後腿痛一問

ericleung9

情況係咁既，我呢排發現跑跑下到6-7K左右開始右邊大腿後面感覺怪怪的，又未去到痛，但係條筋越跑越實，跑一步'銀'一下，扯住唔多舒服，長課中尾段更明顯，即刻灰左。想問一下呢D叫傷定咩，休左成個星期，尋晚跑課tempo，去到7K又黎料，又抽抽下，頂下赤下，都唔知點攪.......灰!有無高人指點下?!
感激萬分

shogikin

要多些資料才易d了解情況，例如跑齡，跑速等

ericleung9

38歲，跑左1年左右，正式一星期三課由2017年3月-4月左右開始，由開始6:50/km 現在5:00/km ，平均一星期兩課7-11K左右，依家練習半馬中，一星期一課長，17/18k，一向有打全場籃球比賽，但近月開始停打波了，一直一星期2-3日舉鐵以輕多下數為主。今朝都係咁E跑左6K，唔敢跑太長同快........

其實諗返是在港島10K賽爆到盡去，到尾兩K有呢種感覺，跟住聯合國10K去到5-6K到又黎，頂到尾........
都唔知點攪.......... 希望各位經驗高手幫我分析下
小弟有偏平足，平時有著鞋墊，跑步著有腳弓SUPPORT的跑鞋

十萬感激!!!!!

ericleung9

Btw, 平時行路又無咩野，只有小小小小小赤，好耐先有一次維持好短時期，仲要係唔多覺果種

shogikin

冬至好日子，我唔識都估下個情況。

估計情況：肌肉開始吃不消時，就會有訊息給身體。幸好你及時接收到訊息及一向對肌肉有鍛煉，不然就很易受傷了。

估計原因：用錯力，跑時由小腿做主要發力

改善方法：初步改為以patpat和大腿發力。慢慢再改為由核心core 帶動 扭腰 帶動 轉髖帶動 patpat大腿 帶動 膝頭小腿 帶動 腳。

或者：最常見的問題，除了發錯力，就是落腳有問題，如果是這個要改跑姿 就更難形容及花時間改。                                                                                                                  

ericleung9

咁既, 我本身開始跑時用腳肘落地嫁，不過練練下就改左全掌落地，反而我就係呢兩個月開始主要PATPAT同後腿發力，唔知係唔係本身呢兩PART肌肉弱既關係.

shogikin

是呀，是很多少用的肌肉弱，一受力就投訴。
改用patpat和大腿發力，起碼這裡的肌肉大舊，易練不易傷。
改落掌方法就很多無受開力的細肌肉要受力，就唯有慢慢練，急不來。

不過，跑步肌肉受力就肯定好過膝頭受力，膝頭一傷就唔知幾時好。

Kin in Running

ericleung9

今晚跑長課，希望無事... 感謝你的意見!