D 香港人出聲, 無其他地方既人出過聲, 而且好大機會係JTB 報名系統問題(JTB 只係代報名既系統, 張選手通知書都係JTB 代出, 唔係神戶官方出),  我出42.670 添, 可能係我G 組出發, 佢報我計埋行到去起點地方呱,.. HAHA 香港人, 唔好成日諗埋一邊啦..
同埋... 其實JTB 一路都有D RUNNER GUIDE DOWNLOAD, 佢通常KEEP 一年, 我連上年既福岡, 今年年頭既姬路城RUNNER GUIDE 都仲可以DOWNLOAD 番, (上年年頭既德島, 前年金澤就無左)既想CHECK 番今年神戶RUNNER GUIDE 點寫, 可以上網DOWNLOAD 睇...我自己睇番佢官方RUNNER GUIDE, 第一句就寫明42.195 公里.

wlau

brompton 發表於 2017-11-23 08:42
謝資料。柏林馬已經跑過，當年未能做出PB。主因自已的pacing做得唔好，訓練不全面，哩數唔夠，等，加上環 ...

其實唔係標準似係你自己諗....

坑口公牛

wlau 發表於 2017-11-23 11:18
其實佢係日本JAAF 同 國際既AIMS 認證, 如果唔係標準42.195 會嘈得好勁, 因為日本陸連會計比賽成綪做分數,  ...

水哥，你多我435米，賺咗喇!
我要向大會投訴，我要佢嘔番個差價137.6yen俾我!

Rhys

唔知幾時有證書download

ericng1026

經JTB報名的，12月下旬有得download

wlau

今日可以入番JTB DOWNLOAD 證書啦..

Rhys

wlau 發表於 2017-12-20 17:44
今日可以入番JTB DOWNLOAD 證書啦..

謝謝，快ｄ print 出黎先