2018.10.14 東北・宮城復興馬拉松

odinmusashi

https://fukko-marathon.jp/about2018/

報名日期延長到7月30日。有外國人報名網頁。

ah_teng

wlau 發表於 2018-7-4 09:58
雖然我都報左, 但個比賽交通上有D 難度, 所以都幾蝦人去..

我舊年去過跑左第一屆. 感覺係... 當日好鬼熱好鬼曬, 完全冇遮冇擋, 所以防曬要做好 (我見到有日本選手, 跑完塊面有個 "哄", 因為佢戴左黑超, 所以只係眼位有一個白印, 其他部份紅曬... XD. 我自己對手, 雖然有手袖同手套, 但對手套原來唔防 UV , 所以跑完手背都皺曬皮, 真係好傷!

交通方面, (我唔知今年起點/ 終點有冇改) 雖然有接駁車由仙台機場站送大家去取選手包 (我係之前一日拎) 同埋比賽當日都有, 但係落左車仲要行一段幾長而且好似修理緊既路先入到去, 一個公園咁上下的地方. 不過既然佢係 "復興", 未修整好都可以體諒. 跑完離場的時候, 佢有兩條接駁巴士線, 一邊係返仙台機場, 一邊係去名取, 都幾多人等所以要排長龍呀. 至於返到仙台機場站, 由於我花了 6 小時完賽, 之後又要等接駁車, 再加上機場線的車當時又不算很密, 所以都花了一點時間先至返到仙台市中心.

至於賽道方面, 因為真係好曬好熱的關係, 我既印象係跑得好辛苦 (雖然好似冇大上落). 不過我幾感動既係, 當地人出來打氣時, 講: 来てくれて、ありがとう (多謝你為我地來). 因為大家地震受災, 我地去跑除了自 HIGH, 對當地人來說, 也是一份支持.

希望大家跑得開心, 有好成績!

craig

多謝提供賽事報名資訊

wlau

雖然我都報左, 但個比賽交通上有D 難度, 所以都幾蝦人去..

odinmusashi

我都報左。Ching會點去仙台？
我諗住星期五到仙台，可以星期六拎選手包(得朝早9-12有得拎)。