(請教) 傷了半月板及內韌帶

bigheadie

小弟一直都有跑步的習慣, 跑齡都有差不多十年了. 近一兩年來開始, 左邊膝頭會有時冇力, 但小弟見不太影響走路及跑步, 所以就冇作出治療

到最近一個月, 左邊膝頭開始多左冇力, 而且走路向左轉時左邊膝會好似卡住左向唔到左轉, 於是去左睇專科. 醫生建議照磁力共振, 照左出黎個結果係半月板有輕微撕裂, 再加上內韌帶有點傷......

做左兩個星期, 大約6次的物理治療及吃藥後, 韌帶的情況好轉了, 但半月板就應該未好番, 因為膝頭還是不太可以左轉. 醫生就建議可以考慮下做微創手術去醫治, 但復原的機會只有8,9成.........

想請教下各位師兄師姐, 如果這個情況, 應該要做手術嗎? 還是繼續做物理治療減少半月板再撕裂落去呢? 做手術怕會有後遺症, 所以不敢亂做, 但自己又想繼續跑步, 所以很難決擇..... 希望各師兄師姐可以給小弟一些意見~~~

謝謝

albutlau

半月板有部份系有血到, 有部份無, 所以睇你傷邊到, 如果傷有血到的部份,輕微裂斯裂道理系可自愈, 做手術也可修補 (放些類似小膠針, 等佢自動愈合), 如果無血到部份, 就要去除壞組織。。

既然醫生建議做手術, 就假設吾會自愈, 你吾補好佢, 卡下卡下, 你自己話有幾成? 仲有其它運動呢? 好需要靈活性。
後遺症非常少, 半月板甘細塊去除少少有9成系正常, 同一跑量可能比之前痛多左, 始終半月板用來避震, 不過成隻腳仲有好多部份工作, 練強其它肌肉, 可彌補有餘, 特別4頭肌, 有球員完場後先知斷了韌帶, 就系4頭肌強。

我結論系除非確認會自愈, 否則做手術一定好過吾做!
另外, 既然有MRI片, 建議睇多個醫生, 我試過未坐定就話打乜gel物gel, 有部份醫生既醫德……你懂的!

祝早日康復

shogikin

膝頭少血到，一傷就康復時間長。
要有心理準備，不論是否做手術，一頭幾個月都未必清楚康復情況哦

Kin in Running

bigheadie

albutlau 發表於 2018-5-9 13:25
半月板有部份系有血到, 有部份無, 所以睇你傷邊到, 如果傷有血到的部份,輕微裂斯裂道理系可自愈, 做手術也 ...

多謝師兄的回覆, 我會再諮詢下其他醫生的意見再作決定, 始終都係手術, 我都要先考慮清楚!

謝謝祝福~~

bigheadie

shogikin 發表於 2018-5-9 10:48
膝頭少血到，一傷就康復時間長。
要有心理準備，不論是否做手術，一頭幾個月都未必清楚康復情況哦

多謝師兄的回覆, 我會再諮詢下其他醫生的意見再作決定, 始終都係手術, 我都要先考慮清楚!

謝謝