香港長跑網  - 長跑長友

 找回密碼
 註冊
搜索
查看: 1751|回復: 7

跑海外馬要注意既事

  [複製鏈接]

升級   100%

  • TA的每日心情
    開心
    2013-10-15 07:26
  • 簽到天數: 7 天

    [LV.3]偶爾看看II

    發表於 2017-10-25 10:01:35 | 顯示全部樓層 |閱讀模式
    本帖最後由 wlau 於 2019-1-24 14:56 編輯

    如果跑海外初馬,尤其係日本馬,一定要準時寄行李同上線,日本馬唔一定所有比賽起終同一點,所以係會好似香港渣馬咁,放行李上車車去終點,所以一遲就要揹住行李跑,而上線時間大部份日本馬都好嚴,九點開跑既比賽,大部份八點四前(有d 八點半)一定要入自己既起跑區,每個起跑區都有人守住入口,遲到而嚴格果d 會即要求你去最後既起跑區起跑(那霸,大阪,東京等三萬人報名既比賽,最後既起跑區由鳴槍去到上線位,可能要成九個字,而關門係睇鳴槍時間,所以那霸馬話有六個鐘頭三個字,最後可能實際得五個半鐘跑,而大賽好多時有十幾個關門位,追中間既關門都追到氣咳),所以大家一定要預番足夠時去會場寄行李同去洗手間,有d 寄行李區同上線區係天南地北咁遠,寄完行李返去起點都可能要成十分鐘,預鬆少少時間會好d,而好多時係起跑區等超過半個鐘先開跑,所以要因應天氣情況保暖,而亦唔好飲過多既水,因為有d 起跑區入左去,但因為去洗手間出番去,再要返入去,佢地工作人員有可能唔俾,一定要你去最後起跑區。。
    而頭果十幾k 既洗手間有時要排好耐,試過金沢中段去洗手間排左十五分鐘隊,排洗手間亦係會大量流失時間既原因(雖然都有唔少日本人會走去草叢解決,但非必要都唔好失禮人)

    以下為列點, 留意番- 比賽日時間應對安排
    1. 準時入指定既起跑區, 遲到可能被要求去最後既起跑區, 有可能會遲成半小時先上到起跑線
    2. 如果起跑點及終點為同一個位置, 寄存行李會比較方便, 通常有一個指定區域存放, 如果住起跑點附近, 可以唔駛寄存行李, 直接去比賽都得, 但假如起終點不一致, 可能需要將行李寄上車, 這就一定要早少少去到起跑點寄存行李, 因為通常行李車會比較早起行, 以避免比賽封路, 假如八點半前要上線, 通常行李車八點十分至八點十五分已經停止接受行李出發, 遲左, 就要揹住行李去起跑, 無人會幫忙處理的.

    3. 假如不是住起跑點附近, 就要留意番去起點既交通安排, 有D 比賽起點係有鐵路到達, 預先買定車飛會方便D,  有D 比賽可能需要坐接駁巴士, 等候時間可能好長, 要預早去排, 亦可能影響到寄存行李同上線既時間
    4. 排洗手間係最痛苦既時, 雖然大部份日本馬及內地馬都已經分開左男女洗手間區域, 男性有小便專區可以排快D , 但可能都需要排十至十五分鐘左右,  女性區域更可能要排半小時以上, 所以都要預番足夠時間去排, 但其實可以既, 都唔好飲太多水..

    5. 假如去大型比賽, 好似東京, 大阪, 那霸等, 一槍過既2, 3 萬人賽事, 最好預比賽 1.5 ~ 2 小時前到達

    - 比賽行為
    1. 人有三急點算? 排洗手間就一定係最正確, 但有時D 洗手間太少或真係忍唔住可以點? 最好搵D 隱蔽D 草叢去解決, 唔好太過誇長係建築物上疴,  根據經驗, 歐美既比賽有d 選手都會去草叢解決, 最誇張係見女仔都有, 所以唔駛帶太過奇怪既眼神去望佢地.
    2. 內地跑步最大問題係放飛劍, 雖然我見已經少左好多, 但都仲有D 人唔理身邊有無人, 就咁吐出來, 這個係最唔接受到既行為, 當然, 大家跑開步, 都有可能無可避免地需要吐一吐口中既口水或痰之類, 但可以跑去最邊位係唔影響人既情況之下先吐..

    點評

    Like: 5.0
    Like: 5
      發表於 2017-10-25 14:48
    Like: 5
      發表於 2017-10-25 11:13

    升級   0%

    該用戶從未簽到

    發表於 2017-10-25 10:28:10 | 顯示全部樓層
    樓主講既,堅係真,唔好忽視。
    有好多日本馬寄物地方同起跑區一東一西,遲左上線就要到隊尾起跑,絕不留情(小弟見唔少)。
    隊尾到起點,因為起步時人多塞車,真係花你大半個鐘先過到地毯,即係變相比賽時限少左。
    呢樣野那霸馬勁出名,去片: https://www.youtube.com/watch?v=ykccZM_OTbA

    樓主篇野要置頂。

    點評

    Like: 5.0
    Like: 5
      發表於 2017-10-25 14:49
    Like: 5
    高亮 置頂  發表於 2017-10-25 11:12

    升級   0%

  • TA的每日心情
    奮鬥
    昨天 14:09
  • 簽到天數: 1697 天

    [LV.Master]伴壇終老

    發表於 2017-10-25 14:09:50 | 顯示全部樓層
    謝謝温馨提示!

    升級   0%

  • TA的每日心情
    奮鬥
    10 小時前
  • 簽到天數: 1974 天

    [LV.Master]伴壇終老

    發表於 2017-10-25 14:53:21 | 顯示全部樓層
    謝謝你的分享和介紹
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2019-3-19 10:33 , Processed in 0.083990 second(s), 25 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表