香港長跑網  - 長跑長友

 找回密碼
 註冊
搜索
查看: 1766|回復: 25

2018.05.06 溫哥華馬拉松(Vancouver Marathon)

  [複製鏈接]

升級   100%

  • TA的每日心情
    開心
    2013-10-15 07:26
  • 簽到天數: 7 天

    [LV.3]偶爾看看II

    發表於 2017-8-8 15:24:25 | 顯示全部樓層 |閱讀模式
    本帖最後由 wlau 於 2017-10-13 17:53 編輯

    係北美洲, 有好多唔同既馬拉松可以選擇, 其中係加拿大每年既五月第一個星期日會有兩個大城市同時間舉行馬拉松, 分別係溫哥華同多倫多馬拉松, 兩隻都係IAAF 既金LABEL 賽事, 賽事分為全馬, 半馬, 8K, 接力同FUN
    KID 五個賽事,  適合一家大細去比賽, 以下為溫哥華馬拉松既官網, 有與趣可以留意下..

    http://bmovanmarathon.ca/

    點評

    Like: 5.0
    Like: 5
      發表於 2017-8-10 09:59
    Like: 5
      發表於 2017-8-8 21:37
    Like: 5
      發表於 2017-8-8 15:37

    升級   4.7%

    該用戶從未簽到

    發表於 2018-5-26 19:12:39 | 顯示全部樓層
    本帖最後由 brompton 於 2018-5-26 19:13 編輯

    今次睇唔到極光,可能要找個北歐馬拉松,去了下心願。全各地跑馬,係我的夢想。但時間太少,地球太大,夢想太多。無法,盡做。

    點評

    Like: 5.0
    Like: 5
      發表於 2018-6-2 18:21

    升級   0%

  • TA的每日心情
    奮鬥
    22 小時前
  • 簽到天數: 1856 天

    [LV.Master]伴壇終老

    發表於 2017-8-8 15:36:53 | 顯示全部樓層
    多謝分享資訊

    升級   100%

  • TA的每日心情
    開心
    5 天前
  • 簽到天數: 1058 天

    [LV.10]以壇為家III

    發表於 2017-8-9 00:41:58 | 顯示全部樓層
    多謝分享

    升級   9.2%

  • TA的每日心情
    開心
    昨天 21:11
  • 簽到天數: 56 天

    [LV.5]常住居民I

    發表於 2017-8-13 09:18:49 | 顯示全部樓層
    thanks for sharing

    升級   4.7%

    該用戶從未簽到

    發表於 2017-10-10 12:52:21 | 顯示全部樓層

    Vancouver Marathon 2018/5/8

    本帖最後由 brompton 於 2017-10-10 12:56 編輯

    已報全馬。來回溫哥華機票,$4250,連稅。全個行程三個星期才回港。初步構思係去國家公園行山,和,去黃刀鎮睇北極光。
    都係機場鑼租車,住民宿。跑完馬,就渣住架車去BC省的國家公園遊玩和行山。玩完就機場還車,坐內陸機去黄刀鎮。回程就返港。

    點評

    Like: 5.0
    我都打算報, 仲未攪添..  詳情 回復 發表於 2017-10-13 17:54
    Like: 5
      發表於 2017-10-13 17:42

    升級   100%

  • TA的每日心情
    開心
    2013-10-15 07:26
  • 簽到天數: 7 天

    [LV.3]偶爾看看II

     樓主| 發表於 2017-10-13 17:54:12 | 顯示全部樓層
    brompton 發表於 2017-10-10 12:52
    已報全馬。來回溫哥華機票,$4250,連稅。全個行程三個星期才回港。初步構思係去國家公園行山,和,去黃刀 ...

    我都打算報, 仲未攪添..

    升級   4.7%

    該用戶從未簽到

    發表於 2018-3-16 18:30:03 | 顯示全部樓層
    本帖最後由 brompton 於 2018-3-20 18:30 編輯

    買左Hong Kong Air來回溫哥華飛機票,連稅,直航,$34xx。真係超抵。再買埋由溫哥華至Alaska飛機票,坐加拿大航空$3000,來回,連稅,直航。平到唔信。時間好,無浪費。初前唸住去黃刀鎮睇極光,但check過,五月已經無得睇。所以改去Alaska玩。係溫哥華訂左四晚住宿,係起步點和終點的中間位置,$200每人每晚,價錢接受得到。
    計劃係,五日前飛到溫哥華,適應下天氣,跑完的星期一就係市中心鑼架車,渣去Banff國家公園,玩。玩完,渣番架車去溫哥華機場,直飛Alaska。然後,又係Alaska機場鑼架車,渣去國家公園。睇冰川,遊冰湖,坐Alaska觀光火車。

    我睇過如果跟團,去曬咁多境點,咁玩法,要八,九萬都唔得。我預算自由行,全費約三萬,唔貴。玩二十三日。會帶埋航拍機去影風景。係網上登記航拍機,但國家公園內就一定禁航拍。去加拿大和Alaska行山,唔同一般地方,有熊出沒,這點要非常留意。會盡量跟導賞團或有當地導遊的行山團,比較上安全。
    Alaska,細細個,已經聽過這個地方名,無唸過會去得到。因為,地方似乎好遙遠。所以今次安排去,了下心願。初時以為機票好貴,原來重平過由香港去日本(正價機票計),喜出望外。今次,香港-溫哥華-Alaska-溫哥華-香港,全數飛機票都係$64xx。咁平,真係跌曬眼鏡,唔去溫哥華跑跑馬,真係對佢唔住。

    五月正值春天,花開滿山。有去過去朋友話,這個月份,最靚,又唔凍。帶埋航拍,單反,360,希望影到靚境。我講給朋友聽,我訂的飛機票價錢,她/後他們都唔信,"下!?有無咁平呀?"。:-)
    去過的朋友介紹我去參加由溫哥華出發去Alaska的遊輪。但睇過,行程唔好。有八天和九天的遊輪行程。但來回無左四晚,係隻遊輪度。我覺得無聊,而且又貴,唔抵。我不如坐飛機去Alaska,重好。自已識渣左軑車,點解唔自駕遊?

    我喜歡到處跑馬,因跑完馬又可以旅遊。而且,自駕遊唔貴,如果下下跟團,次次玩三個星期,肯定破產。自駕遊跑馬,都有成十年多。睇番個地圖,都係唔係去過好多地方。地球真大,(人生)時間太少。跑左全馬十幾年,全無停過,都還有大把地方未去。:_(

    所以我唔喜歡,一兩個國家repeat and repeat咁跑,例如:日本,台灣,韓國。這些國家,去一,兩次已經好夠。人生時間無多,點解唔去別的未去過的國家,跑馬?去豐富自己的經歷。睇番,掛在衣櫥內,印住各國的馬拉松跑馬運動T,都係一番回憶。

    點評

    Like: 5.0
    Like: 5
      發表於 2018-5-27 11:19

    升級   4.7%

    該用戶從未簽到

    發表於 2018-3-21 11:45:56 | 顯示全部樓層
    本帖最後由 brompton 於 2018-3-21 11:50 編輯

    由溫哥華至Banff國家公園,開始沿途訂住宿。一般接受得到的,要$400-$450每人每晚,都幾貴。加拿大的住宿因為稅的問題,比起歐美澳紐,都貴。我一般去歐洲,唔好講東歐的國家,就算係西歐,都係$250-$400每人每晚。最貴的北歐,我未去過,聽說好貴。

    由溫哥華渣車去Banff,沿途都係郊野段。跑完馬,星期一就開始渣車去。跑完馬,我鐘意渣長途車,可以當休息下。車,未租,因為未決定,落到溫哥華就立刻係機場鑼車,還是跑完才係市中心鑼車。租車,一般Compact/Medium Size係$450一日,全包稅/保險/Additional Driver,等。比起係美國/歐洲租,貴。加拿大,係貴野黎。我習慣左歐澳紐美的價錢,加拿大就要適應下。我上次跑完波士頓,都有轉去加拿大的東岸玩,五湖區,已經知,一過美加邊境,d野就比較貴。

    點評

    Like: 5.0
    Like: 5
      發表於 2018-5-27 11:19
    Like: 5
      發表於 2018-3-21 15:48

    升級   4.7%

    該用戶從未簽到

    發表於 2018-4-5 19:51:57 | 顯示全部樓層
    本帖最後由 brompton 於 2018-4-5 20:00 編輯

    安排上,已七七八八。還有約七,八天的住宿,未訂。都唸住,去到睇下乜環境,才見步行步。租車,已經差唔多落實,租車公司,係海鮮價。日日唔同,有次去歐洲,試過突然做特價,平了不少。租車,唔洗急,book marked左先,如見到有價減,才confirm都未遲。

    大會emailed比賽日安排的資料黎,原來有免費shuttle,接送跑手去起步點。這個安排,相當貼心。香港渣馬,可以參考。距離比賽日,祇有一個月。每星期,大約操40公里,一路直到比賽前,都會keep住咁上下的每星期總公里數。我跑左十幾年全馬,都唔會操LSD,什麼跑三十公里長課,我可謂一次都未跑過咁長的練習。近這三幾年,都係操十六公里就算。以咁訓練里數,可能會係比賽時,hit the wall或者過左三十公里,速度就會跌得好緊要。但我係唔會hit the wall嫁禍,而且大多數都可以做到negative split的完成時間。即係,後21公里的速度,快過頭21公里少少。
    我都對我這種情況,不太了解。我覺得唔合常理。一般跑友都會講,要練長課,才可以保持後半段的速度。不過咁講,我完成的時間唔快,可能係咁,所以有無長課影響唔大。我唸,個解釋差唔多係咁,掛?

    點評

    Like: 5.0
    Like: 5
      發表於 2018-5-27 11:20

    升級   4.7%

    該用戶從未簽到

    發表於 2018-4-7 23:14:32 | 顯示全部樓層
    本帖最後由 brompton 於 2018-4-7 23:49 編輯

    我每星期跑四十公里咁上下的里數,是包括三個項目。沖圈,跑斜路和16公里的長課。我發現,咁安排訓練的方式,好適合我。我覺得,訓練的quality重要過quantity。我知有些全馬的跑友,一星期操八十至一百公里,甚至是一百二十公里。他們所能造出的時間,當然比我的好好多。他們操練的里數,能跑進Sub 3是正常不過。訓練里數的多少,直接會影響全馬完成的時間,這是一個簡單的數學。但祇求一般唔太差完成時間為目的,訓練里數可以輕鬆一點。
    我自從兩年多前,跑出波士頓時間,及後跑完波士頓之後,跑步好像已失去了目標。這兩年黎,都係無乜睇頭,但求完成。今次,溫哥馬希望可以再造點成績出黎。近星期的練習,似乎有"咸魚番生"的感覺。可能,是近這幾個月,天氣頗適合練跑,自我感覺良好,就易生出錯覺。

    我每次落場比賽,都係以心跳黎做速度的控制。頭十公里,keep住心跳係80%(或以下),第二個十公里,keep心跳係85%(或以下),第三和四個十公里,keep心跳係90%。我對於心跳,係跑左十幾年全馬,都係超注意。我的跑步理念係,健康永遠重要過一時的光煇。唔會為了搏時間,去損害自己的心臟健康。我聽唔少,單車友/跑友,踩/跑到變成心臟病。

    我十幾年前參加全馬,當年係我個Age Group and above,有成幾千人。後黎跑步熱潮,我的age group and above有過萬人。現在,十幾年過去,我的Age Group and above,已所剩無幾,可能連一千人都無。咁即係當年同我一起跑的,現在絕大部份已無再參加全馬的比賽。可能因為健康,年老衰退,失去興趣,等等理由,已經絕跡跑場。我的目標,係長跑長有,我每年都無停過跑全馬的賽事,平均一年會跑四個全馬。希望將來還有好多個十年,我仍然地在跑。

    我年前跑澳洲悉尼馬拉松,驚奇的發現,我排係我的Age Group第25名。我唔覺得我自已跑得特別快,而是其他人到左我的Age Group已經唔係好快得到。馬拉松係鬥耐力,唔係鬥一場的耐力,而是係鬥跑馬一生的耐力。所謂,跑馬人生。係跑場,一班班跑手係身邊擦過。有來有去,但走左就無再返番賽道上。但自己仍然,每年在起步點出發。環顧左右,祇得自已一人,仍然向著標桿直跑。

    點評

    Like: 5.0
    Like: 5
      發表於 2018-5-27 11:20

    升級   4.7%

    該用戶從未簽到

    發表於 2018-4-22 23:09:29 | 顯示全部樓層
    本帖最後由 brompton 於 2018-4-22 23:40 編輯

    係網上申請加拿大和美國的入境,批核好快。幾小時,加拿大就送上核準,美國都係一日後就批左。美國的,無問幾時黎,幾時走,又無問美國住係邊,去邊樹。加拿大就問得詳細d,但都無需要提供加拿大住宿地址。加拿大和美國入境申請,都係一般建議申請入境獲得批核,才好訂機票和酒店。去這些國家,就係咁麻煩,唔同歐洲/英國/澳/紐。就咁一本護照,就入得境。
    但如果是渣車入美國/加拿大,就唔洗預先網上申請。網上申請,祇適用於坐飛機入境。入出境美國,我覺得好麻煩,人又多,要起飛前三小時多就要排隊。加拿大就好好多,一般兩小時前就無問題。離開歐洲/英國/澳/紐,都好快就上到機。
    溫哥華馬拉松,可容許跑手去更改比賽項目。即係,如最初報係全馬,到左比賽日前三星期,都可以改跑其他的項目。這是我首次,見國外馬拉松有這個貼心的安排。因為,有好些人可能訓練時,跑傷左,可能無法完成所報的項目。咁就可以更改比賽去跑短些距離的比賽項目。跑手就唔洗練跑時傷左,都要硬著頭皮去跑原有的比賽項目,而更改至十公里,半馬,fun run等。這個安排,渣馬可參考。係Runners Pack內,附上免費的交通Shuttle/巴士,車票,接送跑手去起步點。這個又係一個好安排。我是第一次,跑加拿大。暫時感覺幾好。報名,大會安排,我覺得人性化,貼心。未跑,已經覺得唔錯。
    路線,係由郊區的公園出發,跑去西邊的海邊,然後沿著北海岸線,跑去係北面的市中心區,完結。相信都係平路多,可能會有暗斜上上落落。應該坡度唔會大。溫哥華,好多香港人/華人,係個邊住。應該有唔少當地的香港人,跑溫哥華馬拉松。

    我會帶埋航拍機去,係網上查過資料,加拿大飛航拍機,無需要事前登記。祇要注重一般飛行安全,限飛和禁飛區,就無問題。好期待係加拿大影到空中靚境。係Alaska飛,就要進入網上登記,給幾蚊美金,有效期三年。

    點評

    Like: 5.0
    Like: 5
      發表於 2018-5-27 11:21

    升級   4.7%

    該用戶從未簽到

    發表於 2018-5-26 17:51:21 | 顯示全部樓層
    本帖最後由 brompton 於 2018-5-26 19:10 編輯

    跑完溫哥華馬,完成時間超唔理想。半程都keep到好時間,但下半程就爆左,甩曬,要懶番去終點。比賽當日,紫外線爆燈,氣溫約20度,比較上熱。體感溫度,好像25/6度,難頂。賽路初段已經要上坡,不斷上坡。十多公里後,轉為上上落落,直到終點。自己carbo load做得唔夠足,加上氣溫熱左一點,懶到返終點,已經算萬幸。我每到一水站,都要補水。我跑左馬拉松近這五,六年,都未試過每水站都要飲水。但奇怪,我唸住跑得咁差,但完成的總名次和年齡組別名次,竟然屬中上級。唔知係唔係賽路和天氣,玩殘曬d跑友?賽路,高低相差100米,即係約四十層樓咁高。而賽道上上落落,頗消耗體力。
    跑完,就渣車去左Banff和Jasper National Parks玩。行左幾次山,入山林。係British Columbia行山,好行,路線清楚,遊人頗多,風景真係無得頂。一路行,就一路影相,航拍。Banff/Jasper,風景頗靚,雪山/冰川湖/楓樹林,倒影,春天花又開。剩係這個配搭,已經無得輸。但咁講,當我睇左十零個這些雪山/冰川湖/楓樹林,日日都係咁靚,漸漸已經覺得有點悶。係Banff/Jasper玩左九日。係Banff/Jasper,係路邊見到黑熊,頗近。
    然後就回溫哥華,坐飛機去Alaska。係Alaska北上FairBanks睇極光,Denali National Park,然後南落Seward睇冰川海灣。係Alaska又行左幾次山,但頗驚險。因為Alaska,行山林/雪山,遊人不多。入山林頗陰暗,而且最危險係會隨時遇到野生動物,如熊。Alaska的行山徑,無British Columbia的咁人工化,比較上原始。地面情況,有時都幾壞,雪/泥水/溪水,乜都有。我著左重型全能行山鞋,才可以應付。差唔多係每個行山徑的入口/Camping Site/Picnic Area,都有"熊出沒"的驚告牌,相當嚇人。我行入山林,四野無人,而且週不時聽到動物聲,感覺心寒。路面上,常見大型動物的腳印,動物走過弄斷的樹枝,和新鮮的屎便。係Alaska行山,要打醒十二精神。係Alaska,係Denali National Park,見到不少野生動物,遠處見到有Grizzy Bear係度獵食。Denali National Park,亦層經發生過熊咬死遊客的意外,所以,Park Ranger一見到有"熊出沒",就好緊張,把遊客隔到老遠。

    係Alaska,行山要小心。我行左幾次入山林,都係膽粗粗,保持最高的警察性。山林,無乜人行山,如果有意外或給動物攻擊受傷,就好麻煩。係Fairbank,天氣唔好,陰天下雨,check過極光網站,食白果。我到的兩天內,都唔會睇到極光,有點失望。渣左去North Pole聖經老人村,無乜野睇,影左d家相就走頭。不過,我咁大個仔,都未試過同聖誕老人影相,今次係North Pole聖誕老人村可以同聖誕老人影相,都係第一次。係British Columbia睇左十幾個靚到飛起的雪山/冰川/湖/楓樹林,黎到Denali National Park,就唔會覺得特別靚。因為,實在睇到悶。
    南落去Seward,參加左一個冰川海灣遊。我人生第一次見咁大型的冰川,都算一開眼界。這種冰川,係高清台常見。海灣遊,還見到大大小小的鯨魚,海獅,等。都值得去。不過,如果有motion sickness的人,就會覺得貼錢買難受。我見,有幾個遊客,出海不久已經唔係咁老黎,像是有motion sickness。整個船遊,六小時,如果有motion sickness,真係會渡日如年。

    係Alaska九日,陰天下雨,晴天祇得兩天。不過,陰雨天,有陰雨天的美,像水墨畫。係British Columbia的Banff/Jasper National Park,就藍天白雲,天氣好靚。Alaska Anchorage,係免稅城市,d野都幾平。紀念品買得落手,我係Alaska食左好多餐蟹,長腳,皇帝,Alaska Crab,真係好好味呀!我係超市買,係賓館煮黎食,食蟹可以食飽。價錢,平到你唔信,超正。係加拿大,就食三文魚,有smoked Salmon和新鮮三文魚腩,又係平靚正,食到滿口油,入口溶化。

    總共玩左二十三日,d相好似poster咁。唔係我影相/航拍技術好,而是d境真係靚,傻瓜都立變攝影大師。我影左唔少野生動物相,我好似去左National Geographic的Sahari tour。香港人,好少係Alaska行山,多是參加Alaska遊輪。如果參加遊輪,我覺得就睇唔到Alaska真實的一面。朋友睇左我上載的相,才知Alaska原來可以咁玩,d境咁靚。已經有幾個朋友,問我鑼條線,住宿,租車,飛機票的問題。不過,我都係唔建議朋友黎行山,因為一旦遇到熊出沒,就會樂極生悲。我行完無事,都可能祇是時運高。而且,d track有危險性,維修唔多,總之見我無事好玩,就以為好好玩。
    係British Columbia的Banff/Jasper National Parks,撞口撞面都係香港人,大陸人,普通話人,廣東話人。每個境點,都係人山人海。但到左Alaska,係境點我無見過一個香港人,大陸人。係Denali National Park的賓館,祇見過四個台灣人。可想而知,Alaska唔係一個人氣旅遊的目的地。亞洲人,唔多。係國外境點遊,我第一次,去一個地方旅遊,竟然無見到香港人/大陸人。

    Alaska Anchorage有美軍空軍基地,不時見到F22隱型戰機,係頭頂飛過。難得。F22隱形戰機,我相信係香港唔會有機會見到,係Alaska Anchorage,隔一段時間,就有一架F22降落起飛。F22,祇會在美國本土和敘利亞戰場,出沒。見到多架F22係頭頂飛過,都算係一個旅遊的意外收獲。

    全程二十三日,機票/住宿/飲食/租車/入場費/參加冰川遊,係Columbia Glacier行玻璃橋的費用,唔計買記念品,每人約用左$20,000。這個價錢,比較上貴。如果係跑西歐,同樣玩二十三日,萬六/七,就已經得。如果係跑東歐,二十三日,一萬多dd,就已經得。加拿大的住宿/飲食,頗貴。Alaska,就有平有貴。

    自由行/自駕遊,才可以做到咁價錢,如果跟跑會/跑團/旅行團,玩二十三日,我唸要十萬,八萬。不過,唔會有去二十三日的跑團/旅行團。

    係Alaska,凌晨四點多,已經天光,晚上十一點多,才天黑。每天的日照頗長。我每天都玩到晚上九,十點,才check in 賓館。真係,每天好多時間玩。少點精力,都頂唔到咁多日。

    點評

    Like: 5.0
    Like: 5
      發表於 2018-5-27 11:21

    升級   4.7%

    該用戶從未簽到

    發表於 2018-5-27 09:56:53 | 顯示全部樓層
    本帖最後由 brompton 於 2018-5-27 10:38 編輯

    介紹我去過的Banff National Park, Canada
    https://www.youtube.com/watch?v=k-Mq8FXC1J8

    介紹我去過的Jasper National Park, Canada
    https://www.youtube.com/watch?v=Ez8SLzuQGU4

    介紹我去過的Columbia Glacier, Canada
    https://www.youtube.com/watch?v=w2QoKoDYuqU

    介紹我渣車過的全世界最美公路IceFields Parkway, Canada
    https://www.youtube.com/watch?v=kjRfh63h7gw
    介紹我去過的Denali National Park,Alaska
    https://www.youtube.com/watch?v=JkMI7VW3vLk


    介紹我去過的Fairbanks(極光小城), Alaska
    https://www.youtube.com/watch?v=UT7L9QDcfU0

    介紹我去過的Seward(冰川船遊), Alaska
    https://www.youtube.com/watch?v=9S3nPa79TAE

    介紹係Alaska國家公園行山,遇到熊。所以,點解我講,見我行山好似好好玩,但真係一路行一路驚遇到熊。
    https://www.youtube.com/watch?v=WoQN9v1ui8c

    這條線,我祇book左星期五和六(因週末唔事前book,到時可能要迫住要住遠一點或比較貴的住宿),和,係重點旅遊的住宿。其餘的,就渣到邊就住到邊。因為,唔熟地頭,所以唔知係邊樹會住才好。出發前,就預計今次旅遊,條線點走,祇訂下每天最長的渣車時間和距離,因唔想太早或太晚才渣完。還有自駕遊,要打醒十二分精神,因為路面會經常有動物過馬路,如果撞上,可能再無機會同各網友見面。當地Alaska的人,會再加叮囑,要小心動物,唔好撞上。路邊常有警告牌,叫渣車留神,留意動物橫過馬路。係國外渣車自駕遊,例如,澳洲/紐西蘭,常有香港人/大陸人,渣車避動物,而弄至嚴重車禍和傷亡。我常係國外渣車,所以會留意這方面的風險。例如,我上次去蘇格蘭高地,就有隻鹿突然係樹林沖出馬路,係澳洲渣車就有無數次有袋鼠跳出黎,係歐洲,就見羊/牛,過馬路。香港人,部份少出外自駕遊,可能會忽略左係馬路上會撞上動物的風險。

    今次,我係第一次帶航拍機去旅遊。但到左,發現真係到處都標示"No Drones"的警告牌。有點掃興。Canada/Alaska,湖多。一有湖,就係海上飛機的機場或起降點。即係,見到湖,就唔飛得航拍機。咁,即係見到靚境,都無得影。我經過或去過的旅遊點,到處都係水上飛機場,或,小城飛機場,難找位航拍。有時,開左個DJI GO 4 APP,才知,原來個山後面已有飛機場,又唔飛得。但係咁,我都影左好多航拍相,都算滿意,不致白鑼。

    各網友可參考。


















    點評

    Like: 5.0
    Like: 5
      發表於 2018-5-27 11:22

    升級   4.7%

    該用戶從未簽到

    發表於 2018-5-30 23:35:42 | 顯示全部樓層
    本帖最後由 brompton 於 2018-5-31 00:04 編輯

    返左黎幾日,同不同的群組分享我係Canada/Alaska的遊歷。我都係唔建議朋友去Alaska行山,Canada B.C./Banff/Jasper就比較上安全,選一些人氣的行山路線。我係Jasper National Park的路邊,係不同路段見到兩隻黑熊,我留係車上,關閉門窗,停低影佢地。

    Alaska行山,就真係要三思。就算係家樂徑,都唔好亂黎。因係Alaska,就算係市區,民宅,都可能有熊出沒。唔好以為,有些近民居的家樂徑,就放下介心。我係Alaska Denali National Park,係Visitor Centre問Park Ranger,行山是否安全。他們都係話,"無問題,行山係安全,和近日無熊出沒的報告。",但他們會加多句,"要小心點。"。咁樣,即係點?我當時心唸。
    Denali National Park,為了遊客安全,祇開放係Vistor Centre幾公里內的家樂徑。如要行其他比較上偏遠的行山徑,就要同Park Ranger預先登記。我行左鄰近Vistor Centre的家樂徑,都已見到動物的屎便,斷樹枝和大型腳印。係唔係安全?我真係唔知。我們行完Vistor Centre的行山徑,就渣左入Denali National Park內,約26miles的river side loop trail (咁上下名)。正想開始行,Park Ranger告知發現熊出沒,指左給我們看,約四百米外有隻大棕熊係條河上,要暫時封閉條track。我們好彩,如果早早入左條track,就可能變左棕熊的點心。又或者,入左條track,見到熊之後,就唔夠膽繼續行番出黎。
    隨後的幾日,我就行一般local行的的行山徑。即後,路邊有個牌,話可以行去湖/樹林,等的行山徑。這些行山徑,就係我講比較上陰森,路面條件不太理想,而且最嚇人,就係我唔見有人行!我們祇得兩個人,都係膽搏膽。總之,最高警覺,時刻預備。時不時留意下,山徑上有否有斷的樹枝可以立刻用黎自衛,如有需要。有一天,行左入"Bear Lake"。個名已經夠嚇人,還有警告牌係入口,說明這條track有熊出沒。行左半小時,約一公里多一點。我們的心理壓力頂唔順,都係掉頭行回停車場。另有一天,行左去湖區,又係有警告牌,說明熊出沒。係停車場,泊左兩部RV。我以為條track有其他人行緊。我們兩人就行左入去,點知,行左成三小時,無見過一個人。我們行到個湖,就急急影左相,打咭。就急急飛奔回停車場。

    我再三係度,講出Alaska行山的危險,就係唔希望我的遊記,誤導了跑友。以為去Alaska行山,好像係香港行山咁安全。要自己先評估風險,都係個句,我唔建議跑友係Alaska行山。

    點評

    Like: 5.0
    Like: 5
      發表於 2018-5-31 10:43
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2018-11-21 22:52 , Processed in 0.111729 second(s), 39 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表